ນ້ຳປະປາຜົ້ງສາລີສະຫຼຸບວຽກປະຈຳປີ

  ໃນວັນທີ 22 ກຸມພາ 2019 ທີ່ ຫ້ອງປະຊຸມຂອງລັດວິສາຫະກິດນ້ຳປະ ປາ ແຂວງຜົ້ງສາລີ ສະພາບໍລິຫານ ນ້ຳປະປາແຂວງຜົ້ງສາລີໄດ້ຈັດໃຫ້ມີ ກອງປະຊຸມສະຫຼຸບວຽກງານ ປະຈຳປີ 2018 ຂຶ້ນຢ່າງເປັນທາງການ ໂດຍການ ເປັນປະທານຂອງ ທ່ານ ຄຳຜອຍ ວັນນະ ສານ ຮອງເຈົ້າແຂວງ, ປະທານສະພາບໍ ລິຫານນ້ຳປະປາແຂວງຜົ້ງສາລີ, ມີທ່ານ ບຸນທະວີ ສໍສຸກັນ ຫົວໜ້າພະແນກໂຍທາ ທິການ ແລະຂົນສົ່ງແຂວງຜົ້ງສາລີ, ມີບັນດາຄະນະ ແລະສະມາຊິກສະພາບໍລິຫານເຂົ້າຮ່ວມ.

  ທ່ານ ພອນໄຊ ຈອມແກ້ວ ອຳນວຍ ການລັດວິສາຫະກິດນ້ຳປະປາແຂວງ ຜົ້ງສາລີ ໄດ້ຂຶ້ນສະຫຼຸບຕີລາຄາການຈັດ ຕັ້ງປະຕິບັດວຽກງານຕະຫຼອດໄລຍະປີ 2018 ຜ່ານມາ ລັດວິສາຫະກິດນ້ຳປະປາແຂວງຜົ້ງສາລີ ມີສຳນັກງານໃຫຍ່ ຂອງແຂວງຕັ້ງຢູ່ເທສະບານເມືອງຜົ້ງ ສາລີ ແລະມີສາຂາຢູ່ 6 ເມືອງ, ມີ 1 ຫ້ອງ ການ ແລະ 4 ຂະແໜງການ, ມີການພະ ນັກງານທັງໝົດ 60 ຄົນ, ຍິງ 15 ຄົນ ການຈັດຕັ້ງປະຕິບັດໄລຍະປີ 2018 ແມ່ນສາມາດສ້າງລາຍຮັບໄດ້ທັງໝົດ 3,91 ຕື້ກີບ ເທົາກັບ 99% ຂອງແຜນ ການ ທຽບໃສ່ປີຜ່ານມາເພີ່ມຂຶ້ນ 2%, ດ້ານລາຍຈ່າຍປະຕິບັດໄດ້ 3,76 ຕື້ກີບ ເທົ່າກັບ 103% ຂອງແຜນການເພີ່ມ ຈາກປີຜ່ານມາ 10%, ປະຈຸບັນມີໝໍ້ແທກ ນ້ຳທັງໝົດ 6.472 ໜ່ວຍ ໃນນັ້ນປີ 2018 ຕິດຕັ້ງລະບົບນໍ້າເຂົ້າບ້ານໄດ້ 343 ໜ່ວຍ, ສຳຫຼວດທໍ່ແຕກນໍ້າຮົ່ວໄຫຼ 511 ຄັ້ງ, ຜະລິດນ້ຳໄດ້ 1,51 ລ້ານແມັດ  ກ້ອນ, ຕິດຕັ້ງປ່ຽນຖ່າຍ ແລະບຳລຸງຮັກ ສາສິ່ງອຳນວຍຄວາມສະດວກຕ່າງໆ ໄດ້ 168 ຄັ້ງ; ກໍ້ສ້າງ ແລະປັບປຸງລະບົບ ນ້ຳປະປາສະໜອງພາຍໃນເທສະບານ ເມືອງຜົ້ງສາລີ ໄດ້ດຳເນີນມາແຕ່ປີ 2016 ແລະຈະໃຫ້ສຳເລັດປີ2020 ປະ ຈຸບັນມີຄວາມຄືບໜ້າ 40%, ຕິດຕັ້ງລະ ບົບໄດປໍ້ານໍ້າ ແລະປະຈຸບັນສາມາດຜະ ລິດນໍ້າສະໜອງໃຫ້ເທສະບານເມືອງຜົ້ງ ສາລີໄດ້ຕະຫຼອດ 24 ຊົ່ວໂມງ ເລີ່ມແຕ່ ເດືອນ 11 ປີ2018 ເປັນຕົ້ນມາ; ໂຄງ ການກໍ່ສ້າງເທສະບານໃໝ່ຂອງແຂວງ ທີ່ເມືອງບູນເໜືອກຳລັງຢູ່ໃນຂັ້ນຕອນ ການຈັດຕັ້ງປະຕິບັດຄາດວ່າຈະໃຫ້ສຳ ເລັດປີ 2020; ໂຄງການກໍ່ສ້າງ ແລະປັບ ປຸງລະບົບນ້ຳເທສະບານໃໝ່ຂອງແຂວງ ທີ່ເມືອງສຳພັນເລີ່ມຈັດຕັ້ງປະຕິບັດປີ 2018 ປະຕິບັດໄດ້ 30% ແລ້ວ ແລະຈະ ໃຫ້ສຳເລັດໃນປີ 2021; ໂຄງການກໍ່ ສ້າງລະບົບນໍ້າປະປາຊຸມຊົນ ກຸ່ມບ້ານອູ ເນືອ ເມືອງຍອດອູ ດຳເນີນໄດ້ 30% ແລ້ວ ແລະຈະໃຫ້ສຳເລັດປິ 2021.

ສຳລັບທິທາງປີ 2019 ທາງລັດວິ ສາຫະກິດນ້ຳປະປາແຂວງຜົ້ງສາລີຈະສູ້ຊົນສ້າງລາຍຮັບໃຫ້ໄດ້ 4 ຕື້ກວ່າກີບ ລາຍຈ່າຍປະຕິບັດໃຫ້ໄດ້ 3,8 ຕື້ກີບ, ປັບ ປຸງລະບົບນໍ້າຕິດຕັ້ງລົບບົບນໍ້າ ແລະຜະ ລິດນໍ້າປະປາທີ່ສະອາດຕອບສະໜອງ ຕາມຄວາມຕ້ອງການຂອງສັງຄົມ. ໃນກອງປະຊຸມຜູ້ເຂົ້າຮ່ວມໄດ້ພັດປ່ຽນກັນປະກອບຄຳຄິດຄຳເຫັນ ແລະເປັນເອກະ ພາບກັນຮັບຮອງເອົາບົດສະຫຼຸບ ແລະ ທິດທາງແຜນການ.

ໂອກາດດັ່ງກ່າວ ທ່ານ ຄຳຜອຍ ວັນ ນະ ສານ ຮອງເຈົ້າແຂວງຜົ້ງສາລີຍັງໄດ້ ໂອ້ລົມເນັ້ນໜັກໃຫ້ຄະນະອຳນວຍການ ແລະສະມາຊິກ ສະພາບໍລິຫານນ້ຳປະ ປາແຂວງຜົ້ງສາລີໃຫ້ສືບຕໍ່ປັບປຸງ ແບບແຜນການນຳພາ, ວິທີເຮັດວຽກ ແບ່ງຄວາມຮັບຜິດຊອບບົນພື້ນຖານ ລວມສູນປະຊາທິປະໄຕ, ຄົ້ນຄວ້າກຳ ແໜ້ນບັນດານິຕິກຳ, ລະບຽບການໃຫ້ໜັກ ແໜ້ນເພື່ອຫັນເປັນນິຕິກຳແຜນການລະ ອຽດຈັດຕັ້ງປະຕິບັດ, ແກ້ໄຂບັນຫານ້ຳ ຮົ່ວໄຫຼ, ປັບປຸງລະບົບບັນຊີໃຫ້ລະອຽດ ແລະຊັດເຈນກວ່າເກົ່າ, ຫັນບັນດາຄາດ ໝາຍສ້າງເປັນແຜນປະຈຳປີປະຈຳ ງວດ, ປະຈຳເດືອນ ແລະປະຈຳອາທິດ, ຕິດຕາມກວດກາເກັບກຳຂໍ້ມູນຄວາມ ຕ້ອງການຊົມໃຊ້ ແລະການສະໜອງ ນ້ຳປະປາໃຫ້ພຽງພໍ, ຄຸ້ມຄອງກຳແໜ້ນ ຕົ້ນທຶນການຜະລິດ ແລະໃຊ້ທຶນຢ່າງ ໂປ່ງໃສ ພ້ອມທັງປົກປັກຮັກສາແຫຼ່ງນ້ຳທີ່ສະໜອງໃຫ້ແກ່ການຜະລິດນ້ຳປະປາຢ່າງຍືນຍົງ.

ນສພ ເສດຖະກິດ-ສັງຄົມ

แชร์