ສານຕັດສິນປະຫານຊີວິດຄະດີຢາເສດຕິດ

  ສານປະຊາຊົນແຂວງສະຫວັນນະເຂດ ໄດ້ນັດພິຈາລະ ນາໂທດຕາມເລກ ທີ 012/ຂຕ.ອ ລົງວັນທີ 17 ມັງກອນ 2019 ຫຼັງອົງການໄອຍະການປະຊາຊົນແຂວງສະຫວັນນະເຂດຊີ້ວ່າ: ທ້າວ ຕູ່ລີ່ ຫຼືຕູ່ ມີຄວາມຜິດໃນຂໍ້ຫາຄ້າ-ຂາຍຢາເສບຕິດປະ ເພດຢາບ້າທີ່ອົງການໄອຍະການປະຊາຊົນແຂວງເປັນໂຈດທີ່ໄດ້ຍື່ນຟ້ອງ ຫຼັງສານພິຈາລະນາຊີ້ໃຫ້ເຫັນວ່າ: ທ້າວ ຕູ່ລີ່ ທີ່ດໍາ ລົງຊີວິດໃນຄອບຄົວທີ່ຢ່າງສະຫນຸກສະບາຍໃຊ້ເງິນແບບຟຸມເຟືອຍໃນຖານະທີ່ເປັນຄົນຄ້າຂາຍຢາເສບຕິດລາຍໜຶ່ງທີ່ມີການເວົ້າຈາເວົ້າໃຫຍ່ໃຝ່ ສູງບໍ່ນານປີ.

  ທ້າວ ຕູ່ລີ່ ອະດີດຜູ້ຄ້າຂາຍຢາເສບຕິດ ລາຍໜຶ່ງເຂດເມືອງສອງຄອນ ແຂວງສະ ຫວັນນະເຂດໄວ 31 ປີ ຢູ່ບ້ານຫລັກເມືອງ, ເມືອງສອງຄອນມີຄວາມຜິດໃນຂໍ້ຫາຄ້າ-ຂາຍຢາເສບຕິດປະເພດຢາບ້າຈໍາໜ່າຍ, ຄອບຄອງ ແລະຂາຍຂ້າມຊາດ. ຊຶ່ງເຈົ້າ ໜ້າທີ່ອົງການໄອຍະການແຂວງກ່າວ ວ່າ: ທ້າວຕູ່ລີ ຈະຖືກຈໍາຄຸກ ແລະກຽມປະ ຫານຊີວິດໃນເມື່ອການນັດຄໍາພິພາກສາ ໃນວັນ ທີ 17 ມັງກອນ 2019 ແມ່ນເປັນ ຄໍາທີ່ຕັດສິນທີ່ຊີ້ຂາດກະທັງວ່າ: ທ່ານ ບຸນທິນ ສຸທາໄລ ທະນາຍຄວາມເປັນຜູ້ ປົກປ້ອງຈໍາເລີຍ ກໍ່ໃຫ້ຮ້ອງຂໍໃນກອງ ປະຊຸມສານໃຫ້ຄວາມເມດຕາຫຼຸດຜ່ອນ ຢ່ອນໂທດແຕ່ກໍ່ບໍ່ມີຜົນແຕ່ຢ່າງໃດ ຊຶ່ງ ສານໄດ້ຕັດສິນວ່າ: ທ້າວຕູ່ລີ ແມ່ນໜຶ່ງ ທີ່ເປັນຕົວການລາຍໜຶ່ງຜູ້ທີ່ຄ້າຂາຍຢາ ເສບຕິດທີ່ສ້າງບັນຫາໃຫ້ແກ່ຄົນໃນສັງ ຄົມເມືອງສອງຄອນ ແລະແຂວງສະຫວັນ ນະເຂດ ຈົນໄດ້ກາຍເປັນຜູ້ມີຕໍານານແຫ່ງຜູ້ຄ້າຢາເສບຕິດ.

  ຊຶ່ງການກະທໍາມັນສະແດງອອກຢູ່ ບ່ອນວ່າ: ໃນຊ່ວງເດືອນພຶດສະພາ 2017 ທີ່ຜ່ານມາ, ມີທ້າວ ຈານ(ບໍ່ຮູ້ບ້ານ) ໄດ້  ໂທລະສັບມາຫາຈໍາເລີຍທີ່ພົວພັນຄ້າຂາຍ ຢາເສບຕິດ (ຢາບ້າ) ແລະຕົກມາຮອດ ວັນທີ 11 ພະຈິກ 2017 ທ້າວ ຈານ ກໍ່ ໄດ້ເອົາຢາບ້າມາຂາຍໃຫ້ທ້າວ ຕູ່ລີ່ ຫຼືຕູ່ ຈໍານວນ 124  ມັດ, ໃນລາຄາມັດລະ 28 ພັນບາດ (ຊີ້ຕິດໜີ້) ເມື່ອຂາຍຢາບ້າໝົດ ແລ້ວ ຈຶ່ງຈ່າຍເງິນຕາມທີຫຼັງ, ພາຍຫຼັງ ໄດ້ຢາບ້າມາແລ້ວ ທ້າວຕູ່ລີ່ ກໍ່ໄດ້ນໍາມາ ຊຸກເຊື່ອງໄວ້ໃນເຮືອນຄົວທີ່ປົນກັບກະ ເປົ໋າຖ່ານດັງໄຟ, ມາຮອດວັນທີ 13 ພະ ຈິກ ທ້າວຕູ່ລີ່ ກໍ່ໄດ້ນໍາເອົາຢາບ້າໄປຂາຍ ໃຫ້ເຖົ້າແກ່ຄົນໄທຈໍານວນ 31 ມັດ, ໃນ ລາຄາມັດລະ 44 ພັນບາດ (ຕິດໜີ້) ມາ ຮອດວັນທີ 28 ພະຈິກ 2017 ເຖົ້າແກ່ຄົນ ໄທ ກໍ່ໄດ້ໂທລະສັບສັ່ງຊື້ຢາບ້ານໍາຈໍາ ເລີຍຕື່ມອີກຈໍານວນ 55 ມັດ ໂດຍຈະ ຈ່າຍເງິນໃຫ້ກ່ອນ 5 ແສນບາດ ແລະມາ ຮອດວັນທີ 7 ທັນວາ 2017 ໄດ້ມີທ້າວ ສັນ ຕິສຸກ ໄດ້ໂທລະສັບມາຫາໂດຍຖາມວ່າ: ມີຢາບ້າຂາຍບໍ? ເບື້ອງທ້າວຕູ່ລີ່ ກໍ່ຕອບ ວ່າ: ມີຂາຍໃນລາຄາ 33.000 ບາດ ແລະກໍ່ໃຫ້ຕິດໜີ້ໄດ້ ແລະມາຮອດວັນທີ 11 ທັນວາ 2017 ທ້າວສັນຕິສຸກ ກໍ່ໄດ້ ມາຊື້ຢາບ້ານໍາຈໍານວນ 2 ມັດກໍ່ຍັງບໍ່ ທັນຈ່າຍເງິນ, ວັນເວລາຕໍ່ມາຄືວັນທີ 12 ທັນວາ 2017 ທ້າວຕູ່ລີ່ ກໍ່ໄດ້ນໍາເອົາຢາ ບ້າຈໍານວນ 34 ມັດ ຂຶ້ນໃສ່ລົດຟໍຈູນ ເນີ້ສີດໍາຄັນ ໝາຍເລກທະບຽນ ກຄ 5335 ສະຫວັນນະເຂດ ເພື່ອຈະໄປ ສົ່ງໃຫ້ເຖົ້າແກ່ຄົນໄທໃນເວລາ ທີ່ກໍາລັງ ເອົາຢາບ້າຊຸກເຊື່ອງໄວ້ໃນລົດນັ້ນ ຈຶ່ງມີ ເຈົ້າໜ້າທີ່ເຂົ້າມາກັກຕົວ ພ້ອມກວດພົບ ເຫັນຢາບ້າຈໍານວນ 34 ມັດ ຢູ່ໃນລົດ ຄັນດັ່ງກ່າວ ຈາກນັ້ນ, ເຈົ້າໜ້າທີ່ກໍ່ໄດ້ພາ ເຈົ້າຕົວມາກວດເຮືອນທີ່ບ້ານສາລາຄໍາ ເມືອງສອງຄອນ ກໍ່ໄດ້ພົບເຫັນຢາບ້າຈໍາ ນວນ 1 ມັດຢູ່ທີ່ຫ້ອງນອນ ແລະຢາບ້າ ອີກຈໍານວນ 155 ເມັດ ໃນເວລາກວດຢູ່ ທີ່ເຮືອນຂອງຜູ້ກ່ຽວ ທີ່ບ້ານສະບູໄຊ ເມືອງສອງຄອນນໍາອີກ ເຊິ່ງການກະທໍາ ດັ່ງກ່າວຂອງທ້າວຕູ່ລີ່ ແມ່ນເປັນການກະ ທໍາຜິດຕໍ່ມາດຕາ 146 ຂໍ້ 2 ວັກທີ 4 ຊຶ່ງໄດ້ລະບຸໄວ້ວ່າ: ບຸກຄົນໃດຫາກກະ ທໍາຜິດ, ປຸງແຕ່ງ ຫລືມີໄວ້ຄອບຄອງ, ຄ້າຂາຍ, ຈໍາໜ່າຍນໍາເຂົ້າ, ສົ່ງອອກ, ຂົນສົ່ງ, ຫລືນໍາຢາອີ, ຢາໄອສ໌ ຫລືວັດ ຖຸອອກລິດຕໍ່ຈິດປະສາດຜ່ານ ສປປ ລາວ ເກີນກວ່າ 3 ກິໂລກຣາມ ຂຶ້ນໄປຈະຖືກ ລົງໂທດປະຫານຊີວິດ ແລະຈະຖືກຮິບຊັບ ຕາມທີ່ໄດ້ກໍານົດໄວ້ໃນມາດຕາ 34 ຂອງ ກົດໝາຍອາຍາສະບັບປັງປຸງປີ 2005 ດັ່ງນັ້ນ, ສານຈຶ່ງເຫັນຄວນລົງໂທດທ້າວ ຕູ່ລີ່ ຫລືຕູ່ ດ້ວຍການປະຫານຊີວິດ.

แชร์