ອັບທູຍູຟິດເນັດ-ຮັນນີຍີມ ສືບຕໍ່ປີທີ 4 ຮັບບໍລິຈາກເລືອດເພື່ອສັງຄົມ

   ວັນທີ 6 ເດືອນກຸມພາ ຜ່ານມາທີ່ນະຄອນຫຼວງວຽງຈັນ ອັບທູຍູຟິດເນັດ-ຮັນນີຍີມ ຮ່ວມສູນເລຶອດເຊີນສັງຄົມຮ່ວມບໍລິຈາກເລືອດເພື່ອເປັນການຮ່ວມມື ແລະ ຊ່ວຍເພື່ອມະນຸດດ້ວຍກັນອັບທູຍູຟິດເນັດ-ຮັນນີຍີມຮ່ວມກັບສູນເລືອດແຮງຊາດຈັດກິດຈະກຳບໍລິຈາກເລືອດຄັ້ງທີ 4

  ທ່ານ ວິວໍລະດາ ຫຼວງໂຄດ ປະທານອັບທູຍູຟິດເນັດ-ຮັນນີຍີມ ໃຫ້ສຳພາດນັກຂ່າວພວກເຮົາຮູ້ວ່າ: ຖືເປັນປີທີ 4 ທີ່ພວກເຮົາຮ່ວມສູນເລືອດແຫ່ງຊາດສ້າງກິດຈະກຳບໍ ລິຈາກເລືອດເພື່ອເປັນການຮ່ວມມືກັບມ່ວນຊົນໂດຍສະເພາະບຸກຄົນຫ້າງຮ້ານບໍລິສັດຕ່າງໆເຂົ້າຮ່ວມເພື່ອໃຫ້ໄດ້ຈຳນວນເລືອດທີ່ຫຼາຍເພື່ອເຊີນຊວນມວນຊົນ ແລະຜູ້ໃຈ ບຸນທຸກທ່ານເຂົ້າຮ່ວມກິດຈະກໍາ ແລະບໍລິຈາກເລືອດເພື່ອຊ່ວຍເຫຼືອຜູ້ປະສົບໄພກໍ່ຄືຜູ້ເຈັບເປັນຕ້ອງການຊົມໃຊ້ເລືອດມາຮ່ວມກອບກູ້ຊີວິດເພື່ອນມະນຸດດ້ວຍກັນດ້ວຍການເຕີມຕໍ່ຊີວິດໃຫ້ພວກເຂົາເຫຼົ່ານັ້ນເຮັດໜ້າທີ່ທາງດ້ານມະນຸດສະທໍາ.

  ສຳລັບງານຄັ້ງນີ້ພາກສ່ວນກ່ຽວຂ້ອງແມ່ນຈະໄດ້ປຸກລະດົມເອົາບັນດາເຊເລັບ ນາງແບບ ນາງງາມ ດາລາ ເຈົ້າຮ່ວມເປັນຈິດອາສາເພື່ອເປັນແບບຢ່າງເຂົ້າຮ່ວມບໍລິຈາກ ແລະເພື່ອເຊີນຊວນໃຫ້ຄົນມາຮ່ວມບໍລິຈາກນຳກັນ.

ຂ່າວ: ບຸນນິກ

• 08/02/2021