ດ່ານສາກົນວັງເຕົ່າ ມອບເຄື່ອງໃຫ້ທະຫານຊາຍແດນ

  ໃນວັນທີ 4 ກຸມພາ ຜ່ານມາທີ່ຫ້ອງວ່າການປົກຄອງແຂວງຈໍາປາສັກໄດ້ມີພິທີມອບ-ຮັບເຄື່ອງຊ່ວຍເຫຼືອເຄື່ອງ ບໍລິໂພກ-ອຸປະໂພກຂຶ້ນໂດຍກ່າວມອບຂອງທ່ານ ພູຊ່ອງ ສົມຄິດ ຮອງຫົວໜ້າດ່ານສາກົນວັງເຕົ່າ ແລະກ່າວຮັບໂດຍທ່ານ ມະໄລທອງ ກົມມະສິດ ຮອງເຈົ້າແຂວງໆຈໍາປາສັກທັງເປັນຮອງປະທານປ້ອງກັນຊາດ-ປ້ອງກັນຄວາມສະຫງົບແຂວງ ແລະມີບັນດາທ່ານແຂກຜູ້ໃຫຍ່ທີ່ກ່ຽວຂ້ອງເຂົ້າຮ່ວມ.

  ເຄື່ອງຊ່ວຍເຫຼືອທີ່ທາງດ່ານສາກົນໄດ້ໃຫ້ຄັ້ງນີ້ປະກອບມີເຄື່ອງບໍລິໂພກ ແລະອຸປະໂພກຈໍານວນ 50 ແກັດ, ມີມູນຄ່າ 11 ລ້ານກີບ, ມອບໃຫ້ແກ່ຄະນະພັກຄະນະປົກ ຄອງແຂວງຈໍາປາສັກ, ຈຸດປະສົງແມ່ນເພື່ອປະກອບສ່ວນເປັນຂອງຂວັນແກ່ນາຍ ແລະພົນທະຫານທີ່ປະຈໍາການຢູ່ເຂດທ້ອງຖິ່ນຫ່າງໄກສອກຫຼີກທຸລະກັນດານເນື່ອງໃນໂອກາດວັນສ້າງຕັ້ງກອງທັບປະຊາຊົນລາວ ຄົບຮອບ 72 ປີ ນຳອີກ.

  ໃນໂອກາດດັ່ງກ່າວທ່ານຮອງເຈົ້າແຂວງໄດ້ກ່າວສະແດງຄວາມຂອບໃຈ ແລະ ຊົມເຊີຍຕໍ່ດ່ານສາກົນວັງເຕົ່າທີ່ໄດ້ປະກອບສ່ວນຊ່ວຍເຫຼືອເຄື່ອງບໍລິໂພກອຸປະໂພກໃນຄັ້ງນີ້ ແລະໃຫ້ສຶບຕໍ່ຮັກສາມູນເຊື້ອນອັນດີງາມນີ້ໄປຢ່າງບໍ່ມີວັນສີ້ນສຸດ, ສືບຕໍ່ຊີ້ນໍາ-ນໍາພາພັດທະນາວຽກ ງານຂອງດ່ານໃຫ້ມີພາລະບົດບາດຍິ່ງໆ ຂຶ້ນ.

ໂດຍ: ໂພທິຣາຊ 

แชร์