ເອຊີລີດາ ບໍລິຈາກເລືອດຊ່ວຍຄົນເຈັບ

 ໃນວັນທີ 5 ມີນາ 2021, ທີ່ສຳນັກງານໃຫຍ່ທະນາຄານ ເອຊີລີດາ ລາວ ຈຳກັດ, ໄດ້ມີການບໍລິຈາກເລືອດໃຫ້ກັບສູນເລືອດແຫ່ງຊາດອົງການກາແດງລາວ,ໂດຍການນຳພາຂອງ ທ່ານ ລັດສະໝີ ຫງວນ ຜູ້ອຳນວຍການໃຫຍ່ທະນາຄານ ເອຊີລີດາ ລາວ ຈຳກັດ ພ້ອມດ້ວຍຄະນະຜູ້ບໍລິຫານ,ພະນັກງານທັງສຳນັກງານໃຫຍ່ ແລະ ສາ ຂາເຂົ້າຮ່ວມ. ການບໍລິຈາກເລືອດຄັ້ງນີ້ເພື່ອເປັນການຊ່ວຍເຫຼືອຜູ້ປ່ວຍ ແລະຜູ້ທີ່ມີຄວາມຈຳເປັນໃນການນຳໃຊ້ເລືອດໃນຍາມສຸກເສີນພ້ອມທັງເປັນການສ້າງຂະບວນການຕ້ອນຮັບວັນແມ່ຍິງສາກົນຄົບຮອບ 111 ປີ ອີກດ້ວຍ.

 ທ່ານ ລັດສະໝີ ຫງວນ ຜູ້ອຳນວຍການໃຫຍ່ທະນາຄານ ເອຊີລີດາ ລາວ ຈຳກັດ ໄດ້ກ່າວວ່າ: ເລືອດເປັນສິ່ງທີ່ຈຳເປັນຕໍ່ກັບຄົນເຈັບຈຳນວນຫຼວງຫຼາຍໃນໂຮງໝໍ ແລະນຳໃຊ້ເຂົ້າໃນການປິ່ນປົວສຸກເສີນໃນທົ່ວປະເທດ,ການຈັດບໍລິຈາກໃນຄັ້ງນີ້ແມ່ນເປັນຄັ້ງທີ 9 ແລ້ວສຳລັບທະນາຄານ ເອຊີລີດາ ລາວ ຈຳກັດ ໃນການເຂົ້າຮ່ວມການບໍລິ ຈາກເລືອດດ້ວຍຄວາມສະໝັກໃຈ ແລະເງື່ອນໄຂຕົວຈິງ.ພວກເຮົາມີຄວາມພາກພູມໃຈທີ່ໄດ້ມີສ່ວນຮ່ວມໃນກິດຈະກຳທີ່ສຳຄັນທາງສັງຄົມ ແລະຊ່ວຍເຫຼືອຊີວິດຂອງຜູ້ຄົນໃນຍາມສຸກເສີນດ້ວຍການບໍລິຈາກເລືອດຂອງພະນັກງານທະນາຄານເອຊີລີດາໃຫ້ແກ່ສູນເລືອດແຫ່ງຊາດ, ອົງການກາແດງ.

  ທ່ານ ລຳພັນ ອິນສຸລິວົງ ຫົວໜ້າພະແນກບໍລິຫານຂອງທະນາຄານ ເອຊີລີດາ ລາວ ຈຳກັດ ໜຶ່ງໃນຜູ້ບໍລິຈາກເລືອດໄດ້ກ່າວເພີ່ມຕື່ມວ່າ: ທ່ານມີຄວາມສຸກຫຼາຍທີ່ໄດ້ເຫັນຫຼາຍໆຄົນມີສ່ວນຮ່ວມໃນການຊ່ວຍເຫຼືອຊີວິດເພື່ອນມະນຸດໃນສັງຄົມດ້ວຍກັນເພາະວ່າພວກເຮົາທຸກຄົນແມ່ນບໍ່ຈຳເປັນຕ້ອງເປັນທ່ານໝໍກໍ່ໄດ້ສຳລັບການຊ່ວຍຊີ ວິດຄົນເນື່ອງຈາກວ່າພວກເຮົາສາມາດມີສ່ວນຮ່ວມໃນການຊ່ວຍເຫຼືອຊີວິດຄົນແບບງ່າຍໆ ໂດຍການບໍລິຈາກເລືອດດ້ວຍຄວາມສະໝັກໃຈກໍ່ຖືວ່າເປັນວິທີທີ່ສຳຄັນເຊັ່ນ ດຽວກັນ, ເພາະວ່າ:”ໃຫ້ເລືອດໃຫ້ ຊີວິດ” ແລະສະນັ້ນທີມງານຜູ້ບໍລິຫານ ແລະພະນັກງານຂອງທະນາຄານ ເອຊີລີດາ ລາວຈຳກັດໄດ້ພ້ອມໃຈກັນບໍລິຈາກເລືອດຄັ້ງນີ້ ແລະບັນຍາກາດຂອງມື້ນີ້ກໍ່ເຕັມໄປດ້ວຍຄວາມອົບອຸ່ນ ແລະລາບລື້ນ. ພວກເຮົາກໍ່ຂໍເຊີນຊວນປະຊາຊົນລາວໃນທົ່ວປະເທດໂດຍສະເພາະໄວໜຸ່ມຜູ້ທີ່ມີຄວາມເມດຕາເຂົ້າ ຮ່ວມບໍລິຈາກເລືອດເພື່ອຊ່ວຍຜູ້ປະສົບໄພທີ່ຕ້ອງການເລືອດ ແລະປະກອບສ່ວນເຂົ້າໃນການຊ່ວຍເຫຼືອຊີວິດຂອງມະນຸດ.

 ທະນາຄານເອຊີລີດາ ລາວ ຈຳກັດ ເປັນທະນາຄານທຸລະກິດຕ່າງປະເທດທີ່ດຳເນີນທຸລະກິດໃນ ສປປ ລາວ ມາໄດຫຼາຍກວ່າ 12 ປີ ໂດຍ ແລະມີສ່ວນຮ່ວມໃນການຊ່ວຍ ເຫຼືອສັງຄົມຕະຫຼອດມາ.

  ໃນລະດັບພູມີພາກ, ກຸ່ມເອຊີລີດາມີ ທະນາຄານ ເອຊີລີດາ ມະຫາຊົນ ຊຶ່ງເປັນບໍລິສັດແມ່ ແລະມີ 4 ບໍລິສັດລູກທີ່ດຳເນີນທຸລະກິດໃນປະເທດກຳປູເຈຍ, ລາວ ແລະ ມຽນມາ, ກຸ່ມເອຊີລີດາມີຊັບສິນລວມທັງໝົດຫຼາຍກວ່າ 6.6 ຕື້ໂດລາສະຫະລັດ, 319 ສຳນັກງານ, ຕູ້ເອທີເອັມ 809 ໜ່ວຍ ແລະໃຫ້ບໍລິການລູກຄ້າຫຼາຍລ້ານຄົນ ແລະບໍລິການໂອນເງິນໄປທົ່ວໂລກ.

แชร์