ງານບຸນມະໂຫລານ ສົ່ງເສີມການອ່ານຈັດຂຶ້ນອາທິດໜ້າ

   ໃນວັນທີ 1 ມີນາ ຜ່ານມາ ທີ່ນະຄອນຫຼວງວຽງຈັນໄດ້ມີພິທີຖະ ແຫຼງຂ່າວງານບຸນມະໂຫລານສົ່ງເສີມການອ່ານນະຄອນຫຼວງວຽງ ຈັນ ຄັ້ງທີ 1 ໂດຍມີທ່ານ ພອນພະຈັນ ແພງພູວັນ ຮອງຫົວໜ້າພະແນກຖະແຫຼງຂ່າວວັດທະນະທໍາ ແລະທ່ອງທ່ຽວນະຄອນຫຼວງວຽງ ຈັນ  ແລະທ່ານ ສົມພອນ ສອນດາ ລາ ຮອງຫົວໜ້າພະແນກສຶກສາທິ ການ ແລະກີລາ, ທ່ານ ວຽງສະໄໝ ພະສະເຫຼີມສຸກ ຮອງຫົວໜ້າຫ້ອງ ວ່າການນະຄອນຫຼວງວຽງຈັນ, ມີ ບັນດາສື່ມວນຊົນ ແລະພາກສ່ວນ ທີ່ກ່ຽວຂ້ອງເຂົ້າຮ່ວມ.

  ທ່ານ ພອນພະຈັນ ແພງພູວັນ ກ່າວວ່າ: ການຈັດງານຄັ້ງນີ້ເພື່ອ ເປັນການລະດົມໃຫ້ຄົນລາວເລັງເຫັນເຖິງຄວາມສໍາຄັນຂອງການ ອ່ານ ແລະສົ່ງເສີມໃຫ້ອ່ານໜັງສືຢ່າງຕໍ່ເນື່ອງລວມເຖິງການຊ່ວຍ ເຫຼືອຂອງພໍ່ແມ່ຜູ້ປົກຄອງ, ຄູອາ ຈານ  ແລະນ້ອງນັກຮຽນຮັບຮູ້  ແລະ ເຂົ້າໃຈເຕັກນິກວິທີການສົ່ງເສີມ ການອ່ານແກ່ເດັກ ແລະເຍົາວະຊົນ ຢ່າງເໝາະສົມ ແລະໄດ້ຜົນນອກ ຈາກນີ້  ຍັງໄດ້ເປີດໂອກາດໃຫ້ຄົນ ລາວໄດ້ສໍາຜັດກັບປຶ້ມຈາກນາໆ ຊາດ, ເພື່ອເປີດໂລກະທັດ ແລະເບິ່ງ ເຫັນການພັດທະນາອຸດສາຫະກໍາ ປຶ້ມໃນຕ່າງປະເທດ.

  ໃນງານດັ່ງກ່າວຈະມີກິດຈະກໍາ ຕ່າງໆເປັນຕົ້ນ: ວາງສະແດງສື່ສິ່ງ ພິມຕ່າງໆເປັນຕົ້ນປຶ້ມອ່ານພາຍໃນ ງານແມ່ນຈະມີຫຼາຍກວ່າ 200  ບຸດ, ຖາມ-ຕອບຄວາມຮູ້ຮອບຕົວ, ສໍາ ລັບນັກຮຽນ  ແລະກີລາຕ່າງໆ, ແຈກ ຢາຍປຶ້ມໃຫ້ແກ່ການນໍາພັກ-ລັດ ແລະໂຮງຮຽນທົ່ວນະຄອນຫຼວງ, ຜູ້ເຂົ້າຮ່ວມຈະໄດ້ພົບກັບນັກຂຽນ, ນັກແຕ່ງ ແລະນັກເວົ້າທີ່ມີປະສົບ ການສູງຈາກພາຍໃນ ແລະຕ່າງປະເທດ, ສະນັ້ນ ຂໍເຊີນຊວນທຸກຊັ້ນ ຄົນພາຍໃນນະຄອນ ຫຼວງວຽງຈັນ, ອົງການຈັດຕັ້ງທັງພາຍໃນ ແລະ ຕ່າງປະເທດພິເສດນ້ອງນັກຮຽນ, ນັກສຶກສາ  ຈົ່ງພ້ອມພຽງກັນເຂົ້າມາ ມີສ່ວນຮ່ວມໃນງານບຸນມະໂຫລານ ສົ່ງເສີມການອ່ານງານດັ່ງກ່າວຈະ ຈັດຂຶ້ນໃນລະຫວ່າງວັນທີ 7-17 ມີນາ 2019 ທີ່ລານກາງແຈ້ງດ້ານ ໜ້າຂອງສູນການຄ້າສາກົນ  (World Trade Centre), ຖະໜົນຄູວຽງ ບ້ານໜອງຈັນເມືອງສີສັດຕະນາກ ນະຄອນຫຼວງວຽງຈັນ.

แชร์