ຫົວພັນເສຍຫາຍຈາກໄພທໍາມະຊາດ 288 ຕີ້ກວ່າກີບ

   ໃນກອງປະຊຸມສະຫລຸບຕີລາຄາວຽກງານໄພພິບັດປະ ຈຳປີ 2018ຊຶ່ງຈັດຂຶ້ນໃນວັນທີ 27 ກຸມພາຜ່ານມາ ທີ່ພະ ແນກແຮງງານ ແລະສະຫວັດດິການສັງຄົມແຂວງຫົວພັນ ໂດຍການເປັນປະທານຂອງທ່ານ ຈູເຮີ ຫົວຫນ້າພະແນກ ຮສສ, ມີບັນດາທ່ານຮອງເຈົ້າເມືອງຈາກ 10 ເມືອງທົ່ວແຂວງ, ຮອງ ພະແນກການກ່ຽວຂ້ອງ, ຄະນະກຳມາທິການຄວບຄຸມໄພພິບັດ ຂັ້ນແຂວງ ແລະເມືອງເຂົ້າຮ່ວມ.

  ທ່ານ ນາງ ອຸ່ນ ລໍສົມຄາມ ຮອງຫົວ ຫນ້າພະແນກ ຮສສ ແຂວງຫົວພັນ ໄດ້ ລາຍງານກ່ຽວກັບຜົນການຈັດຕັ້ງປະຕິ ບັດວຽກງານໄພພິບັດທົ່ວແຂວງໃນປີ 2018 ຜ່ານມາ ຊຶ່ງໄດ້ຍົກໃຫ້ເຫັນຈຸດດີ ພົ້ນເດັ່ນທີຍາດມາໄດ້ ແລະຈຸດອ່ອນຄົງ ຄ້າທີຈະຕ້ອງໄດ້ສຸມໃສ່ແກ້ໄຂໃນສະເພາະຫນ້າໃຫ້ມີຜົນສຳເລັດດີຂຶ້ນກວ່າ  ເກົ່າ, ໃນ 1 ປີຜ່ານມາແຂວງຫົວພັນແມ່ນ ແຂວງຫນຶ່ງທີ່ໄດ້ຮັບຜົນກະທົບຢ່າງ ຫນັກຫນ່ວງຈາກໄພພິບັດທາງທຳມະ ຊາດທີ່ເກີດຂຶ້ນຊຶ່ງໄດ້ສ້າງຄວາມເສຍ ຫາຍຕໍ່ລະບົບພຶ້ນຖານໂຄງລ່າງ, ໄຮ່ນາ ຮົ້ວສ່ວນ, ສັດສາວາສິ່ງ, ເຮືອນຊານບ້ານ ຊ່ອງຂອງພໍ່ແມ່ປະຊາຊົນຢ່າງຫນັກ ຫນວ່ງ.ໃນນີ້ຂົງເຂດໂຍທາທິການ ແລະ ຂົນສົ່ງມີມູນຄ່າເສຍຫາຍທັງໝົດ 98, 84 ຕື້ກີບ, ສາທາລະນະສຸກມີ 117 ໂຄງການມີມູນຄ່າ 4,44 ຕື້ກີບ, ກະສິ ກໍາ-ປ່າໄມ້ມີ 113 ຕື້ກວ່າກີບ, ຂົງເຂດສຶກສາທິການ-ກິລາມູນຄ່າເສຍຫາຍ 15,73 ຕື້ກີບ, ຂົງເຂດພະລັງງານ - ບໍ່ແຮ່ 869 ລ້ານກວ່າກີບ, ໄປສະນີໂທ ລະຄົມ ແລະການສຶ່ສານ 1 ,34 ຕື້ກີບ, ແຮງງານ ແລະສະຫວັດດິການສັງຄົມ 23 ຕື້ກວ່າກີບ, ກອງບັນຊາການທະ ຫານແຂວງ 43 ລ້ານກວ່າກີບ ຄິດເປັນ ມູນຄ່າຄວາມເສຍຫາຍທັງໝົດໃນປີຜ່ານ ມາຫຼາຍເຖິງ 288, 66 ຕື້ກີບ. ຊຶ່ງໃນ ເບື້ອງ ຕົ້ນທາງພາກສ່ວນກ່ຽວຂ້ອງຂັ້ນ ຕ່າງໆນັບແຕ່ຂັ້ນສູນກາງ, ແຂວງ ແລະ ເມືອງກໍ່ໄດ້ໃຫ່ການຊ່ວຍເຫຼືອເປັນເຂົ້າ ສານ, ເຄື່ອງນຸ່ງຫົ່ມ, ນໍ້າດື່ມ, ເຄື່ອງບໍ ໂພກ, ອຸປະໂພກເປັນມູນຄ່າ 1, ຕື້ກີບ.

   ສຳລັບໃນຕໍ່ໜ້າເພື່ອເຮັດໃຫ້ການຈັດ ຕັ້ງປະຕິບັດວຽກງານໄພພິບັດປະຈຳປີ 2019 ໃຫ້ໄດ້ຮັບຜົນດີຂຶ້ນກວ່າເກົ່ານັ້ນ ພະແນກ ຮສສ ແຂວງຫົວພັນຈະໄດ້ສຸມ ໃສ່ບາງວຽກງານດັ່ງນີ້: ສືບຕໍ່ໃຫ້ການ ຊ່ວຍເຫຼືອຄອບຄົວຜູ້ທີ່ໄດ້ຮັບຜົນກະທົບ ຈາກໄພພິບັດເປັນຕົ້ນແມ່ນໄຮ່ນາຮົ້ວ ສ່ວນທີ່ມີຜົນເສຍຫາຍ 60% ຂຶ້ນໄປມີ 10 ເມືອງ, 195 ບ້ານ, 3.573 ຄອບ ຄົວ ພົນລະເມືອງ 24.237 ຄົນ, ຍິງ 11.588 ຄົນ ມີມູນຄ່າເສຍຫາຍ 23 ຕື້ 671 ລ້ານກວ່າກີບ, ມູນຄ່າການຊ່ວຍ ເຫຼືອຕາມລຳດັບ 169/ລບ 6 , 54 ຕື້ກີບ; ທວງບັນດາເອກະສານຂໍການຊ່ວຍເຫຼືອ ຕ່າງໆນຳກະຊວງແຮງງານ ແລະສະຫວັດ ດິການສັງຄົມທີ່ຍັງຄ້າງປີ 2017, ສືບ ຕໍ່ສະເໜີແຂວງສ້າງຕັ້ງກອງທຶນແຮສຸກ ເສີນໄພພິບັດຂັ້ນແຂວງເພື່ອແກ້ໄຂກັບສະພາບການທີ່ເກີດຂຶ້ນຈາກໄພພິບັດໃຫ້ທັນ ເວລາ, ປັບປຸງຄະນະກຳມະການປ້ອງ ກັນ ແລະຄວບຄຸມໄພພິບັດຂັ້ນແຂວງ, ຂັ້ນເມືອງ ແລະບ້ານໃຫ້ເຂັ້ມແຂງ ແລະ ເປັນລະບົບ, ຍົກຍ້າຍບ້ານເຂດທີ່ມີຄວາມ ສ່ຽງຈາກໄພພິບັດໃຫ້ສຳເລັດ.

ນສພ ເສດຖະກິດສັງຄົມ

แชร์