ປະທານ ສພຂ ຈຳປາສັກລົງເຮັດວຽກຢູ່ເມືອງໂຂງ

  ໃນວັນທີ 21 ມັງກອນ 2021 ຜ່ານມານີ້ທ່ານ ເມກສະຫວັນ ພົມພິທັກ ປະທານສະພາປະຊາຊົນແຂວງຈໍາປາສັກພ້ອມພາກສ່ວນທີ່ກ່ຽວຂ້ອງຈາກແຂວງໄດ້ເຄື່ອນ ໄຫວຕິດຕາມຊຸກຍູ້ວຽກງານການເລືອກຕັ້ງສະມາຊິກສະພາແຫ່ງຊາດຊຸດທີ IX ແລະສະມາຊິກສະພາປະຊາຊົນແຂວງຊຸດທີ II ຢູ່ກຸ່ມ 8 ດອນຖານ ເມືອງໂຂງແຂວງ ຈໍາປາສັກ.

  ໃນໂອກາດດັ່ງກ່າວທ່ານ ບຸນທອງ ພັນນຸວົງ ນາຍບ້ານໆດອນຖານໄດ້ລາຍງານການກະກຽມບັ້ນເລືອກຕັ້ງຄັ້ງນີ້ວ່າ: ກຸ່ມ 8 ບ້ານດອນຖານ ປະກອບມີ 3 ໜ່ວຍບັດ, ພົນລະເມືອງຜູ້ມີສິດເລືອກຕັ້ງໃນທົ່ວກຸ່ມມີຈໍານວນພົນລວມທັງໝົດ 4.029 ຄົນ, ຍິງ 1.995 ຄົນ, ຈໍານວນຜູ້ມີສິດປ່ອນບັດເລືອກຕັ້ງ (ຕາມສໍາມະໂນຄົວ) ມີ 2.434  ຄົນ, ຍິງ 1.281 ຄົນ, ຜູ້ມີສິດປ່ອອນບັດເລືອກຕັ້ງຕົວຈິງ 1.710 ຄົນ, ຍິງ 895 ຄົນ, ຈໍານວນຜູ້ມີສິດເລືອກຕັ້ງຢູ່ທ້ອງຖິ່ນອື່ນ (ຕາມສໍາມະໂນຄົວ) ມີ 260 ຄົນ.

   ທ່ານນາຍບ້ານຍັງໃຫ້ຮູ້ຕື່ມວ່າ: ມາຮອດປະຈຸບັນກຸ່ມດອນຖານແມ່ນໄດ້ສໍາເລັດການຈັດຕັ້ງເຊື່ອມຊືມມະຕິກົມການເມືອງສູນກາງພັກ ແລະ ເຜີຍແຜ່ເອກະສານຕົ້ນຕໍກ່ຽວກັບການເລືອກຕັ້ງສະມາຊິກສະພາແຫ່ງຊາດຊຸດທີ IX ແລະສະມາຊິກສະພາປະຊາຊົນແຂວງຊຸດທີ II, ຝຶກອົບຮົມໃຫ້ແກ່ການນໍາ, ພະນັກງານຫຼັກແຫຼ່ງພາຍໃນກຸ່ມ, ຄະນະຮັບຜິດຊອບ 3 ໜ່ວຍບັດມີຈໍານວນພົນເຂົ້າຮ່ວມ 46 ທ່ານ, ນອກນີ້ໄດ້ນໍາເອົານິຕິກໍາດັ່ງກ່າວລົງເຜີຍແຜ່,ເຊື່ອມຊຶມພ້ອມທັງຝຶກອົບຮົມໃຫ້ແກ່ກໍາມະການຮັບຜິດຊອບໜ່ວຍບັດ ແລະຄະນະຮັບຜິດຊອບປ້ອງກັນໜ່ວຍບັດສໍາເລັດ 100%.

แชร์