ຝືກອົບຮົມຫັດຖະກໍາ ແລະສ້າງສີມືແຮງງານໃຫ້ແກ່ກຸ່ມເພດຍິງ

  ວັນທີ 30 ມັງກອນ ຜ່ານມາທີ່ໂຮງຮຽນປະຖົມ ບ້ານໜອງລໍາຈັນ ເມືອງຈຳພອນ ໄດ້ຈັດພິທີປີດຊຸດຝຶກອົບຮົມຫັດຖະກໍາ ແລະສ້າງສີມືແຮງງານໃຫ້ແກ່ກຸ່ມເພດຍີງ 8 ບ້ານເປົ້າໝາຍຂອງໂຄງການເຕຕຼັກຕິດ, ໃຫ້ກຽດເປັນປະທານໂດຍ ທ່ານ ເພັດຈໍາພອນ ວົງສາລະສິນ ຫົວໝ້າຫ້ອງການຖະແຫຼງຂ່າວວັດທະນະທໍາ ແລະທ່ອງທ່ຽວ ເມືອງ ແລະໂຄງການເຕຕຼັກຕິກ, ພ້ອມດ້ວຍອໍານາດການປົກຄອງພາຍໃນ 8 ບ້ານເຂົ້າຮ່ວມ.

ທ່ານ ນາງ ພູສອນ ໄຊຍະວົງສາ ວິຊາການຫ້ອງແມ່ຍິງເມືອງກໍ່ໄດ້ຜ່ານບົດສະຫຼຸບຜົນສໍາເລັດໃນການຝຶກອົບຮົມພາຍໃນ 6 ວັນ, ເລີ່ມແຕ່ວັນທີ 25-30 ມັງກອນ 20 21 ໃຫ້ກຸ່ມແມ່ຍິງພາຍໃນ 8 ບ້ານ ຂອງເມືອງຈໍາພອນ, ມີບ້ານໜອງລໍາຈັນ, ດົງເມືອງ, ທ່າເມືອງ, ທ່າມ່ວງ, ສະຄືນເໝືອ, ດອນແຍງ, ຕະແຫຼວ ແລະບ້ານດອນແດງ, ໃນການຝຶກອົບຮົມໃນຄັ້ງນີ້ມີຈໍານວນພົນເຂົ້າຮ່ວມທັງໝົດ 40 ຄົນ ພາຍໃນ 8 ບ້ານເປົ້າໝາຍ,ສ່ວນຄູຝຶກແມ່ນ 4 ທ່ານມາຈາກສູນກາງສະມາຄົມຜ້າໄໝລາວນະຄອນຫຼວງວຽງຈັນທີ່ໄດ້ມາຝຶກອົບຮົມໃຫ້ ແລະຜົນງານທີ່ໄດ້ໃນການຝຶກໃນ 6 ວັນນີ້ແມ່ນມີ 90 ຢ່າງ, ໃນການຕັດຫຍິບ, ມີຖົງພາຍ, ໝວກ,ຜ້າແພ່, ເສື້ອຝ້າຍ.

 ໃນພິທີດັ່ງກ່າວ ທ່ານ ເພັດຈໍາພອນ ວົງສາລາສິນ ກໍ່ໄດ້ມອບໃບຢັ້ງຢືນໃຫ້ແກ່ຜູ້ມາຝຶກອົບຮົມມີຈໍານວນ 40 ທ່ານ ແລະກໍ່ມີຄຳເຫັນໂອ້ລົມ ແລະສະແດງຄວາມຂອບໃຈມາຍັງທາງໂຄງການເຕຕຼັກຕິກທີ່ໃຫ້ທຶນໃນການຝຶກອົບຮົມຄັ້ງນີ້ ແລະປະຊາຊົນໃນ 8 ບ້ານ ທີ່ໃຫ້ຄວາມຮ່ວມມືເປັນຢ່າງດີ.

แชร์