ເຈົ້າໜ້າທີ່ສືບຕໍ່ທໍາລາຍສວນຝີ່ນຢູ່ເຂດພູດອນທັນ ແລະ ນໍ້າມາຍ

   ວັນທີ 19 ກຸມພາ 2019 ກອງບັນຊາການ ປກສ ເມືອງສິງ ແຂວງຫຼວງນ້ຳທາ ໄດ້ລົງທຳລາຍ ສວນຝິ່ນທີ່ປະຊາຊົນລັກລອບປູກຝິ່ນຢູ່ບ້ານພູດອນ ທັນ ແລະບ້ານນ້ຳມາຍ ເມືອງສິງ ແຂວງຫຼວງນ້ຳ ທາ. ໂດຍການນຳພາຂອງທ່ານ ຮອ ຖາວອນ ພົມມະ ຈັນ ຮອງຫົວໜ້າພະແນກຕຳຫຼວດ ຜູ້ຊີ້ນຳວຽກ ງານສກັດກັ້ນ ແລະຕ້ານຢາເສບຕິດ ປກສ ເມືອງ ພ້ອມດ້ວຍຄະນະໄດ້ລົງສົມທົບກັບເລຂາຄະນະພັກ ຮາກຖານ, ປກສ ກຸ່ມບ້ານອຸດົມສິນ,ອຳນາດການປົກຄອງ 2 ບ້ານ ແລະ ປກຊ-ປກສ ເຂົ້າຮ່ວມ.ທ່ານ ຮອ ຖາວອນ ພົມມະຈັນ ໃຫ້ຮູ້ ວ່າ: ໂດຍປະຕິບັດຄຳສ່ັງຂອງທ່ານແຂວງ ເລກທີ 01/ຈຂ, ລົງວັນທີ16 ມີນາ 2010 ວ່າດ້ວຍການກວດກາ,ຄວບຄຸມ ແລະສະ ກັດກັ້ນການປູກຝິ່ນ, ສູບຝິ່ນຄືນໃໝ່ ແລະ ການລັກລອບຊື້ຂາຍຢາເສບຕິດທຸກປະ ເພດ. ຜ່ານການກວດກາຄັ້ງນີ້, ພົບເຫັນປະຊາຊົນບ້ານພູດອນທັນລັກລອບປູກຝິ່ນຈຳນວນ 15 ຄອບຄົວ, ມີເນື້ອທີ 2,181 ຕາແມັດ ແລະບ້ານນ້ຳມາຍມີຈຳນວນ 2 ຄອບຄົວ, ມີເນື້ອທີ່ທັງໝົດ 881 ຕາແມັດ. ລວມເນື້ອທີ່ທັງໝົດ 3.070 ຕາແມັດ. ເຊິ່ງເຈົ້າໜ້າທີ່ ແລະພາກສ່ວນທີ່ກ່ຽວຂ້ອງ ພ້ອມດ້ວຍເຈົ້າຂອງສວນຝິ່ນລົງທຳລາຍ ສວນຝິ່ນດັ່ງກ່າວຖິ້ມຢ່າງສິ້ນເຊີງ ພ້ອມ ນຳເອົາເຈົ້າຂອງສ່ວນມາສຶກສາອົບຮົມ ກ່າວເຕືອນ, ເຊັນບົດບັນທຶກ ແລະອະທິ ບາຍໃຫ້ຮູ້ເຖິງຜົນຮ້າຍຂອງຝິ່ນ, ໃຫ້ຮູ້ເຖິງ ຄວາມຜິດ ເພື່ອບໍ່ໃຫ້ມີການລັກລອບປູກ ຝິ່ນໃນຕໍ່ໜ້າ.

ນສພ ເສດຖະກິດສັງຄົມ

แชร์