ຍີ່ປຸ່ນຊ່ວຍເຫຼືອ 2 ໂຄງການ

  ລັດຖະບານຍີ່ປຸ່ນໄດ້ໃຫ້ການຊ່ວຍເຫຼືອລ້າເພື່ອສະໜັບສະໜູນພັດທະນາດ້ານການສຶກສາ 2 ໂຄງການໃນລາວເຊັ່ນ: ໂຄງການຝຶກອົບຮົມວິຊາຊີບ ແລະໂຄງ ການກໍ່ສ້າງຫ້ອງສະໝຸດໂຮງຮຽນ,ການສົ່ງເສີມການສຶກສາຜ່ານການອ່ານ.

 ພິທີເຊັນສັນຍາໄດ້ຈັດຂຶ້ນວັນທີ 1 ມີນາ 2019 ທີ່ສະຖານທູດຍີ່ປຸ່ນປະຈຳລາວໂດຍລະຫວ່າງ ທ່ານ ທາເຄຊິ ຮິຄິຮາຣະ ເອກອັກຄະຣາຊະທູດຍີ່ປຸ່ນປະຈຳລາວ, ທ່ານ ນາງ ຈັນທະສອນ ອິນທະວົງ ຕົວແທນອົງການເດັກນ້ອຍລາວ ALC ແລະ ທ່ານນາງ ຊາໂຈໂກະ ໂຕມິນາກະ ຜູ້ຕາງໜ້າອົງການອາສາສະໝັກຍີ່ປຸ່ນນາໆ ຊາດປະຈຳລາວຊຶ່ງຊ່ອງໜ້າເປັນສັກຂີພິຍານໂດຍທ່ານ ຄຳຜາຍ ສີສະຫວັນ ຮອງລັດຖະມົນຕີກະຊວງສຶກສາທິການ ແລະກີລາພ້ອມບັນດາແຂກພາກ ສ່ວນກ່ຽວຂ້ອງເຂົ້າຮ່ວມ.

  ໂຄງການຝຶກອົບຮົມວິຊາຊີບສາຂາວິຊາການໂຮງແຮມເປັນໂຄງການດູແລເບິ່ງແຍງຜູ້ສູງອາຍຸໃຫ້ແກ່ຊາວໜຸ່ມ, ແມ່ຍິງ ແລະຜູ້ດ້ອຍໂອກາດໂດຍມີມູນຄ່າທັງໝົດ 2,7 ແສນໂດລາປະມານ 2,3 ຕື້ກວ່າກີບ ຊຶ່ງມີເປົ້າໝາຍຈະຊ່ວຍເຫຼືອປະຊາຊົນທີ່ດຳລົງຊີວິດໃນເຂດຊົນນະບົດ ແລະເຂດພູດອຍຢູ່ໃນນະຄອນຫຼວງວຽງຈັນ ຊຶ່ງຈະໄດ້ ຮຽນຮູ້ທັກສະວິຊາການໂຮງແຮມເພື່ອ ຊ່ວຍເຫຼືອການພົວພັນພາຍໃນ, ເຮັດ ວຽກທີ່ໂຮງແຮມ ແລະຮ້ານອາຫານ ສຳລັບຫຼັກສູດປານກາງນັ້ນພວກເຂົາຈະຊ່ວຍສົ່ງຕໍ່ຄວາມຮູ້ສາມາດການດູ ແລເບິ່ງແຍງຜູ້ສູງອາຍຸ ແລະແນໃສ່ອະນາຄົດ.

  ສໍາລັບໂຄງການກໍ່ສ້າງຫ້ອງສະໝຸດໂຮງຮຽນ ແລະການສົ່ງເສີມການອ່ານສຶກສາຜ່ານການອ່ານໂດຍອົງການ ALC ຈະໄດ້ສ້າງຫໍສະໝຸດຈຳນວນ 3 ຫ້ອງທີ່ປະກອບເປັນພື້ນຖານການອ່ານ ແລະຮຽນຮູ້ໃນໂຮງຮຽນມັດທະຍົມ 3 ແຫ່ງຢູ່ໃນແຂວງວຽງຈັນ ໂດຍມີເປົ້າໝາຍສົ່ງເສີມໃຫ້ນັກຮຽນໄດ້ອ່ານຮຽນເອົາຄວາມຮູ້ສ້າງອະນາຄົດທີ່ດີຂອງຊາດນອກນັ້ນໂຄງການດັ່ງກ່າວຍັງໄດ້ມອບໜັງສື ແລະການຝຶກອົບຮົມໃຫ້ອາຈານເພື່ອສົ່ງເສີມຄວາມຮູ້ດ້ານການອ່ານ ແລະ ຖ່າຍທອດຄວາມຮູ້ໃຫ້ນັກຮຽນລຸ້ນຕໍ່ໄປໂດຍລວມມູນຄ່າ 1,7 ແສນໂດລາ ເທົ່າ ກັບ 1,4 ຕື້ກວ່າກີບ.

ຂ່າວ: ແພງຕາ-ນສພ ເສດຖະກິດ-ສັງຄົມ

แชร์