ໄຟຟ້າສາລະວັນ ມອບພັນທະໃຫ້ລັດ 5,5 ພັນລ້ານກີບປະຊາຊົນໃຊ້ໄຟຟ້າແລ້ວ 97 ເປີເຊັນ

  ທ່ານ ເດດສຸວັນ ມະໄລທອງ ຫົວໜ້າລັດວິສາຫະກິດໄຟຟ້າລາວ ສາຂາສາລະວັນ ໄດ້ລາຍງານຕໍ່ກອງປະຊຸມປະຈຳປີ 2018 ໃຫ້ຮູ້ວ່າ: ໄລຍະ 1 ປີຜ່ານມາ ໄດ້ເອົາໃຈໃສ່ຕໍ່ ການສຶກສາອົບຮົມການເມືອງແນວຄິດໃຫ້ພະນັກງານຫຼັກແຫຼ່ງໃຫ້ເລີກເຊີ່ງ ແລະຖືເປັນບັນ ຫາສຳຄັນ ເພື່ອໃຫ້ມີຄວາມໝັກແໜ້ນ, ເຂັ້ມແຂງ ແລະຖືເອົາກຳລັງຂອງອົງການຈັດຕັ້ງມະຫາຊົນເປັນແຮງໜຶ່ງໃນການຜັກ ດັນ, ປະຕິບັດໜ້າທີ່ວຽກງານໃຫ້ ມີຜົນສຳເລັດ ໂດຍມີການຈັດຕັ້ງແບບແຜນວິທີເຮັດວຽກຢ່າງລະ ອຽດ ແລະເອົາໃຈໃສ່ແກ້ໄຂບັນ ຫາຂໍ້ຫຍຸ້ງຍາກ, ຂໍ້ຄົງຄ້າງ, ສູ້ຊົນ ປະຕິບັດໜ້າທີ່ວິຊາສະເພາະ, ຊື່ງ ມີຫຼາຍດ້ານທີ່ພົ້ນເດັ່ນ ແລະສິ່ງ ທ້າຍທາຍທີ່ຈະຕ້ອງໄດ້ສຸມໃສ່ ແກ້ໄຂໃນຕໍ່ໜ້າ.

  ມາຮອດປະຈຸບັນທົ່ວແຂວງ ສາລະວັນ ມີໄຟຟ້າຊົມໃຊ້ຄົບ 8 ຕົວເມືອງ, ມີ 512 ບ້ານ ກວມ ເອົາ 86,93%, ມີ 64.796 ຫຼັງ ຄາເຮືອນທີ່ໄດ້ຊົມໃຊ້ໄຟຟ້າ ກວມ 97,04% ແລະຖ້າຫາກໂຄງ ການລັດຖະບານທີ່ມອບໃຫ້ເອກະ ຊົນລົງທຶນກ່ອນຢູ່ເມືອງຕະໂອ້ຍ ແລະເມືອງສະໝ້ວຍ ສຳເລັດ ຄາດວ່າຈະມີໄຟຟ້າຊົມໃຊທົ່ວ ແຂວງ 100%.

ຄຽງຄູ່ກັນນັ້ນ ເພື່ອເຮັດໃຫ້ທົ່ວແຂວງໄດ້ ຊົມໃຊ້ໄຟຟ້າກໍໄດ້ມີການຊື້ ແລະຈຳໜ່າຍ ພະລັງງານໄຟຟ້າ, ໄດ້ຊື້ພະລັງງານໄຟ ຟ້າທັງໝົດ 99,44 ລ້ານກິໂລວັດໂມງ (kwh) ມູນຄ່າ 53 ຕື້ກວ່າກີບ ເທົ່າກັບ 98% ຂອງແຜນການປີ 2018, ຈຳ ໜ່າຍພະລັງງານໄຟຟ້າໄດ້ 87 ລ້ານກວ່າ ກິໂລວັດໂມງ kwh ເທົ່າກັບ 93%, ນອກນັ້ນໄດ້ສູ້ຊົນເກັບກູ້ໜີ້ສິນຄ່າກະແສໄຟຟ້າ. ສຳລັບປີ 2018 ໄດ້ມອບພັນທະອາກອນ ໃຫ້ແຂວງໄດ້ 5,5 ພັນລ້ານກີບ, ໃນນັ້ນ ອາກອນທຸລະກິດ 5 ຕື້ກວ່າກີບ ແລະ ອາກອນເງິນເດືອນ 304 ລ້ານກວ່າກີບ.

  ນອກນັ້ນລັດວິສາຫະກິດໄຟຟ້າລາວ ສາຂາສາລະວັນ ໄດ້ປະກອບສ່ວນຢ່າງ ແຂງແຮງໃນການສ້າງສາພັດທະນາເສດຖະກິດສັງຄົມເວົ້າລວມເວົ້າສະເພາະ ກໍ່ຄືພື້ນຖານໂຄງລ່າງຕ່າງໆ ແລະເອື້ອ ອຳນວຍຄວາມສະດວກໃນການຈັ ດງານ, ສະຖານທີ່ຕ່າງໆ ໃຫ້ສະດວກສະບາຍ ເປັນຕົ້ນ ໄດ້ປະກອບສ່ວນພັດທະນາແຫຼ່ງ ທ່ອງທ່ຽວອຸທິຍານພູຜາສຸກ ແລະງານ ສະເຫຼີມສະຫຼອງປີທ່ອງທ່ຽວຂອງເມືອງ ແລະແຂວງ, ພ້ອມນັ້ນໄດ້ບູລະນະສ້ອມ ແປງຕາຂ່າຍໄຟຟ້າທີ່ເປ່ເພ ແລະເສຍ ຫາຍຈາກໄພທຳມະຊາດ.

   ສຳລັບທິດທາງການຈັດຕັ້ງປະຕິບັດ ສືບຕໍ່ຕິດຕັ້ງໄຟເຂົ້າເຮືອນໃຫ້ຄອບຄົວຜູ້ທຸກຍາກ p2p ຕາມແຜນອະນຸມັດປີ 2018, ຈຳນວນ 1.000 ຫຼັງຄາເຮືອນ ແລະຈະໄດ້ເລີ່ມປະຕິບັດຢູ່ເມືອງຕຸ້ມລານ ກ່ອນ ເນື່ອງຈາກເປັນເມືອງພູດອຍ ແລະ ມີຄວາມຈຳເປັນແນໃສ່ແກ້ໄຂຄວາມທຸກ ຍາກຂອງປະຊາຊົນ ຈຳນວນ 301 ຫຼັງ ຄາເຮືອນ, ເມືອງສາລະວັນ 359 ຫຼັງຄາ ເຮືອນ ແລະເມືອງເລົ່າງາມ 309 ຫຼັງຄາ ເຮືອນ.

ນສພ ເສດຖະກິດ ສັງຄົມ

แชร์