ໄຟໄໝ້ເຮືອນທີ່ປະທຸມພອນເສຍຫາຍ 222 ລ້ານກີບ

  ໃນວັນທີ 11 ກຸມພາ 2021 ຄະນະຕ້ານໄຟພິບັດຂັ້ນເມືອງນໍາໂດຍທ່ານ ບຸນຖອງ ສຸພາວົງ ຮອງເຈົ້າ ເມືອງໆປະທຸມພອນ ໄດ້ລົງຕິດຕາມເຫດໄຟໃໝ້ເຮືອນປະຊາ ຊົນທີ່ບ້ານໜອງ ບົວໃຫ່ຍ ເມືອງປະທຸມພອນ ແຂວງຈໍາປາສັກ ເພື່ອໃຫ້ກໍາລັງໃຈ ແລະເກັບກຳຂໍ້ມູນເບື້ອງຕົ້ນ.

   ຜ່ານການລົງຕິດຕາມໃນຄັ້ງນີ້ໄດ້ຮູ້ວ່າໃນເວລາປະມານ 9:00 ໂມງ ຂອງວັນທີ 11 ກຸມພາ 2021 ໄດ້ເກີດເຫດໄຟໃໝ້ເຮືອນປະຊາຊົນຊຶ່ງເປັນເຮືອນຂອງນາງ ແພງ ອາຍຸ 72 ອາ ຊີບເຮັດນາ, ມີຈໍານວນຄົນໃນຄອບຄົວທັງໝົດ 10 ຄົນ, ຍິງ 7 ຄົນ,ປະເພດເຮືອນໄມ້,ມີຈໍານວນ 4 ຫ້ອງເຮັດໃຫ້ສູນເສຍທັງຊັບສິນ ແລະເຄື່ອງໃຊ້ສອຍເປັນຕົ້ນເຄື່ອງໃຊ້ໄຟຟ້າ, ເຄື່ອງນຸ່ງຮົ່ມ, ວັດຖຸມີຄ່າ,ເຄື່ອງໃຊ້ຄົວເຮືອນ ແລະອື່ນໆເງິນສົດຈໍານວນ 70 ລ້ານກີບ ລວມມູນຄ່າເສຍຫາຍທັງໝົດ 222 ລ້ານກີບ.

  ທ່ານ ບຸນຖອງ ສຸພາວົງ ຕ່າງໜ້າໃຫ້ອໍານາດການປົກຄອງເມືອງກໍ່ໄດ້ສະແດງຄວາມເສຍ ໃຈຕໍ່ຄອບຄົວຜູ້ຖືກເຄາະຮ້າຍໃນຄັ້ງນີ້ພ້ອມທັງໂອ້ລົມໃຫ້ກໍາລັງໃຈ,ມີສະຕິໃນການໄປມາ ແລະ ໄດ້ຮຽກຮ້ອງໃຫ້ອໍານາດການປົກຄອງບ້ານຕ້ອງເປັນເຈົ້າການແຈ້ງເຕືອນພໍ່ແມ່ປະຊາຊົນໃຫ້ມີສະຕິລະວັງຕົວຂຶ້ນຕື່ມເພື່ອຫຼີກລ່ຽງບໍ່ໃຫ້ມີເຫດການນີ້ເກີດອີກ, ສ່ວນນະໂມບາຍການຊ່ວຍເຫຼືອແມ່ນຈະໄດ້ນໍາສະເໜີຕໍ່ຄະນະໄຟພິບັດຂັ້ນແຂວງສົມທົບກັບເມືອງແລ້ວຈະລົງມາຊ່ວຍເຫຼືອຕາມພາຍຫຼັງສຳລັບສາເຫດຂອງການເກີດອັກຄີໄຟແມ່ນຍັງສະຫຼຸບບໍ່ທັນໄດ້ເທື່ອ.

ຂ່າວ: ຖວທ ເມືອງປະທຸມພອນ

แชร์