ມອບ-ຮັບໜ້າທີ່ຫົວໜ້າຄະນະໂຄສະນາອົບຮົມ ນວ

 ພິທີມອບ-ຮັບໜ້າທີ່ລະຫວ່າງທ່ານ ພູວົງ ວົງຄໍາຊາວ ຫົວໜ້າໂຄສະນາອົບຮົມນະຄອນຫຼວງວຽງຈັນ (ນວ) ຜູ້ເກົ່າ ແລະທ່ານ ຊົງເລົ່າ ຢົງນູ ຫົວໜ້າຄະນະໂຄສະນາອົບຮົມ ນວ ຜູ້ໃໝ່ມີຂຶ້ນໃນວັນທີ 22 ກຸມພາ 2021 ທີ່ຫ້ອງວ່າການປົກຄອງ ນວ ໃຫ້ກຽດເຂົ້າຮ່ວມຂອງ ທ່ານ ສິນລະວົງ ຄຸດໄພທູນ ເຈົ້າຄອງ ນວ ມີບັນດາຜູ້ຕາງ ໜ້າຈາກຄະນະໂຄສະນາອົບຮົມສູນກາງພັກຫົວໜ້າພະແນກການອົງການທຽບເທົ່າຫົວໜ້າໂຄສະນາອົບຮົມ 9 ຕົວເມືອງ ແລະພະນັກງານກ່ຽວຂ້ອງເຂົ້າຮ່ວມເປັນສັກຂີພິຍານ.

  ອີງຕາມຂໍ້ຕົກລົງຂອງເຈົ້າຄອງ ນວ ວ່າດ້ວຍການແຕ່ງຕັ້ງເຈົ້າຄອງ ນວ ອີງຕາມມາດຕາ 1920 ຂອງກົດໝາຍວ່າດ້ວຍປົກຄອງທ້ອງຖິ່ນສະບັບປັບປຸງປີ 2015 ສະ ບັບເລກທີ 68/ສພຊ ກ່ຽວກັບພາລະບົດບາດສິດ ແລະໜ້າທີ່ຂອງເຈົ້າແຂວງເຈົ້າຄອງ ນວ ອີງຕາມໜັງສືແຈ້ງການຂອງຄະນະຈັດຕັ້ງສູນກາງພັກສະບັບເລກທີ 366/ຄຈສພ ລົງວັນທີ 18 ທັນວາ 2020 ອີງຕາມມະຕິກອງປະຊຸມຄະນະປະຈໍາສະພາປະຊາຊົນ ນວ ຊຸດທີ I ສະບັບເລກທີ 096/ຄປຈ.ສປນວ ວ່າດ້ວຍການຮັບຮອງເອົາການແຕ່ງຕັ້ງຮອງເຈົ້າຄອງ ນວ ແລະອີງຕາມການຄົ້ນຄວ້າ ແລະນໍາສະເໜີຂອງຄະນະຈັດຕັ້ງ ນວ ສະບັບເລກທີ 1423/ ຄຈນວ ເຈົ້າຄອງ ນວ ຕົກລົງແຕ່ງຕັ້ງທ່ານ ພູວົງ ວົງຄໍາຊາວ ຫົວໜ້າໂຄສະນາອົບຮົມ ນວ ຜູ້ເກົ່າເປັນຮອງເຈົ້າຄອງ ນວ ແລະອີງຕາມມະຕິຕົກລົງຂອງຄະນະປະຈໍາພັກ ນວ ວ່າດ້ວຍການແຕ່ງຕັ້ງຫົວໜ້າ ຄະນະໂຄສະນາອົບຮົມ ນວ ສະບັບ ເລກທີ 1017/ຄພນວ ຄະນະປະຈໍາ ພັກ ນວ ຕົກລົງແຕ່ງຕັ້ງສະຫາຍ ຊົງເລົ່າ ຢົງນູ ກໍາມະການພັກ ນວ ຫົວໜ້າພະແນກພະ ລັງງານ ແລະບໍ່ແຮ່ ນວ ມາຮັບຕໍາແໜ່ງເປັນຫົວໜ້າຄະນະໂຄສະນາອົບຮົມ ນວ.

ສະໜັບສະໜູນໂດຍ: HONDA

แชร์