ລົດຕຳກັນ 130 ຄັນຢູ່ອາເມລິກາເສຍຊີວິດ 6 ຄົນ

  ເກີດອຸບັດເຫດລົດຕຳກັນຢູ່ທາງດ່ວນລັດເທັກຊັສຂອງອາເມລິກາຫຼາຍກວ່າ 130 ຄັນ ແລະມີຜູ້ເສຍຊີວິດຢ່າງໜ້ອຍ 6 ຄົນ.

  ຕາມຂ່າວຕ່າງປະເທດລາຍງານວ່າອຸບັດເຫດເກີດຂຶ້ນໃນວັນທີ 11 ກຸມພາທີ່ຜ່ານມາເກີດອຸບັດເຫດລົດຕຳກັນຫຼາຍກວ່າ 130 ຄັນຢູ່ທາງດ່ວນລັດເທັກຊັສຂອງອາເມ ລິກາເຮັດໃຫ້ມີຜູ້ເສຍຊີວິດຢ່າງໜ້ອຍ 6 ຄົນ ແລະໄດ້ຮັບບາດເຈັບ 65 ຄົນໃນນັ້ນເຂົ້າປິ່ນປົວຢູ່ໂຮງໝໍ 36 ຄົນ. ທ່າມກາງພາຍຸຫິມະ ແລະຝົນໜາວເຢັນພັດເຂົ້າຫຼາຍພື້ນທີ່ຂອງປະເທດສາເຫດຂອງການເກີດອຸບັດເຫດແມ່ນຍ້ອນຖະໜົນໝື່ນເຮັດໃຫ້ຄົນຂັບບໍ່ສາມາດຄວບຄຸມລົດໄດ້. 

  ທ່ານ ຈິມ ເດວິດ ຫົວໜ້າສຳນັກງານດັບເພີງເປີດເຜີຍວ່າມີປະຊາຊົນຈຳນວນຫຼາຍຕິດຢູ່ໃນຊາກລົດທີ່ຂັບຂີ່ ແລະກ່ຽວຂ້ອງກັບອຸບັດເຫດຍັງບໍ່ສາມາດອອກຈາກລົດໄດ້ ເນື່ອງຈາກເຈົ້າໜ້າທີ່ໜ່ວຍກູ້ໄພຕ້ອງໃຊ້ອຸປະກອນໃນການຕັດລົດເພື່ອນໍາເອົາຜູ້ຂັບຂີ່ອອກ. 

แชร์