ນັກຮຽນທິດສະດີ ລຸ້ນທີV ຈັດກິດຈະກຳຫຼິ້ນກີລາ

  ນັກຮຽນທິດສະດີການ ເມືອງການປົກຄອງ 45 ວັນ ລຸ້ນທີ V ຂອງເມືອງນອງຈັດກິດຈະກຳສ້າງຂະບວນການກີລາບານເຕະລະຫວ່າງນັກຮຽນທິດສະດີ 45 ວັນທີມຊາຍພົບກັບທີມການນຳ ເມືອງນອງ ແຂວງສະຫວັນນະເຂດ ແລະນັກຮຽນທິດສະດີ 45 ວັນ ທີມຍິງພົບກັບທີມແມ່ຍິງເມືອງນອງ, ການແຂ່ງຂັນໄດ້ຈັດຂຶ້ນໃນ  ວັນທີ 9 ມີນາ 2021 ທີ່ເດີ່ນບານ ເມືອງນອງໃຫ້ກຽດເຂົ້າຮ່ວມໂດຍທ່ານ ນາງ ສັງທອງ ຮອງເຈົ້າເມືອງນອງ ແລະທ່ານ ສຸກສາຄອນ ໂພທິລາດ ຮອງເລຂາພັກເມືອງນອງ, ມີຄະນະປະຈຳ, ກຳມະການພັກເມືອງ, ຫົວໜ້າຄະນະ, ພະນັກງານອ້ອມຂ້າງເມືອງຮ່ວມຮັບຊົມການແຂ່ງຂັນກີລາບານເຕະໃນຄັ້ງນີ້.

  ການຈັດກິດຈະກຳສ້າງຂະບວນການຄັ້ງນີ້ກໍ່ເພື່ອເປັນການພົບປະສ້າງຄວາມສາມັກຄີ ແລະ ວັນສຳຄັນຂອງຊາດນັ້ນກໍ່ຄືວັນແມ່ຍິງສາກົນໃຫ້ເຕັມໄປດ້ວຍຄວາມໝາຍຄວາມສຳຄັນ ແລະທັງເປັນການສ້າງຄວາມສາມັກຄີລະຫວ່າງການນຳເມືອງ, ຄູ, ອາຈານ ແລະ ນັກຮຽນກັບນັກຮຽນດ້ວຍກັນເຊິ່ງມາຈາກຫຼາຍພາກສ່ວນ, ບໍ່ວ່າຈະ ເປັນພາກສ່ວນຫ້ອງການອ້ອມຂ້າງເມືອງໃຫ້ມີຄວາມແໜ້ນແຟ້ນ ແລະເລິກເຊິ່ງກວ່າເກົ່າໂດຍການຈັດກິດຈະກຳກີລາບານເຕະມິດຕະພາບຊຶ່ງມີຢູ່ໃນຫຼັກສູດການຮຽນ, ການສອນທີ່ວາງໄວ້. 

 ສ່ວນຜົນຂອງການແຂ່ງຂັນກີລາບານເຕະການນຳຂອງເມືອງນອງຄູ-ອາຈານເອົາຊະນະທີມນັກຮຽນທິດສະດີ 45 ວັນ ທີມຊາຍໄປດ້ວຍຄະແນນ 2-1, ສ່ວນນັກຮຽນທິດສະດີ45 ວັນ ທີມຍິງແມ່ນໄດ້ເອົາຊະນະທີມແມ່ຍິງເມືອງດ້ວຍຄະແນນ 2-1, ການແຂ່ງຂັນກີລາຈົບລົງດ້ວຍບັນຍາກາດທີ່ມ່ວນຊື່ນ ແລະຄຶກຄື້ນທ່າມກາງສຽງເຊຍ ແລະໃຫ້ກຳລັງໃຈທີມນັກກີລາທັງ 2 ຝ່າຍ. 

แชร์