2020 ເມືອງໂຂງເກັບລາຍຮັບໄດ້ 8 ຕື້ກວ່າກີບ.

  ເຖິງວ່າສະພາບເສດຖະກິດທົ່ວປະເທດກໍ່ຄື ສປປ ລາວ ໄດ້ຮັບຜົນກະທົບຈາກການລະບາດຂອງໂຄວິດ-19 ກໍ່ຕາມແຕ່ຫ້ອງການເງິນເມືອງໂຂງ ແຂວງຈໍາປາສັກ ກໍ່ໄດ້ບຸກບືນສູ້ຊົນຈັດເກັບລາຍຮັບເຂົ້າງົບປະມານໃນປີ 2020 ໄດ້ທັງໝົດ 8 ຕື້ກວ່າກີບ.

  ອີງຕາມການລາຍງານຂອງທ່ານ ສະເຫຼີມໄຊ ແສງສຸລິຍະວົງ ຫົວໜ້າຫ້ອງການເງິນເມືອງໂຂງຕໍ່ກອງປະຊຸມສະຫຼຸບການຈັດຕັ້ງປະຕິບັດວຽກງານການເງິນປະຈໍາປີ 2020 ທີ່ສະໂມສອນຂອງເມືອງເອງເມື່ອວັນທີ 25 ມັງກອນ  2021 ຜ່ານມາວ່າ: ຕົວເລກການຈັດເກັບລາຍຮັບປະຈໍາປີ 2020 ເມືອງໂຂງມີຕົວເລກແຜນດັດແກ້ 9 ຕື້ກວ່າກີບ, ແຕ່ປະຕິບັດຕົວຈິງໄດ້ 8 ຕື້ກວ່າກີບ ຫຼືເທົ່າກັບ 91% ຂອງແຜນດັດແກ້, ແຕ່ຖ້າທຽບໃສ່ໄລຍະດຽວກັນຂອງປີຜ່ານມາເຫັນວ່າປະຕິບັດໄດ້ 124%, ໃນນັ້ນໄດ້ຈາກສວຍສາອາກອນ 5 ຕື້ກວ່າກີບ ເທົ່າກັບ 86% ແລະລາຍຮັບຄຸ້ມຄອງຊັບສິນຂອງລັດ 2 ຕື້ກວ່າກີບ ເທົ່າກັບ 100% ແລະສໍາລັບແຜນລາຍຈ່າຍແມ່ນສາມາດປະຕິບັດໄດ້ 100%.

  ສໍາລັບໃນປີ 2021 ກອງປະຊຸມໄດ້ສະເໜີ ແລະກົນໄກໃນຕໍ່ໜ້າເພື່ອເຮັດໃຫ້ວຽກງານຈັດເກັບລາຍຮັບເຂົ້າງົບປະມານເປັນໄປຕາມແຜນ ແລະພ້ອມທັງມາດຕະການ, ວິທີການໃຫ້ສອດຄ່ອງກັບລະບຽບກົດໝາຍງົບປະມານແຫ່ງລັດ, ຂໍ້ຕົກລົງຂອງກະຊວງການເງິນ ແລະ ລັດຖະບັນຍັດຂອງປະທານປະເທດກໍານົດໄວ້ເພື່ອຮັບປະກັນຫລັກການລວມສູນງົບປະມານແຫ່ງລັດໃຫ້ຄົບຖ້ວນ, ບັນລຸເປົ້າໝາຍທ່ວງທັນຕາມກໍານົດເວລາຢ່າງເຂັ້ມງວດ ແລະທີ່ສໍາຄັນປີ 2021 ເມືອງໂຂງຈະນໍາໃຊ້ລະບົບທັນ ສະໄໝ (ແທັກກຣິສ) ເຂົ້າໃນການແຈ້ງມອບພັນທະເຂົ້າງົບປະມານ.

แชร์