ອັບທູຍູຟິດເນັດ-ຮັນນີຍີມ ຮ່ວມສູນເລຶອດ ເຊີນສັງຄົມຮ່ວມບໍລິຈາກເລືອດ

 ເພື່ອເປັນການຮ່ວມມື ແລະຊ່ວຍເພື່ອມະນຸດດ້ວຍກັນອັບທູຍູຟິດເນັດ-ຮັນນີຍີມຮ່ວມກັບສູນເລືອດແຫ່ງຊາດຈັດກິດຈະກຳບໍລິຈາກເລືອດຄັ້ງທີ 4 ໃນວັນທີ 6 ກຸມພາ ທີ່ຈະມາເຖິງນີ້.

 ທ່ານ ວິວໍລະດາ ຫຼວງໂຄດ ປະທານ ອັບທູຍູຟິດເນັດ-ຮັນນີຍີມ ໃຫ້ສຳພາດນັກຂ່າວພວກເຮົາຮູ້ວ່າ: ສຳລັບກິດຈະກຳບໍລິຈາກເລືອດແມ່ນເລັ່ງເປົ້າໝາຍຜູ້ບໍລິຈາກເລືອດ ຈຸດປະສົງແມ່ນຢາກເປັນສື່ກາງເຊີນຊວນບຸກຄົນຫ້າງຮ້ານບໍລິສັດຕ່າງໆເຂົ້າຮ່ວມເພື່ອໃຫ້ໄດ້ຈຳນວນເລືອດທີ່ຫຼາຍສຳລັບງານຄັ້ງນີ້ພາກສ່ວນກ່ຽວຂ້ອງແມ່ນຈະໄດ້ປຸກລະ ດົມເອົາບັນດາເຊເລັບ ນາງແບບ ນາງງາມ ດາລາ ຮ່ວມເປັນຈິດອາສາເພື່ອເປັນແບບຢ່າງເຂົ້າຮ່ວມບໍລິຈາກ ແລະເພື່ອເຊີນຊວນໃຫ້ຄົນມາຮ່ວມບໍລິຈາກນຳກັນບໍ່ແມ່ນແຕ່ເຊີນຊວນມາໃນມື້ທີ 6 ມື້ດຽວແຕ່ເຊີນຊວນໃຫ້ຄົນທີ່ສຸຂະພາບຮ່າງກາຍພ້ອມແມ່ນສະດວກບໍລິຈາກມື້ໃດກໍໄດ້ທີ່ສູນເລືອດສຳລັບກິດຈະກໍາໃນຄັ້ງນີ້ເລີ່ມແຕ່ 8:00 ໂມງເຊົ້າ ຈົນເຖິງ 16:00 ໂມງ ທີ່ຮັນນີຍີມ ບ້ານເພຍວັດ ໂອກາດນີ້ຂໍເຊີນຊວນມວນຊົນ ແລະຜູ້ໃຈບຸນທຸກທ່ານເຂົ້າຮ່ວມກິດຈະກໍາ ແລະບໍລິຈາກເລືອດເພື່ອຊ່ວຍເຫຼືອຜູ້ປະ ສົບໄພກໍ່ຄືຜູ້ເຈັບເປັນຕ້ອງການຊົມໃຊ້ເລືອດມາຮ່ວມກອບກູ້ຊີວິດເພື່ອນມະນຸດດ້ວຍກັນດ້ວຍການເຕີມຕໍ່ຊີວິດໃຫ້ພວກເຂົາເຫຼົ່ານັ້ນເຮັດໜ້າທີ່ທາງດ້ານມະນຸດສະທໍາ.

แชร์