ສະຫວັນເປີດງານວາງສະແດງສິນຄ້າໂອດັອບ

   ງານວາງສະແດງສິນຄ້າໂອດອບ (ໜຶ່ງເມືອງໜຶ່ງຜະລິດຕະພັນ) ໄດ້ເປີດ ຂຶ້ນໃນວັນທີ 22 ກຸມພາ 2019 ຈົນເຖິງ ວັນທີ 28 ກຸມພາ 2019 ທີ່ສູກາຄ້າ ສະຫວັນ-ໄອເຕັກ, ຊຶ່ງເຂົ້າຮ່ວມໃນພິທີ ເປີດງານໃນຄັ້ງນີ້ມີທ່ານ ທ່ອນແກ້ວ ພຸດທະໄກຍະລາດ ຮອງເຈົ້າແຂວງສະ ຫວັນນະເຂດ, ທ່ານກົງສູນໃຫຍ່ແຫ່ງ ສສ ຫວຽດນາມ ແລະທ່ານຮອງກົງສູນໃຫຍ່ ແຫ່ງລາຊະອານາຈັກໄທ ປະຈຳແຂວງ ສະຫວັນນະເຂດ ພ້ອມດ້ວຍບັນດາທ່ານ ຫົວໜ້າພະແນກການ, ເຈົ້າເມືອງ ພ້ອມ ດ້ວຍພາກສ່ວນຕ່າງໆເຂົ້າຮ່ວມ.

    ຕາມການລາຍງານຂອງທ່ານ ສີທົນ ນັ້ນທະລາດ ຫົວໜ້າພະແນກອຸດສາຫະ ກຳ-ການຄ້າແຂວງໄດ້ແຈ້ງໃຫ້ຮູ້ວ່າ: ຈຸດປະສົງກໍ່ເພື່ອເປັນການກະຕຸກຊຸກຍູ້ ສົ່ງເສີມຂະບວນການຜະລິດພາຍໃນ ແຂວງ ດ້ວຍຫຼາຍທ່າແຮງທີ່ບົ່ມຊ້ອນ ເປັນຕົ້ນແມ່ນການຜະລິດເປັນສິນຄ້າຄື: ສິນຄ້າໂອດອບໜຶ່ງເມືອງໜຶ່ງຜະລິດຕະ ພັນໃຫ້ນັບມື້ນັບເຂັ້ມແຂງ, ໂດຍອີງໃສ່ ເງື່ອນໄຂ ແລະສະພາບ ແວດລ້ອມທີ່ເອື້ອ ອຳນວຍພາຍໃນທ້ອງຖິ່ນເຊັ່ນ: ວັດຖຸດິບ ໃນທ້ອງຖິ່ນ, ຜະລິດຫັດຖະກຳທີ່ເປັນມູນ ເຊື້ອ ແລະຕິດພັນກັບວັດວັດທະນະທຳ ບັນດາເຜົ່າຂອງແຕ່ລະທ້ອງຖິ່ນ, ທັງນີ້ກໍ່ ເພື່ອເປັນການສ້າງວຽກເຮັດງານທຳໃຫ້ ແກ່ປະຊາຊົນໄດ້ມີເງື່ອນໄຂທຳການຜະ ລິດສິນຄ້າອຸປະໂພກ-ບໍລິໂພກ ແລະຜະ ລິດຕະພັນສິນຄ້າອື່ນໆ. ທ່ານ ສີທົນ ນັນ ທະລາດ ຍັງແຈ້ງໃຫ້ຮູ້ຕື່ມວ່າ: ສຳລັບຫ້າງ ຮ້ານທີ່ເຂົ້າຮ່ວມວາງສະແດງຄັ້ງນີ້ ມີທັງ ໝົດ 60 ຫ້າງຮ້ານ, ໃນນັ້ນ ຮ້ານວາງສະ ແດງສິນຄ້າໂອດອບ ມີ 17 ຮ້ານ, ພິເສດ ຍັງມີບັນດາຫົວໜ່ວຍທຸລະກິດຈາກປະ ເທດເພື່ອບ້ານ ຫຼືບ້ານໃກ້ເຮືອນຄຽງເຂົ້າ ຮ່ວມອີກຈຳນວນໜຶ່ງ.

   ໃນໂອກາດດັ່ງກ່າວຍັງໄດ້ມອບໃບ ຢັ້ງຢືນການນຳໃຊ້ກາໝາຍ ໜຶ່ງເມືອງ ໜຶ່ງຜະລິດຕະພັນ ຫຼືເອີ້ນວ່າ ກາໝາຍ ໂອ ດັອບ ໃຫ້ກັບສອງຫົວໜ່ວຍການຜະລິດ ຂອງນະຄອນໄກສອນພົມວິຫານຄື: ຜະ ລິດຕະພັນແຈ່ວບອງລາວເດີ ເຊິ່ງຢູ່ບ້ານອຸ ດົມວິໄລ ແລະຜະລິດຕະພັນເກືອອີອົດຕັ້ງ ຢູ່ບ້ານນາເຕີຍ ເຊິ່ງເປັນກຽດມອບໂດຍ ທ່ານ ທ່ອນແກ້ວ ພຸດທະໄກຍະລາດ.

ນສພ ເສດຖະກິດ-ສັງຄົມ

 

แชร์