ມອບ-ຮັບນັກສຶກສາລົງຝຶກປະຕິບັດຊຸມຊົນ

  ໃນວັນທີ 5 ມີນາ 2021 ວິທະຍາໄລສຸຂະພາບສະຫວັນນະເຂດໄດ້ນຳພານັກສຶກສາການແພດຊັ້ນສູງສາຍກົງປີ 3 ຮຸ້ນ 3 ຈຳນວນ 58 ຄົນ, ຍິງ 41 ຄົນ, ລົງຝຶກ ປະຕິບັດຊຸມຊົນສົກຮຽນ 2020 -2021 ພິທີມອບ-ຮັບ ໄດ້ຈັດທີ່ຫ້ອງປະຊຸມຈຸດສຸມເຊກືໄດ້ຈັດພິທີມອບ-ຮັບນັກສຶກສາລົງຝຶກປະຕິບັດຊຸມຊົມໂດຍການເຂົ້າຮ່ວມເປັນ ປະທານຂອງທ່ານ ສີທະນົນໄຊ ສິລິວົງ ຮອງເຈົ້າເມືອງທ່າປາງທອງ ທ່ານ ສີສະເຫຼົາພະໄຊສີຫົວໜ້າຂະແໜງຈັດຕັ້ງພະນັກງານ ແລະຕາງໜ້າຫົວພະແນກສາທາລະ ນະສຸກແຂວງ ທ່ານ ວົງເດືອນ ພີມມະສອນ ຫົວໜ້າຫ້ອງການສາທາລະນະສຸກເມືອງ, ທ່ານ ບັນລຸຜົນ ຫຼວງພັກດີ ເລຂາພັກຮາກຖານຈຸດສຸມເຊກື-ພູມະລີ, ທ່ານ ສຸຄັນທອນ ສີພວງເພັດ ຜູ້ອຳນວຍການວິທະຍາໄລສຸຂະພາບສະຫວັນນະເຂດພ້ອມດ້ວຍຄະນະຕະຫຼອດຮອດນັກສຶກສາ ແລະພໍ່ແມ່ປະຊາຊົນຊາວບ້ານເຊກືເຂົ້າຮວ່ມແລະໃຫ້ການຕ້ອນຮັບຢ່າງອົບອຸ່ນ.

 ທ່ານ ສີສະເຫຼົາ ພະໄຊສີ ຫົວໜ້າຂະແໜງຈັດຕັ້ງພະນັກງານໄດ້ຍົກໃຫ້ເຫັນເຖິງບັນຫາສຳຄັນ ແລະຈຸດປະສົງໃນການລົງຝຶກປະຕິບັດຊຸມຊົນໃນຄັ້ງນີ້ກໍ່ຄືຂະບວນການບົ່ງມະຕິຊຸມຊົນຄືການເກັບກຳຂໍ້ມູນ, ວິເຄາະ, ບົງມະຕິຈັດລະດັບຄວາມສຳຄັນຂອງບັນຫາລົງມືປະຕິບັດແລະປະເມີນຜົນໃຫ້ນັກສຶກສາສ້າງແຜນໂຄງການສົ່ງເສີມປ້ອງ ກັນ ແລະຄວມຄຸມໃນການດູ ແລສຸຂະພາບຂອງແມ່ ແລະເດັກ, ໄວໜຸ່ມ ແລະ ຍິງໃກ້ຈະເລີນພັນພ້ອມທັງຮຽນຮູ້ ແລະ ເຂົ້າໃຈກ່ຽວກັບວຽກງານຊຸມຊົມທີ່ກ່ຽວຂ້ອງກັບບັນຫາສຸຂະພາບໃຫ້ຫຼາຍຂຶ້ນ, ຮຽນຮູ້ການເຂົ້າໃຈການດູແລໄລຍະເກີດແລະຫຼັງເກີດພ້ອມທັງວຽກງານສຸຂະສຶກສາຂອງວຽກງານສົ່ງເສີມສຸຂະພາບແມ່ ແລະເດັກທັງນີ້ ຍັງຮຽກຮ້ອງໃຫ້ນັກສຶກສາຈົ່ງນຳໃຊ້ຄວາມຮູ້ຄວາມສາມາດທີ່ຮຽນມາໃຫ້ເກີດດອກອອກຜົນ ແລະຜົນປະໂຫຍດຂອງຊຸມຊົນໃນຄັ້ງນີ້.  

  ໂອກາດນີ້ ທ່ານ ສີທະນົນໄຊ ສິລິວົງ ຮອງເຈົ້າເມືອງກໍ່ໄດ້ມີຄຳເຫັນກ່ອນອື່ນທ່ານກໍຍ້ອງຍໍຊົມເຊີຍທາງຄະນະວິທະຍາໄລສຸຂະພາບສະຫວັນນະເຂດທີ່ນຳນັກສຶກສາລົງຝຶກປະຕິບັດໃນຄັ້ງນີ້ຈາກນັ້ນທ່ານກໍ່ໄດ້ຮຽກຮອ້ງໃຫ້ນັກສຶກສາ, ເອົາໃຈໃສຊຸກຍູ້ໃຫ້ພໍ່ແມ່ປະຊາຊົນເພື່ອບັນລຸຕົວຊີ້ວັດທາງດ້ານສຸຂະສຶກສາໃຫ້ຫັນມານຳໃຊ້ວິດຖ່າຍໃຫ້ຫຼຸດຜ່ອນການໃຊ້ວິທີ່ຖ່າຍແບບທຳມະຊາດພ້ອມທັງໃຫ້ຄະນະກຳມະການຂັ້ນເມືອງໃຫ້ຕິດຕາມຊຸກຍູ້ອຳນວຍຄວາມສະດວກໃນການເຄື່ອນໄຫວວຽກງານຂອງນັກສຶກສາໃນແຕ່ລະໄລຍະຈົນກວ່າຈະສຳເລັດໃນການຝຶກປະຕິບັດຊຸມຊົນ ແລະຍັງຮຽກຮອ້ງມາຍັງຄະນະຮາກຖານຈຸດສຸມຄະນະຮາກຖານບ້ານຕະຫຼອດຮອດອຳນາດການປົກຄອງບ້ານ, ພໍ່ແມ່ປະຊາຊົນຈົ່ງອຳນວຍຄວາມສະດອກໃນການສ້າງກິດຈະກຳທີ່ວາງໄວ້ພ້ອມທັງຕິດຕາມຊີວິດການເປັນຢູ່ຂອງນັກສຶກສາຢ່າງໃກ້ສິດຕິດແທກໃຫ້ຄຳປຶກສາທີ່ພົບບັນຫາໃນການປະຕິບັດກິດຈະກຳຕ່າງໆ ເພື່ອແກ້ໄຂແລກປຽນບົດຮຽນ ແລະປະສົບການຈາກຮາກຖານ ແລະຊຸມຊົນ. 

แชร์