ນໍ້າບາກທຳລາຍຢາງພາລາ 5 ໂຕນກວ່າ ທີ່ມີສີ່ງເຈືອປົນ

 ວັນທີ 19 ມັງກອນ ຜ່ານມານີ້ຫ້ອງການອຸດສາຫະກຳ ແລະການຄ້າເມືອງນໍ້າບາກ ແຂວງຫຼວງພະບາງ ຮ່ວມກັບບໍລິວັດຊີໂນລາວຈີລັນພັດທະນາຈຳກັດໄດ້ຈັດພິທີທຳ ລາຍສີນຄ້າປະເພດຢາງພາລາກ້ອນທີ່ມີສີ່ງເຈືອປົນເຂົ້າຮວ່ມມີທ່ານ ຫຸມເພັງ ໂທທິທຳ ປະທານກວດກາພັກ-ລັດເມືອງ,ມີຫົວໜ້າ-ຮອງຫົວໜ້າຫ້ອງການທີ່ກ່ຽວຂ້ອງ, ທ່ານນາຍບ້ານ, ບໍລິສັດເກັບຊື້ ແລະເຈົ້າຂອງສວນຢາງພາລາເຂົ້າຮວ່ມ.

  ເພື່ອເປັນການຈັດຕັ້ງປະຕິບັດໃຫ້ຖືກຕ້ອງ ແລະສອດຄ່ອງຕາມລະບຽບກົດໝາຍ, ຮັບປະກັນໃຫ້ພາກທຸລະກິດບໍລິສັດທີ່ເກັບຊື້ນໍ້າຢາງພາລາພາຍໃນເມືອງນໍ້າບາກໃຫ້ເກັບຊື້ໄດ້ສິນຄ້າທີ່ມີຄຸນນະພາບ, ສິນຄ້າໄດ້ມາດຕະຖານໃນລະຫວ່າງວັນທີ 7 ຫາວັນທີ 14 ທັນວາ 2020 ຜ່ານມາຫ້ອງການອຸດສາຫະກຳ ແລະ ການຄ້າເມືອງໄດ້ ລົງກວດກາການເກັບຊື້, ການຂາຍຢາງພາລາກ້ອນລະຫວ່າງບໍລິສັດເກັບຊື້ ແລະຊາວສວນຢາງພາຍໃນເມືອງໄດ້ພົບເຫັນຢາງພາລາຈຳນວນຫຼາຍທີ່ຊາວສວນນຳມາຂາຍ

ແມ່ນມີສີ່ງເຈືອປົນມານຳເປັນຕົ້ນແມ່ນມີຫີນ,ແຮ່, ຊາຍ,ເປືອກຂອງຕົ້ນຢາງພາລາ ແລະ ສິ່ງເສດເຫຼືອອື່ນໆເຮັດໃຫ້ກອ້ນຢາງດັ່ງກ່າວບໍ່ໄດ້ມາດຕະຖານ, ເຊື່ອມຄຸນນະ ພາບ, ບໍ່ສາມາດນຳເຂົ້າໂຮງງານຜະລິດຕາມຂັ້ນຕອນ ແລະໄດ້ຍຶດຂອງກາງໄວ້ເປັນຂອງລັດ, ພາກສວ່ນທີ່ກ່ຽວຂ້ອງໄດ້ສຶກສາອົບຮົມ ແລະເຮັດບົດບັນທຶກນຳຊາວສວນຈຳນວນ 8 ຄອບຄົວ, ຫຼາຍກວ່າໝູ່ແມ່ນຢູ່ກຸ່ມບ້ານນໍ້າຖວ້ມຊຶ່ງໄດ້ເຮັດໃຫ້ຊື່ສຽງ ແລະຜົນຜະລິດສິນຄ້າສົ່ງອອກຂອງເມືອງບໍ່ໄດ້ມາດຕະຖານດັ່ງນັ້ນຈຶ່ງໄດ້ຈັດພີທີທຳ ລາຍຖີ້ມລວມມູນຄ່າການເສຍຫາຍທັງໝົດມີຢາງພາລາກ້ອນ 5.078 ກິໂລ ຄິດເປັນມູນຄ່າ 34 ລ້ານກວ່າກີບ.

-----------

ຂ່າວ: ພອນສັກ ສິງດາລັກ

ຮູບພາບ: ໜັງສືພິມເສດຖະກິດ-ສັງຄົມ

• 26/01/2021