ເຊັນສັນຍາຮ່ວມມືຄູ່ຮ່ວມຍຸດທະສາດ

  ວັນທີ 26 ມັງກອນຜ່ານມາທີ່ສະພາການຄ້າ ແລະອຸດສາຫະກຳແຫ່ງຊາດ (ສຄອຊ) ໄດ້ມີພິທີເຊັນບົດບັນທຶກຄວາມເຂົ້າໃຈລະຫວ່າງ ສຄອຊ ແລະບໍລິສັດປີໂຕຣລ້ຽມເທຣດດິ້ງລາວມະຫາຊົນ, ລົງນາມເຊັນສັນຍາໂດຍທ່ານ ນາງ ຈັນທະຈອນ ວົງໄຊ ຮອງປະທານສະພາການຄ້າ ແລະອຸດສາຫະກຳແຫ່ງຊາດ ແລະ ທ່ານ ມາກລູວັນ ຜູ້ ຈັດການທົ່ວໄປບໍລິສັດ ປີໂຕຣລ້ຽມເທຣດດິ້ງລາວມະຫາຊົນ,ມີຄະນະບໍລິຫານງານ ສຄອຊ, ກຸ່ມ,ສະມາຄົມ ແລະຫົວໜ່ວຍທຸລະກິດ ແລະພາສ່ວນທີ່ກ່ຽວຂ້ອງເຂົ້າຮ່ວມ.

  ບົດບັນທຶກຄວາມເຂົ້າໃຈໃນຄັ້ງນີ້ແມ່ນຕົກລົງເຫັນດີໂດຍທາງບໍລິສັດປີ ໂຕຣລ້ຽມເທຣດດິ້ງລາວມະຫາຊົນຈະເປັນຄູ່ຮ່ວມຍຸດທະສາດສະໜັບສະໜູນງານວາງສະແດງຜະລິດຕະພັນລາວ Made In Laos, ໃນໄລຍະເວລາ 3 ປີ ເລີ່ມແຕ່ 2020-2022 ໂດຍຈະໃຫ້ການສະໜັບສະໜູນເປັນມູນຄ່າ 200 ລ້ານກີບ, ຊຶ່ງຈຸດປະສົງການຕົກລົງຮ່ວມມືເປັນຄູ່ຮ່ວມຍຸດທະສາດສະໜັບສະໜູນງານວາງສະແດງຜະລິດຕະພັນລາວ Made In Laos ເພື່ອເປັນການຊຸກຍູ້ຜູ້ປະກອບການຫົວໜ່ວຍທຸ ລະກິດທີ່ໄດ້ຮັບຜົນກະທົບການແຜ່ລະບາດເຊື້ອພະຍາດໂຄວິດ-19 ສາຍພັນໃໝ່ ແລະ ພ້ອມດຽວກັນນັ້ນກໍ່ເປັນການສົ່ງເສີມຜະລິດຕະພັນລາວທົ່ວປະເທດ ແລະ ຍົກລະດັບຄຸນນະພາບຂອງຜະລິດຕະພັນລາວໃຫ້ມີຄຸນນະພາບທຽບເທົ່າລະດັບສາກົນໂດຍສະເພາະແມ່ນຜະລິດຕະພັນທ້ອງຖິ່ນໃຫ້ກາຍເປັນສິນຄ້າທີ່ໄດ້ມາດຕະຖານສາ ມາດເປັນທີ່ຍອມຮັບທັງພາຍໃນ ແລະ ຕ່າງປະເທດ, ການຊຸກຍູ້ສົ່ງເສີມເຊີ່ງກັນ ແລະ ກັນໃນການມີສ່ວນຮ່ວມໃນການສ້າງສາພັດທະນາເສດຖະກິດຂອງຊາດ.

แชร์