ພິທີເຄື່ອນຍ້າຍ ພຣະພຸດທະປາຣະມີ ໄປປະດິດສະຖານຢູ່ວັດປ່າຜາໂອ

ເມື່ອວັນທີ 20 ມັງກອນ 2021 ຄະນະອົງການພຸດທະສາສະໜາສຳພັນລາວແຂວງບໍ່ແກ້ວກຳມາທິການສາທາລະນູປະການໂດຍການນຳພາຂອງພຣະຫຼັກຄຳ ຣັດຕະນີໂຊຕິກາຈານ ອາດຍາທັມ ຄຳເງິນ ຄຳວົງ ເຈົ້າຄະນະແຂວງ ບໍ່ແກ້ວ, ພຣະອາຈານໃຫຍ່ຄູບາ ຄຳແສນ ຊະວະນະປັນໂຍປະທານທີ່ປຶກສາ ອພສ ແຂວງ, ພຣະອາ ຈານ ຈຸ່ມ ວັດຊະຣະເຈົ້າອະທິການວັດສີບຸນເຮືອງຮອງເຈົ້າຄະນະແຂວງຫົວໜ້າກຳມາທິການສາທາລະນູປະການ ພ້ອມດ້ວຍພຣະເຖຣານຸເຖຣະ ແລະສັດທາອອກຕົນຍາດໂຍມບ້ານສີບຸນເຮືອງໄດ້ອາຣາດທະນານິມົນພຣະພຸດທະຮູບພຣະພຸດທະປາຣະມີ ທີ່ປະດິດສະຖານຢູ່ວິຫານວັດບຸນເຮືອງເພື່ອນໍາໄປຖວາຍ ແລະປະດິດສະຖານຢູ່ວັດປ່າຜາໂອ ນະຄອນຫຼວງພະບາງເນື່ອງໃນໂອກາດທີ່ຄະນະບໍລິຫານວັດປ່າຜາໂອນໍາໂດຍສາທຸໃຫຍ່ ອ່ອນແກ້ວ ກິດຕິພັດໂທ ເຈົ້າຄະນະ ແຂວງຫຼວງພະບາງ ຈະໄດ້ຈັດພິທີສະເຫຼີມສະຫຼອງກຸດຕິມະຫາເຖຣະອາຄັນຕຸກະ ຫຼືກຸດຕິຮັບແຂກພຣະມະຫາເຖຣະທີ່ຈະຈັດຂຶ້ນໃນວັນທີ 25 ມັງກອນ 2021 ນີ້.

  ຂະບວນອາຣາດທະນານິມົນໄດ້ເລີ່ມເຄື່ອນອອກຈາກວັດສີບຸນເຮືອງໃນຕອນເຊົ້າເວລາ 5:30 ໂມງ ໄປສູ່ທ່າເຮືອເມືອງຫ້ວຍຊາຍຈາກນັ້ນກໍ່ໄດ້ອັນເຊີນພຣະພຸດທະປາຣະມີຂຶ້ນສູ່ເຮືອ ແລະເລີ່ມລ່ອງເຮືອຈາກເມືອງຫ້ວຍຊາຍໄປຕາມລໍາແມ່ນໍ້າຂອງມຸ່ງໜ້າໄປສູ່ນະຄອນຫຼວງພະບາງຕະຫຼອດໄລຍະການລ່ອງເຮືອໄດ້ມີການສູດທະຍາຍມະ ຫາສະມັຍຍະສູດ ແລະທຳມະຈັກກັບປະວັຕຕະນະສູດ, ຂະບວນເຮືອໄດ້ເຖິງຄອນຫຼວງພະບາງທີ່ທ່າຫຼວງເວລາປະມານ 18 ໂມງ, ໂອກາດໄປເຖິງກໍ່ໄດ້ຮັບການຕ້ອນຮັບຈາກຄະນະບໍລິຫານວັດປ່າຜາໂອ ແລະ ພາກສ່ວນຂະແໜງການທີ່ກ່ຽວຂ້ອງຂອງນະຄອນຫຼວງພະບາງຈາກນັ້ນກໍ່ໄດ້ອັນເຊີນພຣະພຸດທະປາຣະມີໄປສູ່ວັດແສນສຸກຂາຣາມ.

  ຕອນເຊົ້າວັນທີ 21 ມັງກອນ ຄະນະ ອພສ ແຂວງ ບໍ່ແກ້ວ, ຄະນະບໍລິຫານວັດປ່າຜາໂອ, ຂະແໜງການທີ່ກ່ຽວຂ້ອງ ແລະພຸດທະສາສະນິກະຊົນຊາວນະຄອນຫຼວງພະບາງ ໄດ້ເຕົ້າໂຮມຢູ່ຕໍ່ໜ້າວັດແສນສຸກຂາຣາມ ແລະໄດ້ເລີ່ມເຄື່ອນຂະບວນອັງເຊີນພຣະພຸດທະປາຣະມີອອກຈາກວັດແສນເວລາ 9 ໂມງນາທີ, ຂະບວນໄດ້ເຖິງວັດປ່າຜາໂອ ເລລາ 10:30ໂມງ. ຈາກນັ້ນກໍ່ໄດ້ເຕົ້າໂຮມພະສົງສາມະເນນພາຍໃນວັດ ແລະພຸດທະສາສະນິກະຊົນພາຍໃນນະຄອນຫຼວງພະບາງທີ່ເຂົ້າຮ່ວມ, ໄຫວ້ພຣະ, ຮັບສິນ ແລະຖວາຍພຣະພຸດທະປາຣະມີ ພ້ອມດ້ວຍປັດໄຈໄທຍະຕ່າງໆ ແດ່ຄະນະສົງວັດປ່າຜາໂອ.

  ໂອກາດດັ່ງກ່າວສາທຸໃຫຍ່ອ່ອນແກ້ວກິດຕິພັດໂທເຈົ້າຄະນະແຂວງຫຼວງພຣະບາງເຈົ້າອະທິການວັດປ່າຜາໂອກໍ່ໄດ້ກ່າວຄໍາຂອບໃຈມາຍັງຄະນະອພສແຂວງບໍ່ແກ້ວ ແລະຄະນະສັດທາບ້ານສີບຸນເຮືອງ ທີ່ມີສັດທາອັນແຮງກ້າໄດ້ອັນເຊີນພຣະພຸດທະປາຣະມີ ຈາກວັດສີບຸນເຮືອງ ແຂວງບໍ່ແກ້ວ ມາຖວາຍເພື່ອປະດິດສະຖານຢູ່ວັດປ່າຜາໂອເພື່ອໃຫ້ພຸດທະສາສະນິກະຊົນຊາວນະຄອນຫຼວງພະບາງໄດ້ຂາບໄຫວ້ສັກກາຣະບູຊາ, ພຣະພຸດທະປາຣະມີເປັນໜຶ່ງໃນພຣະພຸດທະຮູບຫຼາຍໆອົງທີ່ພຣະອາຈານຈຸ່ມວັດຊະຣະ ພ້ອມດ້ວຍສັດ ທາອອກຕົນຍາດໂຍມ ໄດ້ສ້າງເພື່ອຖວາຍຫຼາຍໆວັດໃນຂອບເຂດທົ່ວປະເທດມີທັງພຸດທະຮູບປູນປັ້ນ ແລະພຣະພຸດທະຮູບທີ່ຫຼໍ່ດ້ວຍໂລຫະພິເສດພຣະພຸດທະປາຣະມີທີ່ອາໜາດທະນານິມົນມາຖວາຍວັດປ່າຜາໂອຄັ້ງນີ້ແມ່ນພຣະພຸດທະຮູບທອງເຫຼືອງຊຶ່ງພຣະພຸດທະຮູບສ່ວນໃຫຍ່ທີ່ໄດ້ສ້າງພາຍໃຕ້ການຊີ້ນໍາຂອງພຣະອາ ຈານຈຸ່ມແມ່ນມີຮູບແບບຖືກຕ້ອງຕາມພຸດທະສິນສະກຸນຊ່າງລາວລ້ານຊ້າງ.

แชร์