ເຊລກຽມລົງທຶນໃນພະລັງງານສີຂຽວຫຼາຍເຖິງປີລະ 6 ຕື້ໂດລາສະຫະລັດ ຫຼັງຈາກຜົນຜະລິດນໍ້າມັນຂອງບໍລິສັດສູງສຸດໃນປີ 2019.

  ຕາມຂ່າວຕ່າງປະເທດລາຍງານວ່າບໍລິສັດນໍ້າມັນລາຍໃຫຍ່ສັນຊາດອັງກິດຖະແຫຼງວ່າໄດ້ວາງແຜນຈັດສັນງົບປະມານພິເສດສຳລັບພະລັງງານເຊື້ອໄຟຊີວະພາບ, ການສາກລົດໄຟຟ້າ ແລະພະລັງງານທົດແທນພ້ອມທັງກ່າວວ່າການຜະລິດນໍ້າມັນດິບຂອງບໍລິສັດກຳລັງຫຼຸດລົງເລື້ອຍໆ ໂດຍບໍລິສັດເຊລໄດ້ວາງຍຸດທະສາດເພື່ອເລັ່ງການປັບປ່ຽນເປັນຜູ້ໃຫ້ບໍລິການແລະຜະລິດຕະພັນພະລັງງານທີ່ປ່ອຍອາຍພິດເຮືອນແກ້ວເທົ່າກັບສູນ, ທ່ານ ເບນ ຟານ ເບີເດນ ປະທານກຳມະການບໍລິຫານຂອງຣໍຢັດດັດເຊລ ກ່າວວ່າຍຸດທະສາດການເລັ່ງປັບຕົວຂອງບໍລິສັດຈະເຮັດໃຫ້ການປ່ອຍແກ໊ສກາກບອນຊຶ່ງເປັນປັດໄຈທີ່ເຮັດໃຫ້ເກີດໂລກຮ້ອນຫຼຸດລົງ ແລະຈະສົ່ງມອບໃຫ້ກັບຜູ້ຖືຮຸ້ນ, ລູກ ຄ້າ ແລະ ສັງຄົມໃນວົງກວ້າງບໍລິສັດຈະຕ້ອງມອບຜະລິດຕະພັນ ແລະ ບໍລິການທີ່ລູກຄ້າຕ້ອງການ ແລະ ຈຳເປັນຕ້ອງໃຊ້ຊຶ່ງກໍຄືຜະລິດຕະພັນທີ່ມີຜົນກະທົບກັບສິ່ງແວດ ລ້ອມໜ້ອຍທີ່ສຸດ. 

ຖະແຫຼງການດັ່ງກ່າວມີຂຶ້ນ ພາຍຫຼັງເຊລລາຍງານໃນປີ 2020  ການຂາດທຶນ 2,17 ຕື້ໂດລາສະ ຫະລັດ ເນື່ອງຈາກການແຜ່ລະ ບາດຂອງເຊື້ອໂຄວິດ-19 ເພາະ ໂຮງງານຕ້ອງປິດຕົວ, ສາຍການ ບິນຢຸດໃຫ້ບໍລິການ ສ່ວນປີ 2019 ເຊລຂາດທຶນ 1,58 ຕື້ໂດລາ. 

แชร์