ລົງນາມສາ້ງໂຮງງານ ແລະເກັບຊື້ໃບຊາຢູ່ເມືອງຫົງສາ

  ພິທີເຊັນສັນຍາລະຫວ່າງອຳນາດ ການປົກຄອງເມືອງຫົງສາ ແຂວງໄຊຍະ ບູລີ ຕາງຫນ້າໂດຍຫ້ອງການແຜນການ ແລະການລົງທຶນກັບບໍລິສັດປຸງແຕ່ງຊາ ພື້ນເມືອງຂາອອກ-ຂາເຂົ້າ ຈຳກັດ ໄດ້ ຈັດຂຶ້ນວັນທີ 25 ກຸມພາ 2019 ທີ່ຫ້ອງ ການແຜນການ ແລະການລົງທຶນເມືອງ,ໂດຍການເປັນກຽດເຂົ້າຮ່ວມຂອງ ທ່ານ ຄຳເພັດ ພົມມະລາດ ເຈົ້າເມືອງຫົງສາ, ມີຂະແໜງການທີ່ກ່ຽວຂ້ອງຂອງແຂວງ, ຂອງເມືອງເຂົ້າຮ່ວມ.

  ຊຶ່ງໂຄງການດັ່ງກ່າວນີ້ແມ່ນຈະໄດ້ ສົ່ງເສີມການປູກ, ການປົກປັກຮັກສາ ຕົ້ນຊາ, ການເກັບຊື້ໃບຊາ ແລະສ້າງຕັ້ງ ໂຮງງານປຸງແຕ່ງຊາພື້ນເມືອງຢູ່ບ້ານ ປາກຫ້ວຍຍາງ ເມືອງຫົງສາ ໂດຍມີມູນ ຄ່າການລົງທຶນທັງໝົດ 250 ລ້ານກີບ, ພ້ອມນີ້ຍັງໄດ້ສຳປະທານທີ່ດິນສ້າງຕັ້ງ ໂຮງງານປຸງແຕ່ງຊາ, ບ່ອນພັກ ແລະ ຫ້ອງການຈຳນວນ 500 ຕາແມັດ ເປັນ ເວລາ 15 ປີ.ໂດຍຕາງໜ້າເມືອງລົງນາມຂອງ ທ່ານ ຈັນເພັງ ອູ່ທອງຄຳ ຫົວໜ້າຫ້ອງ ການແຜນການ ແລະການລົງທຶນເມືອງ ແລະຕາງໜ້າບໍລິສັດປຸງແຕ່ງຊາພື້ນ ເມືອງ ຂາອອກ-ຂາເຂົ້າ ຈຳກັດ ໂດຍ ແມ່ນ ທ່ານ ຄຳພັນ ຄຳພັນເພັງ.

ນສພ ເສດທະກິດ-ສັງຄົມ

แชร์