ສຶກສາບໍ່ແກ້ວ ຮັບສະມາຊິກພັກສຳຮອງເປັນສົມບູນ

  ເມື່ອບໍ່ດົນມານີ້ທີ່ພະແນກສຶກສາທິການ ແລະກີລາແຂວງບໍ່ແກ້ວ ໄດ້ຈັດພິທີເລື່ອນສະມາຊິກພັກສຳຮອງຂຶ້ນເປັນສະມາຊິກພັກສົມບູນໃຫ້ກຽດເຂົ້າຮ່ວມມີທ່ານນາງ ອິ່ນຜິວ ສີລິປັນຍາ ຮອງຫົວໜ້າພະແນກສຶກສາທິການ ແລະ ກີລາແຂວງ, ທ່ານ ບຸນທາ ຫຼວງລາດ ເລຂາໜ່ວຍພັກຫ້ອງການ, ຫົວໜ້າຂະແໜງການເງິນພະແນກສຶກ ສາທິການ ແລະກີລາແຂວງ, ພ້ອມດ້ວຍບັນດາຄະນະໜ່ວຍພັກ, ສະມາຊິກພັກສົມບູນ ແລະສຳຮອງເຂົ້າຮ່ວມ.

  ທ່ານ ນາງ ບຸນມີ ແສງມະນີ ຫົວໜ້າຂະແໜງການສຶກສາກ່ອນໄວຮຽນໄດ້ຜ່ານມະຕິຕົກລົງຂອງຄະນະປະຈໍາພັກແຂວງວ່າດ້ວຍການຮັບເອົາ ທ່ານ ອຸ່ນແສງ ໄຊຍະນີ ຮອງຜູ້ອໍານວຍການໂຮງຮຽນ ມສ ສົງແຂວງ, ທ່ານ ອ້ວນ ສີປະເສີດ ອາຈານສອນໂຮງຮຽນ ມສ ສົງ ແຂວງ, ທ່ານ ດາວວຽງ ສິດທິເດດ ວິຊາການຫ້ອງການກໍາມາທິ ການສຶກສາສົງແຂວງ,ທ່າ ນນາງ ມະນີພອນ ແກ້ວບຸນມີ ວິຊາການຈາກຂະແໜງການເງິນ,ທ່ານ ນາງ ອໍາໄພວອນ ແກ້ວສີສະຫວັດ ວິຊາການຂະແໜງສະຖິຕິ, ແຜນ ການ ແລະການພົວພັນຕ່າງປະເທດ, ທ່ານ ນາງ ຂັນທະລີ ເພັດສະຫວັນ ວິຊາການຂະແໜງກິລາມວນຊົນ,ທ່ານ ນາງ ອາລຸນນີ ວິໄລເພັດ ວິຊາການຂະແໜງອາຊີວະສຶກສາ ແລະການສຶກສາຊັ້ນສູງທີ່ເປັນສະມາຊິກພັກສຳຮອງຂຶ້ນເປັນສະມາຊິກພັກສົມບູນ.

  ໂອກາດດັ່ງກ່າວ ທ່ານ ນາງ ອິ່ນຜິວ ສີລິປັນຍາ ໄດ້ຮຽກຮ້ອງໃຫ້ບັນດາສະມາຊິກພັກສົມບູນຕ້ອງເປັນເຈົ້າການປະຕິບັດກົດລະບຽບຂອງພັກ, ເຊື່ອມຊຶມບັນດາຂໍ້ຫ້າມຂອງສະມາຊິກພັກ, ປະຕິບັດແນວທາງ, ນະໂຍບາຍ, ມະຕິ, ຄຳສັ່ງ, ກົດລະບຽບຂອງພັກ, ລັດຖະທຳມະນູນ ແລະກົດໝາຍຂອງລັດປະກອບສ່ວນເຂົ້າໃນການກໍ່ສ້າງ, ບູລະນະແນວທາງ, ແຜນນະໂຍບາຍຂອງພັກແລະເຮັດສຳເລັດໜ້າທີ່ທີ່ພັກມອບໝາຍໃຫ້, ຕັ້ງເຝິກຝົນຫຼໍ່ຫຼອມຕົນເອງໃນທຸກດ້ານປະກອບສ່ວນເຂົ້າໃນວຽກງານກໍ່ສ້າງພັກເຮັດໃຫ້ພັກເຂັ້ມແຂງທາງດ້ານການເມືອງ, ແນວຄິດ, ການຈັດຕັ້ງ ແລະແບບແຜນວິທີນຳພາ, ປະຕິບັດລະບຽບຂອງພັກ,ປົກປັກຮັກສາຄວາມສາມັກຄີຮັກສາຄວາມລັບ ແລະຜັນຂະຫຍາຍພັກ, ກໍ່ສ້າງຄະນະພັກ ແລະໜ່ວຍພັກໃຫ້ປອດໃສໜັກແໜ້ນ ແລະເຂັ້ມແຂງພົວພັນສະໜິດແໜ້ນກັບປະຊາຊົນເຄົາລົບ ແລະເສີມຂະຫຍາຍສິດເປັນເຈົ້າຂອງປະຊາຊົນເອົາໃຈໃສ່ຕໍ່ຊີວິດການເປັນຢູ່ທາງດ້ານວັດຖຸ ແລະ ຈິດໃຈຂອງປະຊາຊົນເຂົ້າຮ່ວມເຄື່ອນໄຫວຂະບວນການຕ່າງໆຂອງມະຫາຊົນບ່ອນຕົນເຮັດວຽກພ້ອມທັງກຳແໜ້ນ ແລະປະຕິບັດນະໂຍບາຍການຕ່າງປະເທດຂອງພັກ-ລັດຍົກສູງນໍ້າໃຈສາມັກຄີ ແລະເປັນແບບຢ່າງທີ່ດີໃຫ້ແກ່ມະຫາຊົນ.

แชร์