ລ້ານຊ້າງປະກັນໄພ ສ້າງໂຮງຮຽນໃຫ້ບ້ານຫ້ວຍຕົມ

  ພິທີມອບ-ຮັບໂຮງຮຽນບ້ານຫ້ວຍ ຕົມ ເມືອງສັງທອງ ຈັດຂຶ້ນວັນທີ 28 ກຸມພາ 2019 ໂດຍໃຫ້ກຽດເຂົ້າຮ່ວມ ຂອງທ່ານ ແສງອາລຸນ ວົງພູທອນ ຮອງ ພະແນກສຶກສາທິການ ແລະກິລາ ນະ ຄອນຫຼວງວຽງຈັນ, ທ່ານ ນາງ ແກ້ວ ພົມ ມະລາດ ຮອງເຈົ້າເມືອງສັງທອງ, ທ່ານ ໂດ ດັງ ຄ່າງ ຜູ້ອຳນວຍການໃຫຍ່ບໍລິສັດ ລ້ານຊ້າງປະກັນໄພ ມະຫາຊົນ ບັນດາທ່ານ ຕາງໜ້າກອງທຶນມູນນິທິວັດທະນະທຳ ດີບີ ຄິມຈຸນກິ ແລະທ່ານທູດເສດຖະກິດ ວັດທະນາທຳ ແລະການສຶກສາຫວຽດ ນາມປະຈຳລາວເຂົ້າຮ່ວມ.

ການທີ່ໄດ້ມາຊ່ວຍເຫຼືອຄັ້ງນີ້ ຈຸດປະ ສົງແມ່ນເພື່ອໃຫ້ນ້ອງນັກຮຽນ ແລະປະ ຊາຊົນບ້ານຫ້ວຍຕົມ ແລະບ້ານໃໝ່ປາກ ສັງໄດ້ອຳນວຍຄວາມສະດວກໃນການ ຮ່ຳຮຽນ ພ້ອມທັງຊ່ວຍຫຼຸດຜ່ອນ ແລະມີ ກຳລັງໃຈໃຫ້ແກ່ບັນດາຄູອາຈານເຂົ້າໃນ ການສິດສອນ ສຳລັບກອງທຶນຊ່ວຍເຫຼືອ ລ້າຄັ້ງນີ້ກໍ່ຄືໄດ້ກໍ່ສ້າງໂຮງຮຽນຊັ້ນອະນຸບານຈຳນວນໜຶ່ງຫຼັງ ພ້ອມກັບປົວແປງ ໂຮງຮຽນຫຼັງເກົ່າເຊັ່ນ: ໃສ່ແພນດານ, ທາສີ ແລະສ້າງສະໜາມເດັກຫຼີ້ນ ລວມ ທັງໂຕະ, ຕັ່ງ ແລະເຄື່ອງໃຊ້ອຸປະກອນສຶກ ສາຕ່າງໆລວມມູນຄ່າທັງໝົດ 370 ກວ່າ ລ້ານກີບ.

ສຳລັບໂຄງການອາສາສະໝັກຂອງ ບໍລິສັດ ລ້ານຊ້າງປະກັນໄພ ມະຫາຊົນ ແລະກອງທຶນມູນນິທິວັດທະນະທຳ ດີບີ ຄິມຈຸນກິ ສ ເກົາຫຼີ ຂອງປີນີ້ ແມ່ນເປັນ ຄັ້ງທີ 3 ທີ່ໄດ້ໃຫ້ການຊ່ວຍເຫຼືອປະຊາຊົນ ຜູ້ທີ່ທຸກຍາກ ຊຶ່ງທີ່ຜ່ານມາໂຄງການດັ່ງ ກ່າວໄດ້ມອບທຶນການສຶກສາໃຫ້ແກ່ນ້ອງ ນັກສຶກສາຢູ່ໃນ ມຊ ຜູ້ທີ່ຮຽນເກັ່ງແຕ່ຄອບ ຄົວທຸກຍາກຈຳນວນ 10 ທຶນ ແລະ ໄດ້ ມອບປະກັນໄພຊ່ວຍເຫຼືອລ້າໃຫ້ກັບປະ ຊາຊົນບ້ານວັດຫຼວງ ແລະບ້ານປາກຊ່ອງ ເມືອງປາກຊ່ອງ ແຂວງສະຫວັນນະເຂດ ໃນປີ 2019 ຈົນຮອດປະຈຸບັນໄດ້ຊ່ວຍ ເຫຼືອລ້າ, ສະໜັບສະໜູນອື່ນໆລວມມູນຄ່າ 800 ກວ່າລ້ານກີບ ນອກນັ້ນຍັງບໍລິສັດ ລ້ານຊ້າງປະກັນໄພບໍ່ພຽງແຕ່ຈຳໜ່າຍ ຂາຍປະກັນໄພແຕ່ຍັງເອົາຄວາມສຸກການ ດຳລົງຊີວິດ ແລະການສະໜັບສະໜູນຊ່ວຍເຫຼືອສັງຄົມອີກດ້ວຍເປົ້າໝາຍຫຼັກໆ ແມ່ນນັກຮຽນ, ນັກສຶກສາທີ່ດອຍໂອກາດ.

ນສພ ເສດຖະກິດ-ສັງຄົມ

• 04/03/2019