ມາເລເຊຍ ສະເໜີສັກວັກແຊງໃຫ້ຊາວຕ່າງປະເທດ

  ລັດຖະບານມາເລເຊຍສະເໜີສັກວັກແຊງປ້ອງກັນພະຍາດໂຄວິດ-19 ໃຫ້ຊາວຕ່າງປະເທດທຸກຄົນທີ່ອາໄສຢູ່ໃນມາເລເຊຍ.

  ຕາມຂ່າວຕ່າງປະເທດລາຍງານວ່າລັດຖະບານມາເລເຊຍຈະຂະຫຍາຍໂຄງການສັກວັກແຊງປ້ອງກັນໂຄວິດ-19 ໂດຍບໍ່ເສຍຄ່າໃຫ້ແກ່ຊາວຕ່າງປະເທດທຸກຄົນທີ່ອາໄສຢູ່ໃນມາເລເຊຍລວມທັງນັກຮຽນ-ນັກສຶກສາ,ຜູ້ອົບພະຍົບ ແລະຜູ້ເດີນທາງເຂົ້າເມືອງແບບຜິດກົດໝາຍ. ຂະນະທີ່ມາເລເຊຍຕັ້ງເປົ້າໝາຍສັກວັກແຊງໃຫ້ປະຊາຊົນກວມເອົາ 80% ຂອງປະຊາກອນທັງໝົດ 32 ລ້ານຄົນ ໃຫ້ໄດ້ພາຍໃນ 1 ປີ. 

   ຢ່າງໃດກໍຕາມທາງຄະນະກຳມະການກ່າວວ່າຈະໃຫ້ຄວາມສຳຄັນໃນການສັກວັກແຊງໃຫ້ກັບປະຊາຊົນມາເລເຊຍກ່ອນສ່ວນກຳນົດສັກວັກແຊງໃຫ້ກັບຊາວຕ່າງປະເທດນັ້ນຈະມີການປະກາດໃນພາຍຫຼັງ.

แชร์