ຄລີຟວີວ ຣີເວີໄຊ ລີສອດ ແລະຮ້ານອາຫານເນັ້ນຄວາມສະອາດປອດໄພ

ຄລີຟວີວ ຣີເວີໄຊ ລີສອດ ແລະຮ້ານອາຫານເປັນຫົວໜ່ວຍທຸລະກິດຂອງເມືອງວັງວຽງທີ່ເປີດໃຫ້ບໍລິການມາຫຼາຍປີແລະເປັນທີ່ຮູ້ຈັກຫຼາຍຄົນໂດຍສະເພາະນັກທ່ອງທ່ຽວທີ່ເພິ່ນເນັ້ນເອົາໃຈໃສ່ຄຸນນະພາບມາດຖານສະອາດການບໍລິການເປັນຫຼັກເຮັດໃຫ້ຜູ້ມາໃຊ້ບໍລິການມີຄວາມຮູ້ສຶກພໍໃຈໂດຍສະເພາະຂ້າພະເຈົ້າຂຽນຄໍລໍ້າມື້ນີ້ໃນນາມນັກທ່ອງທ່ຽວໄປພັກທິດຜ່ານມາຮູ້ສຶກປະທັບໃຈໃນການບໍລິການ.

  ທ່ານ ນາງ ວຽງສັກດາ ແສງສຸລິນ ທີ່ຮູ້ຈັກຊື່ ໄກ່ ເຈົ້າຂອງຄລີຟວີວ ຣີເວີໄຊ ລີສອດ ແລະຮ້ານອາຫານໃຫ້ສຳພາດນັກຂ່າວໜັງສືພິມເສດຖະກິດ-ສັງຄົມ ຮູ້ວ່າ: ຄລີຟວີວ ຣີເວີໄຊ ລີສອດ ແລະຮ້ານອາຫານເປີດບໍລິການມາແຕ່ປີ 2005 ໂດຍມີບໍລິການທີ່ພັກ 24 ຫ້ອງ ແລະອາຫານຫຼາຍລາຍການຄ່ອຍໃຫ້ບໍລິການຊຶ່ງຖືວ່າຜ່ານການບໍລິການມາໄດ້ຮັບຄວາມສົນໃຈ ແລະ ປະທັບໃຈແຂກເຄີຍມາພັກໂດຍສະຖານທີ່ເພິ່ນຈະມີເປັນເອກະລັກຈຸດເດັ່ນມີສະຖານທີ່ຈອດລົດກວ້າງສະຖານທີ່ສະຫງົບເໝາະແກ່ການພັກຜ່ອນ ແລະ ຍາມແລງຈະມີສະຖານທີ່ນັ່ງກິນເຂົ້າຊົມວິວຕາມນໍ້າຊ່ອງສະນັ້ນເພື່ອເປັນການຕອບຮັບລູກຄ້າໃຫ້ມາໃຊ້ບໍລິການພຽງພໍແມ່ນຈະຂະຫຍາຍລີສອດ ແລະຮ້ານອາຫານ ແລະຈັດເປັນຫ້ອງປະຊຸມທີ່ສາມາດຮັບແຂກ ແລະໃຊ້ບໍລິການໄດ້ 100 ຄົນ.

 ນອກຈາກນີ້ ທ່ານ ນາງ ໄກ່ ເຈົ້າຂອງຍັງໃຫ້ຮູ້ລາຍງານການຄ້າຂາຍປະຈຸບັນຫຼັງມີໂຄວິດປິດກິດຈະການເປີດໃໝ່: ໃນນາມທີ່ຕົນເອງເປັນຜູ້ປະກອບການຄ້າຂາຍເມື່ອງຫຼາຍປີກໍ່ມີຄວາມຮູ້ສຶກດີໃຈທີ່ເຫັນເມືອງວັງວຽງກັບມາມີສີສັນ ແລະ ເຮັດໃຫ້ການຄ້າຂາຍກັບມາປົກກະຕິ ແລະ ເດືອນຜ່ານມາການຊື້ຂາຍແມ່ນມີບັນຍາກາດຄຶກຄື້ນດີຫຼາຍທີ່ສັງເກດເຫັນບາງມື້ເຄື່ອງມາໃຫ້ບໍລິການແມ່ນເກືອບບໍ່ພຽງພໍແຕ່ສິ່ງສຳຄັນສຸດດີໃຈແມ່ນໄດ້ເຫັນຊາວເມືອງວັງວຽງ ແລະ ຜູ້ປະກອບການຫຼາຍຄົນມີຮ້ອຍຍິ້ມອີກຄັ້ງໂດຍສະເພາະແມ່ນຈະສ້າງວຽກເຮັດງານທຳພະນັກງານມີວຽກເຮັດລ້ຽງຄອງຊີບຕົນເອງ.

   ແນວໃດກໍ່ຕາມທ່ານໃດທີ່ຢາກພັກທີ່ວັງວຽງກໍ່ສາມາດໄປຫາເພິ່ນຮັບຮອງທີ່ພັກປະທັບໃຈອາຫານຖືກປາກແນ່ນອນ.

แชร์