ສຸດທິດາ ຍິງອົດທົນສູ້ຊົນໜັ່ນຮຽນຮູ້ ກ້າວສູ່ທຸລະກິດສຳເລັດ

  ຖ້າມີຄວາມອົດທົນສູ້ຊົນໝັ່ນຊອກຮຽນຮູ້ມື້ໜຶ່ງກໍ່ຈະປະສົບຜົນສຳເລັດໂດຍສະເພາະປະຈຸບັນແມ່ຍິງລາວຖືປະສົບຜົນສຳເລັດຫຼາຍຢ່າງໃນໜ້າທີ່ຕ່າງໆໜຶ່ງໃນນັ້ນທ່ານ ນາງ ສຸດທິດາ ປຣີ້ຊາ ຍານເຈົ້າຂອງຕະຫຼາດໄຮຄຳຖືວ່ານັກທຸລະກິດຍິງໜຸ່ມນ້ອຍມີພອນສະຫວັນແນວຄິດກວ້າງໄກອະນາຄົດໜ້າຈັບຕາອີກບຸກຄົນໜຶ່ງ.

 ນາງ ສຸດທິດາ ປຣີ້ຊາຍານ ໃຫ້ສຳພາດນັກຂ່າວໜັງສືພິມເສດຖະກິດ-ສັງຄົມວ່າ: ຕົນເອງແມ່ນເກີດໃນຄອບຄົວຄ້າຂາຍ ແລະສຶບຕໍ່ເດີນສາຍຕາມຮອຍຄອບຄົວຈົນເຮັດໃຫ້ທຸລະກິດກ້າວເປັນແມ່ຄ້າເປັນນັກທຸລະກິດຊື້-ຂາຍທີ່ດິນ ແລະສືບຕໍ່ເຮັດຕະຫຼາດຂຶ້ນເພື່ອເປັນການຮອງຮັບຊາວຄ້າຂາຍເພື່ອເປັນການຫຼຸດຜ່ອນແອອັດໃນໂຕເມືອງສິ່ງສຳຄັນທີ່ໂຕເອງຢຶດຕິດຄິດສະເໝີໃນແຕ່ລະທຸລະກິດແນ່ນອນການດຳເນີນທຸລະກິດແມ່ນພົບບັນຫາທຸກຢ່າງແຕ່ສິ່ງສຳຄັນແມ່ນຕ້ອງມີຄວາມອົດທົນ ແລະຮຽນຮູ້ຈຶ່ງເຮັດທຸລະກິດສຳເລັດ.

  ເນື່ອງໃນໂອກາດວັນແມ່ຍິງສາກົນ ຄົບຮອບ 111 ປີ ຢາກໃຫ້ທຸກຄົນມີຈຸດຢືນຂອງຕົວເອງຕັ້ງເປົ້າໝາຍໃນຊີວິດໄວ້ຊັດເຈນເຊັ່ນຕ້ອງມີຄວາມກ້າຄິດແລ້ວລົງມືທຳເທົ່ານັ້ນທີ່ຈຶ່ງສຳເລັດປະສົບການສອນໃຜບໍ່ໄດ້ແຕ່ສາມາດຮຽນຮູ້ໃຫ້ມີປະສົບການໄດ້ “ທຸກຄົນສາມາດເປັນອັດສະລິຍະໄດ້ດ້ວຍພະລັງບວກໃນຕົວຂອງເຮົາເອງ” ຢາກສຳເລັດຕ້ອງເບິ່ງແບບຢ່າງດ້ານດີຂອງຄົນທີ່ສຳເລັດຢາກໃຫ້ທຸກທ່ານເບິ່ງໂລກໃນແງ່ບວກ, ຄິດບວກ, ພະລັງບວກຈະພາໃຫ້ເຮົາສຳເລັດໄວຂຶ້ນ ແລະເຄົາລົບນັບຖືຜູ້ມີພະຄຸນສະ ເໝີເປັນຕົ້ນແມ່ນຜູ້ໃຫ້ກຳເນີດພໍ່-ແມ່ສຸດທ້າຍນີ້ຂໍອວຍພອນໄຊໃຫ້ທຸກທ່ານຈົ່ງມີແຕ່ຄວາມປະສົບຜົນສຳເລັດດ້ວຍດີໃນໜ້າທີ່ວຽກງານຂອງທ່ານ.

  ຕະຫຼາດໄຮຄໍາເປັນຕະຫຼາດສ້າງຂຶ້ນອໍານວຍຄວາມສະດວກແມ່ຄ້າຊາວຂາຍລວມຜູ້ມາໃຊ້ບໍລິການທີ່ເປັນຕະຫຼາດຂາຍຍົກ-ຂາຍຍ່ອຍທີ່ໃຫຍ່ ແລະທັນສະໄໝໂດຍມີເນື້ອທີ່ກວ້າງຂວາງສາມາດຮອງຮັບການຄ້າຂາຍໄດ້ຈຳນວຍຫຼາຍຖືເປັນຕະຫຼາດຕົວແບບດ້ານການບໍລິການຄ້າຂາຍທີ່ດີຊຶ່ງຕະຫຼາດມີອາຄານ 14 ຫຼັງແບ່ງເຂດບໍລິການຄືເຂດຂອງກິນສຸກ, ເຂດຂາຍຊີ້ນ-ປາ ແລະຜັກ ແລະເຂດເຄື່ອງແຫ້ງມີ 559 ຫ້ອງໂຕະ, ສ່ວນຫ້ອງຂາຍເຄື່ອງມີ 288 ຫ້ອງ.

 ສຳລັບຕະຫຼາດໄຮຄຳສິນຄ້າສ່ວນໃຫຍ່ມາຈາກປາກເຊ ແຂວງຈຳປາສັກ, ກາສີ, ວັງວຽງ ແຂວງວຽງຈັນ ແລະນະຄອນຫຼວງວຽງຈັນສ່ວນລາຄາແມ່ນເນັ້ນຄຸ້ມຄອງປະຕິ ບັດຕາມການຄ້າໂດຍທຸກເດືອນຈະມີການກວດສານເຄມີເພື່ອຮັບປະກັນສິນຄ້າປອດໄພພິເສດຕະຫຼາດມີເນື້ອທີ່ 9 ເຮັກຕາ ສາມາດຮັບຄວາມສະດວກສະບາຍໂດຍສະ ເພາະບັນຫາລົດຕິດ ເນັ້ນການບໍລິການຄວາມສະອາດ, ຜ່ານການບໍລິການມາຕະຫຼາດຂາຍຍົກ-ຍ່ອຍ ແມ່ນກໍ່ສາມາດພາໃຫ້ແມ່ຄ້າຊາວຂາຍໄດ້ມີລາຍຮັບສາມາດລ້ຽງກຸ້ມຄອບຄົວ, ທິດທາງຕໍ່ໜ້າແມ່ນຈະມີການພັດທະນາສຸມໃສ່ຕໍ່ເນື່ອງເພື່ອສ້າງຄວາມສະດວກໃຫ້.

แชร์