ລາວວາງເປົ້້າປູກເຂົ້ານາແຊງ 91,5 ພັນເຮັກຕາ ດຳແລ້ວ 90%

 ປະຈຸບັນການປັກດໍາເຂົ້ານາແຊງທົ່ວປະເທດສຳເລັດແລ້ວ 82.743 ເຮັກຕາ ເທົ່າກັບ 90% ຂອງເນື້ອທີ່ແຜນການ 91.500 ເຮັກຕາ, ຖ້າສົມທຽບໃສ່ເດືອນ ຜ່ານມາເພີ່ມຂຶ້ນ 32%, ໃນນັ້ນແຂວງພາກໃຕ້ປະຕິບັດໄດ້ 103%, ພາກກາງ 90% ແລະພາກເໜືອ 69% ອີງຕາມການລາຍງານຂອງກະຊວງກະສິກໍາ ແລະປ່າໄມ້ ຮູ້ວ່າ: ສາເຫດຂອງການປັກດໍາຊັກຊ້າເປັນຍ້ອນສະພາບອາກາດມີການປ່ຽນແປງໂດຍສະເພາະແຂວງພາກເໜືອໃນຊ່ວງເດືອນມັງກອນມີອາກາດໜາວເຢັນຢູ່ພາກກາງ ແລະພາກໃຕ້ແມ່ນໍ້າຂອງ, ແມ່ນໍ້າສາຂາ ແລະອ່າງເກັບນໍ້າຕ່າງໆ ແມ່ນຢູ່ລະດັບຕໍ່າມີຜົນກະທົບຕໍ່ການຜະລິດໃນຊ່ວງໄລຍະນີ້ຈະສຸມໃສ່ການບົວລະບັດຮັກສາ,ການໃສ່ຝຸ່ນ ແລະເຝົ້າລະວັງສັດຕູພືດອື່ນໆ.
  ການປູກພືດ: ມາຮອດປະຈຸບັນຊາວກະສິກອນໄດ້ປູກພືດຜັກຊະນິດຕ່າງໆໄດ້ແລ້ວ 91.052 ເຮັກຕາ ເທົ່າກັບ 60% ຂອງແຜນການ 1,52 ແສນເຮັກຕາ, ພືດທີ່ປູກຫຼາຍກວ່າໝູ່ແມ່ນໝາກໄມ້ 31.874 ເຮັກຕາ, ພືດຜັກ 26.201 ເຮັກຕາ, ອ້ອຍ 11.206 ເຮັກຕາ, ມັນຕົ້ນ 5.244 ເຮັກຕາ ສາລີແຂງ 2.366 ເຮັກຕາ ແລະສາລີຫວານ 1.748 ເຮັກຕາ ໃນນັ້ນ,ແຂວງທີ່ປູກພືດຫຼາຍກວ່າໝູ່ແມ່ນພາກກາງປະຕິບັດໄດ້ 39.829 ເຮັກຕາ, ພາກເໜືອ 30.199 ເຮັກຕາ ແລະພາກໃຕ້ 21.024 ເຮັກຕາ ສໍາລັບພືດຜັກແມ່ນເກັບກູ້ໄດ້ຫຼາຍຮອບແລ້ວເປັນຕົ້ນ: ໝາກຖົ່ວ, ຜັກສະລັດ, ຜັກຫອມ, ຜັກບົ່ວ, ຜັກກາດ, ຫອມລາບ.
   ສ່ວນວຽກປູກຝັງສາມາດສົ່ງອອກພືດ ແລະຜະລິດຕະພັນພືດທັງໝົດ 354.541 ໂຕນ ມູນຄ່າ 110.036.719 ໂລດາສະຫະລັດ (ກາເຟ, ໝາກກ້ວຍ, ມັນ ຕົ້ນ,…) ແລະສິນຄ້ານໍາເຂົ້າພືດ ແລະຜະລິດຕະພັນພືດທັງໝົດ 46.944 ໂຕນ ມູນຄ່າ 10.697.751 ໂດລາສະຫະລັດ (ກາກສາລີ, ກາກຖົ່ວເຫຼືອງ, ເມັດຖົ່ວ ເຫຼືອງ, ພືດຜັກລວມ…)

แชร์