37 ຕື້ກີບ ງົບສ້າງສວນອະນຸສາວະລີ ສົມເດັດພຣະເຈົ້າໄຊຍະເຊດຖາທິຣາດທີ່ອັດຕະປື

  ວັນທີ 24 ມັງກອນ 2021 ຢູ່ສວນອະນຸສາວະລີສົມເດັດພຣະເຈົ້າໄຊຍະເຊດຖາທິຣາດມະຫາຣາດ ບ້ານຫາດຊາຍຂາວ ເມືອງໄຊເຊດຖາ ແຂວງອັດຕະປື ໄດ້ຈັດພິທີມອບ-ຮັບສວນດັ່ງກ່າວຂຶ້ນຢ່າງເປັນທາງການໂດຍການເປັນກຽດເຂົ້າຮ່ວມຂອງທ່ານ ຈູມມະລີ ໄຊຍະສອນ ອະດີດປະທານປະເທດ ແລະທ່ານ ສອນໄຊ ສີພັນດອນ ຮອງນາຍົກລັດຖະມົນຕີ, ລັດຖະມົນຕີກະຊວງແຜນການ ແລະການລົງທຶນ, ມີການນໍາພັກ-ລັດຈາກສູນກາງ ແລະທ້ອງຖິ່ນພ້ອມດ້ວຍມວນຊົນເຂົ້າຮ່ວມ.

 ທ່ານ ພົງໄຊໄຊຊະນະ ໄຊຍະເສນາ ປະທານບໍລິສັດວັງຕັດຂຸດຄົ້ນບໍ່ແຮ່ໃນນາມຜູ້ຮັບເໝົາການກໍ່ສ້າງອະນຸສາວະລີພຣະເຈົ້າໄຊຍະເຊດຖາທິຣາດ ໃຫ້ຮູ້ວ່າ: ອະນຸສາວະລີພຣະເຈົ້າໄຊຍະເຊດຖາທິຣາດໃຊ້ເວລາການກໍ່ສ້າງທັງໝົດ 2 ປີເຄິ່ງຊຶ່ງເປັນໂຄງການກໍ່ສ້າງສາທາລະນະໂດຍການມີສ່ວນຮ່ວມຂອງທຸກພາກສ່ວນທັງພາກລັດ ແລະ ເອ ກະຊົນ, ພຸດທະບໍລິສັດ ແລະປວງຊົນລາວທັງພາຍໃນ ແລະ ຕ່າງປະເທດໂດຍແມ່ນກຸ່ມບໍລິສັດວັງຕັດຂຸດຄົ້ນບໍ່ແຮ່ເປັນຜູ້ຮັບເໝົາກໍ່ສ້າງ ແລະ ເປັນຜູ້ສັດທາຫຼັກປະກອບສ່ວນທຶນເບື້ອງຕົ້ນມີມູນຄ່າ 37 ຕື້ກີບ, ປະກອບມີ 2 ໜ້າວຽກໃຫ່ຍຄື: ວຽກເທທອງຫຫຼໍ່ຮູບເໝືອນພຣະເຈົ້າໄຊຍະເຊດຖາທິຣາດມະຫາຣາດປະທັບຊ້າງເຜືອກມຸງຄຸນປະທານພອນ, ມີນໍ້າໜັກ 18 ໂຕນ, ວຽກກໍ່ສ້າງສະຖາປະຕິມາກຳລວດລາຍວິຈິດສິນຕ່າງໆ, ຊຶ່ງມີການກໍ່ສ້າງອາຄານຫໍມູນເຊື້ອ, ຫ້ອງການ, ຫ້ອງນໍ້າສາທາລະນະ,

ຖານຕັ້ງແທ່ນກົມມະລຽນລານເບຕົງພິມລາຍ, ເບຕົງທາງຍ່າງຟຸດບາດ, ກຳແພງຮົ້ວ, ວຽກປູກຕົ້ນໄມ້, ປູກດອກໄມ້ປະດັບວຽກລະບົບໄຟຟ້າ-ນໍ້າປະປາມູນຄ່າ 34 ຕື້ກີບ,ພ້ອມນີ້ຜູ້ຮັບເໝົາກໍ່ສ້າງຍັງໄດ້ປະກອບສ່ວນສ້າງສວນຫຼີ້ນສໍາລັບເດັກນ້ອຍ, ມີຊິງຊ້າມ້າໝູນຫຼໍ່ພະພຸດທະຮູບຈຳລອງປະດິດສະຖານໄວ້ທີ່ຫໍມູນເຊື້ອກໍ່ສ້າງພຣະທາດກອງໄຊຈັກກະພັດເພື່ອອຸທິດໃຫ້ດວງວິນຍານຂອງນັກຮົບນາຍກອງທະຫານກ້າຂອງພະເຈົ້າໄຊຍະເຊດຖາທິຣາດການກໍ່ສ້າງສວນອະນຸສາວະລີແຫ່ງນີ້ນອກຈາກເປັນແຫຼ່ງຮຽນຮູ້ທາງດ້ານປະຫັວດສາດ, ສີລະປະວັດທະນະທຳແລ້ວຍັງເປັນສວນສາທາລະນະຮັບໃຊ້ປະຊາຊົນແຂວງອັດຕະປືໄດ້ນຳໃຊ້ອອກກຳລັງກາຍ ແລະຈັດກິດຈະກຳ ທາງດ້ານສີປະວັດທະນະທຳມວນຊົນຈັດພິທີຕາມຮີດຄອງປະເພນີ ແລະກາຍເປັນໜຶ່ງໃນຈຸດໝາຍປາຍທາງແຫ່ງການທ່ອງທ່ຽວຂອງແຂວງອັດຕະປື.

 ໃນໂອກາດດຽວກັນທ່ານ ເລັດ ໄຊຍະພອນ ເຈົ້າແຂວງອັດຕະປືຕາງໜ້າອົງການປົກຄອງແຂວງ ແລະປະຊາຊົນບັນດາເຜົ່າທົ່ວແຂວງຂຶ້ນກ່າວຮັບ ແລະພ້ອມທີ່ຈະປົກປັກຮັກສາໂຄງການດັ່ງກ່າວພ້ອມທັງໂຄສະນາເຜີຍແຜ່ໃຫ້ຄົນລຸ້ນຫຼັງໄດ້ສຶກສາຮໍ່າຮຽນສືບຕໍ່ໄປຊົ່ວກາລະນານພ້ອມນີ້ທ່ານ ຈູມມະລີ ໄຊຍະສອນ ພ້ອມດ້ວຍບັນທ່ານການນຳຂັ້ນສູງກາງການນຳຂັ້ນແຂວງ ແລະພາກສ່ວນທີ່ກ່ຽວຂ້ອງໄດ້ພ້ອມກັນລັ່ນຄ້ອງເກົ້າບາດ ແລະຕັດແຖບຜ້າມອບ-ຮັບຢ່າງເປັນທາງການ.

----------

ຂ່າວ: ວັດທະນາ. ຮູບພາບ: ໜັງສືພິມເສດຖະກິດ-ສັງຄົມ

แชร์