ສີສົມບັດເຊົ່າສິນເຊື່ອທຸລະກິດຂະຫຍາຍໄດ້ດີ

  ຈາກໂຮງຊວດຈໍາທໍາມະດາພັດທະນາມາເປັນບໍລິສັດສະໜອງສິນເຊື່ອທີ່ສາມາດສ້າງຄວາມໜ້າເຊື່ອຖືໄດ້ ແລະມີໜ່ວຍບໍລິການລູກຄ້າຢູ່ໃນເກືອບທຸກແຂວງ ສໍາລັບໜ່ວຍບໍລິການສາຂາແຂວງຈໍາປາສັກ ຜູ້ຈັດການເຜີຍລູກຄ້າທ່ານໃດທີ່ສາມາດປະຕິບັດລະບຽບຂອງບໍລິສັດໄດ້ດີມີສ່ວນຫຼຸດດດອກເບ້ຍໃຫ້ທັນທີ.

  ທ່ານ ຈັກກະວານ ພະໄຊຈະເລີນ ຫົວໜ້າໜ່ວຍບໍລິການບໍລິສັດ ສີສົມບັດເຊົ່າ ສິນເຊື່ອ ຈໍາກັດ ແຂວງຈໍາປາສັກໄດ້ ໃຫ້ສໍາພາດຕໍ່ນັກຂ່າວໜັງສືພິມເສດຖະ ກິດ-ສັງຄົມ ປະຈໍາແຂວງເມື່ອບໍ່ດົນມານີ້ໃຫ້ຮູ້ວ່າ: ເບ້ືອງຕົ້ນບໍລິສັດເປັນພຽງໂຮງຊວດຈໍາເຂັມພອນຕໍ່ມາໄດ້ເລັ່ງເຫັນເຖິງການພັດທະນາ ແລະການຂະຫຍາຍຕົວຂອງເສດຖະກິດດັ່ງນັ້ນຈິ່ງໄດ້ຫັນມາສ້າງຕັ້ງເປັນບໍລິສັດເຊົ່າສິນເຊື່ອໃນປີ 2005, ບໍລິສັດສີສົມບັດເຊົ່າສິນເຊື່ອຈໍາກັດມີສໍານັກງານໃຫຍ່ຕັ້ງຢູ່ບ້ານດອນແດງ ເມືອງຈັນທະບູລີ ນະຄອນຫຼວງວຽງຈັນ ແລະມີ 6 ໜ່ວຍບໍລິການຄື: ໜ່ວຍບໍລິການຈໍາປາສັກ, ສະຫວັນນະເຂດ, ໜ່ວຍບໍລິການໜອງສະໂນຄໍາ, ໜ່ ວຍບໍລິ ການໂພນຕ້ອງສະຫວາດ, ໜ່ວຍບໍລິ ການທາດຫຼວງກາງ ແລະໜ່ວຍບໍລິການ ຫ້ວຍຫົງ.

  ເປົ້າໝາຍຂອງບໍລິສັດ ສີສົມບັດ ເຊົ່າສິນເຊື່ອແມ່ນເພື່ອໃຫ້ບໍລິການເຊົ່າສິນເຊື່ອໃຫ້ແກ່ປະຊາຊົນທົ່ວໄປ ແລະ ໂຄງການຕ່າງໆລວມທັງຫົວໜ່ວຍວິ ສາຫະກິດຂະໜາດນ້ອຍ ແລະກາງ, ດ້ວຍຮູບແບບຈັດຫາຊັບສິນເພື່ອໃຫ້ລູກ ຄ້າເຊົ່າ, ໂດຍສະເພາະແມ່ນພາຫະນະກົນຈັກໜັກ, ກົນຈັກເບົາ ແລະເຄື່ອງຮັບໃຊ້ໃນໂຮງງານອຸດສາຫະກໍາຕ່າງໆ, ອຸປະກອນຮັບໃຊ້ສໍານັກງານ ແລະອື່ນໆ,ແນໃສ່ເພື່ອສ້າງຄວາມສະດວກໃຫ້ກັບປະຊາຊົນຜູ້ທີ່ນໍາໃຊ້ພາຫະນະເຂົ້າໃນການປະກອບອາຊີບ ແລະເພື່ອຫຼຸດຜ່ອນຄວາມທຸກຍາກຂອງພົນລະເມືອງ,ໂດຍຫັນມານໍາໃຊ້ພາຫະນະເຊົ່າຊື້ໃນການທໍາມາຫາກິນ, ແນໃສ່ແກ້ໄຂຄວາມບໍ່ສະດວກທາງດ້ານການເງິນໃນເວລາອັນຈໍາເປັນ ແລະຮີບດ່ວນຂອງປະຊາຊົນລວມທັງຮັບປະກັນການຊໍາລະໜີ້ສິນທັງເປັນການປະກອບສ່ວນເຂົ້າໃນການພັດທະນາເສດຖະ ກິດ-ສັງຄົມ ແລະສ້າງການເຄື່ອນໄຫວທາງດ້ານເງິນ ໃຫ້ສັງຄົມ.

  ຜ່ານການດໍາເນີນທຸລະກິດຜ່ານມາເຫັນວ່າບໍລິສັດສີສົມບັດເຊົ່າສິນເຊື່ອ ໄດ້ຮັບຄວາມນິຍົມ ແລະເປັນທາງເລືອກອັນດັບຕົ້ນໆຂອງລູກຄ້າທີ່ຕ້ອງການເຊົ່າຊື້ພາຫະນະລົດໃໝ່ຊຶ່ງສະແດງອອກໃນຈໍານວນຕົວເລກຂອງລູກຄ້າທີ່ມີຈໍານວນເພີ່ມຂື້ນເລື້ອຍໆຊຶ່ງເຮັດໃຫ້ບໍລິສັດມີການຂະຫຍາຍໜ່ວຍບໍລິການເພີ່ມຂຶ້ນ ເຖິງ 6 ໜ່ວຍ, ສໍາລັບໜ່ວຍບໍລິການ ແຂວງຈໍາປາສັກໄດ້ເປີດໃຫ້ບໍລິການໃນ ປີ 2010 ເປັນຕົ້ນມາ, ໂດຍໃຫ້ບໍລິການລູກຄ້າໃນບັນດາ 4 ແຂວງພາກໃຕ້, ຫຼັງ ຈາກເປີດໃຫ້ບໍລິການແລ້ວເຫັນວ່າປະ ຊາຊົນໃຫ້ຄວາມສົນໃຈ ແລະເຂົ້າມາ ໃຊ້ບໍລິການເພີ່ມຂຶ້ນຢ່າງຕໍ່ເນື່ອງເຮັດ ໃຫ້ສາມາດຈັດຕັ້ງປະຕິບັດເປົ້າໝາຍ ໄດ້ຕາມທາງບໍລິສັດວາງເປົ້າໃຫ້ທັງດ້ານຈໍານວນເງິນ ແລະຈໍານວນລູກຄ້າ.

  ຫົວໜ້າໜ່ວຍບໍລິການສາຂາແຂວງ ຈໍາປາສັກໃຫ້ຮູ້ຕື່ມວ່າ: ອີງໃສ່ສະພາບຕົວຈິງໃນປະຈຸບັນເຫັນວ່າບັນດາບໍລິສັດ ເຊົ່າສິນເຊື່ອ ແລະບັນດາທະນາຄານທີ່ ໃຫ້ບໍລິການກູ້ຢືມເງິນ ເພື່ອເຊົ່າຊື້ລົດມີ ຈໍານວນເພີ່ມຂຶ້ນດັ່ງນັ້ນໃນສົກປີ 2019 ນີ້ບໍລິສັດຈິ່ງໄດ້ມີການປັບຕົວໃຫ້ສອດຄ່ອງກັບສະພາບການແຂ່ງຂັນ, ຊຶ່ງໄດ້ ມີການຫຼຸດຈໍານວນດອກເບ້ຍກູ້ລົງຈາກ 1,1% ລົງມາເປັນ 0,89%, ນອກນີ້ໄດ້ປັບການບໍລິການໃຫ້ດີຂຶ້ນ, ວ່ອງໄວກວ່າເກົ່າໂດຍເພີ່ມຈໍານວນພະນັກງານ ຜູ້ທີ່ໃຫ້ບໍລິການພຽງພໍກັບຄວາມຕ້ອງການ, ຫຼຸດຂັ້ນຕອນ ແລະເອກະສານລົງເພີ່ມຊ່ອງທາງໃຫ້ຂໍ້ມູນລູກຄ້າຂຶ້ນ.

ຂ່າວ: ໂພທິຣາຊ-ນສພ ເສດຖະກິດ-ສັງຄົມ

แชร์