ພູເງິນ ມອບເຂົ້າສານ 46 ໂຕນ ໃຫ້ ປກສ ນວ

 ວັນທີ 29 ມັງກອນ 2021 ຜ່ານມາທີ່ຄຸມຂັງນາໄຫ-ນາໂນ ບໍລິສັດ ພູເງິນການຄ້າ ຂາອອກ-ຂາເຂົ້າ ຈຳກັດ ອຸປະຖຳເຂົ້າສານຈຳນວນ 46 ໂຕນ ລວມມູນຄ່າ 437 ລ້ານກີບ ໃຫ້ແກ່ກອງບັນຊາການ ປກສ ນະຄອນຫຼວງວຽງຈັນ ໃຫ້ກຽດເຂົ້າຮ່ວມຂອງ ທ່ານ ພັທ ຈັນທະ ລາອຸດົມສຸກ ຮອງກອງບັນຊາການ ປກສ ນະຄອນຫຼວງວຽງ ຈັນ ແລະມອບໂດຍທ່ານ ນາງ ດາລີວັນ ສິດພະໄຊ ປະທານບໍລິສັດພູມເງິນການຄ້າຂາອອກ-ຂາເຂົ້າ ຈຳກັດ ພ້ອມດ້ວຍພາກສ່ວນກ່ຽວຂ້ອງສອງຝ່າຍເຂົ້າຮ່ວມ.

  ໂອກາດດັ່ງກ່າວ ທ່ານ ນາງ ດາລີວັນ ກ່າວວ່າ: ຕາງໜ້າໃຫ້ທາງບໍລິສັດ ພູເງິນ ຕົນເອງແມ່ນມີຄວາມຮູ້ສຶກດີໃຈທີ່ໄດ້ໃຫ້ກຽດຈັດພິທີມອບຮັບເຂົ້າຈ້າວຫອມຈຳນວນ 46 ໂຕນ ຈາກບໍລິສັດພູນເງິນການຄ້າຂາອອກ-ຂາເຂົ້າຈຳກັດຜູ້ດຽວພ້ອມພະນັກງານບໍລິສັດພູນເງິນເພື່ອນຳໄປແຈກຢາຍໃຫ້ຄ້າຍຄຸມຂັງຜູ້ຫຼົງຜິດທີ່ກຳລັງດັດສ້າງຢູ່ 9 ສູນຄຸມຂັງທົ່ວນະຄອນຫຼວງຂ້າພະເຈົ້າຮູ້ສືກດີໃຈ ແລະຂໍຂອບໃຈໃນການຮວ່ມມືເປັນຢ່າງດີຈາກທຸກທ່ານທຸກພາກສ່ວນ.

  ຕະຫຼອດໄລຍະຜ່ານມາບໍລິສັດພູເງິນຖືວ່າໄດ້ຖືສຳຄັນໃນການປະຊາຊົນເຂດຫ່າງໄກໂດຍສະເພາະຊ່ວຍຊາວນາມີວຽກເຮັດງານທຳ ແລະສັງຄົມໄດ້ຮັບບໍລິໂພກສິ່ງດີໆ ແລະປະຈຸບັນສັງຄົມໃຫ້ຄວາມສົນໃຈເປັນຢ່າງດີປະຈຸບັນການຈຳໜ່າຍຂອງຜະລິດຕະພັນທັງສອງແມ່ນຖືວ່າໄດ້ຮັບຄວາມສົນໃຈ ແລະມີການເພີ່ມໃນການສັ່ງຈອງເປັນຈຳນວນຫຼາຍໂດຍສະເພາະເຂົ້າມີວາງຂາຍຢູ່ມິນິບິກຊີທຸກ 44 ສາຂາ.

 ທ່ານ ພັທ ຈັນທະລາ ອຸດົມສຸກ ກໍສະແດງຄວາມຮູ້ສຶກດີໃຈທີ່ເຫັນສັງຄົມລາວມີຈິດໃຈຊ່ວຍເຫຼືອກັນມາຕະຫຼອດ ແລະຄັ້ງນີ້ສຳລັບເຂົ້ານຳມາມອບຄັ້ງນີ້ແມ່ນຈະໄດ້ແຈກຢາຍໃຫ້ນັກໂທດ-ຕ້ອງ ຫາບັນດາຫ້ອງການບັນຊາການ 9 ຕົວເມືອງ 13 ຄຸມຂັງເຊັ່ນ: ຄຸມຂັງ ປກສ ເມືອງຈັນທະບູລີ 3 ພັນກິໂລ, ເມືອງສີໂຄດ 1,3 ພັນກິໂລ, ໄຊເສດຖາ 2 ພັນກິໂລ, ສີສັດຕະນາກ 1,8 ພັນກິໂລ, ນາຊາຍທອງ 1,1 ພັນກິໂລ, ໄຊທານີ 4,3 ພັນກິໂລ, ຫາດຊາຍຟອງ 2 ພັນກິໂລ, ສັງທອງ 700 ກິໂລ, ປາກງື່ມ 1,2 ພັນກິໂລ, ຫ້ອງຄຸມຂັງ ປກສ ເມືອງປາກງື່ມ 1,2 ພັນກິໂລ,ຄຸມຂັງຫ້ອງຕຳຫຼວດ 1,2 ພັນກິໂລ, ຄຸມຂັງນາໄຫ-ນາໂນ 14,6 ພັນໂຕນ, ສູນບຳບັດປິ່ວປົວ 12,6 ພັນໂຕນ.

แชร์