ຮອງລັດຖະມົນຕີກະຊວງສາທາຢ້ຽມຢາມຫຼວງນໍ້າທາ

  ວັນທີ 12 ກຸມພາ 2021 ທ່ານ ດຣ ບຸນແຝງ ພູມມະໄລສິດ ຮອງລັດຖະມົນຕີກະຊວງສາທາລະນະສຸກ ພ້ອມດ້ວຍຄະນະໄດ້ລົງຊຸກຍູ້ຢ້ຽມຢາມໂຮງໝໍແຂວງຫຼວງ ນໍ້າທາ, ໂດຍການຕ້ອນຮັບຂອງທ່ານ ແສງວົງ ບຸດຕະວົງ ອຳນວຍການໂຮງໝໍແຂວງຫຼວງນໍ້າທາພ້ອມດ້ວຍຄະນະ.

  ທ່ານຮອງລັດຖະມົນຕີກະຊວງສາທາລະນະສຸກພ້ອມດ້ວຄະນະກໍ່ໄດ້ລົງຢ້ຽມຢາມສະຖານທີ່ຫ້ອງຄົນເຈັບທີ່ມາປີ່ນປົວຢູ່ໂຮງໝໍແຂວງ, ຫ້ອງເຮັດວຽກຂອງພະຍາບານ, ແພດ-ໝໍ, ຈາກນັ້ນ ທ່ານ ດຣ ແສງວົງ ບຸດຕະວົງ ອຳນວຍການໂຮງໝໍແຂວງກໍ່ໄດ້ລາຍງານໂດຍຫຍໍ້ກ່ຽວກັບສະພາບການປິ່ນປົວຂອງຄົນເຈັບທີ່ມີອາການທົ່ວໄປ ແລະການປິ່ນປົວຜູ້ຕິດເຊື້ອພະຍາດໂຄວິດ-19 ໂດຍແມ່ນສັນຊາດຈີນ 1 ກໍລະນີທີ່ກໍາລັງປິ່ນປົວ, ປະຈຸບັນອາການເບົາບາງຫຼາຍແລ້ວ ແລະ ຍັງຈະໄດ້ສືບຕໍ່ປິ່ນປົວ ແລະ ຕິດ ຕາມອາການຈົນກ່ວາຜົນກວດເປັນລົບ,ການມາຢ້ຽມຢາມໃນຄັ້ງນີ້ທ່ານ ດຣ ບຸນແຝງ ພູມມະໄລສິດ ຮອງລັດຖະມົນຕີກະຊວງສາທາລະນະສຸກກໍ່ໄດ້ມອບອຸປະກອນການແພດໃຫ້ໂຮງໝໍແຂວງຫຼວງນໍ້າທາເພື່ອປະກອບສ່ວນເຂົ້າໃນວຽກງານການປິ່ນປົວຄົນເຈັບພາຍໃນໂຮງໝໍ ແລະຕອບສະໜອງໃຫ້ກັບຄົນເຈັບກໍ່ຄືໜ້າວິຊາສະເພາະຂອງພະນັກງານແພດ-ໝໍໃຫ້ໄດ້ຕາມຈຸດປະສົງ, ເຄື່ອງທີ່ນໍາມາມອບໃນຄັ້ງນີ້ປະກອບມີໄມ້ຄໍ້າເທົ້າ, ເຄື່ອງກະຕຸ້ນກ້າມຊີ້ນ ແລະວອກເກີເປັນອຸປະກອນຊ່ວຍຄົນພິການລວມມູນຄ່າ 42 ລ້ານກີບ,ກ່າວຮັບໂດຍ ທ່ານ ດຣ ແສງວົງ ບຸດຕະວົງ ອຳນວຍການໂຮງໝໍແຂວງ, ຈາກນັ້ນທ່ານຍັງໄດ້ລົງຢ້ຽມຢາມສູນກັກກັນ 14 ວັນຂອງແຂວງຫຼວງ ນໍ້າທາຕື່ມອີກ.

ຂ່າວ: ມຸນຕີ 

แชร์