ຮອງນາຍົກໂອ້ລົມພະນັກງານຫຼັກແຫຼ່ງເມືອງໄຊຈໍາພອນ

  ໃນວັນທີ 26 ກຸມພາ 2019 ທ່ານ ສອນໄຊ ສີພັນດອນ ຮອງນາຍົກລັດຖະ ມົນຕີ ພ້ອມດ້ວຍຄະນະຈາກສູນກາງ ແລະແຂວງບໍລິຄຳໄຊ ໄດ້ໄປເຄື່ອນໄຫວ ຢ້ຽມຢາມ ແລະພົບປະໂອ້ລົມຕໍ່ການນຳ ຫຼັກແຫຼ່ງ ແລະພະນັກງານ-ລັດຖະກອນ ເມືອງໄຊຈຳພອນ, ແຂວງບໍລິຄຳໄຊ ຢູ່ທີ່ ຫ້ອງວ່າການປົກຄອງເມືອງດັ່ກ່າວ ໂດຍມີທ່ານ ຄຳພັດ ສຸລິຂັນ ເຈົ້າເມືອງ ໄຊຈຳພອນ ພ້ອມດ້ວຍຄະນະໃຫ້ການ ຕ້ອນຮັບຢ່າງອົບອຸ່ນ.ໃນໂອກາດດັ່ງກ່າວ, ຄະນະຂອງ ທ່ານນາຍົກລັດຖະມົນຕີ

  ກໍ່ໄດ້ຮັບຟັງການລາຍງານຫຍໍ້ກ່ຽວ ກັບການຈັດຕັ້ງປະຕິບັດແຜນພັດທະນາ ເສດຖະກິດ-ສັງຄົມຂອງເມືອງຈາກທ່ານ ເຈົ້າເມືອງໆໄຊຈຳພອນ, ຊຶ່ງເຫັນວ່າ: ໄຊຈຳພອນເປັນເມືອງວິລະຊົນ, ໄດ້ຮັບ ການສ້າງຕັ້ງຂຶ້ນ ໃນປີ 2009, ເປັນເມືອງ ທີ່ມີພູກວມເອົາ 95% ຂອງເນື້ອທີ່ທັງ ໝົດ, ທົ່ວເມືອງມີ 17 ບ້ານ, ມີພົນລະ ເມືອງທັງໝົດ 10,6 ພັນຄົນ, ຍິງ 5,2 ພັນຄົນ, ປະຊາຊົນສ່ວນໃຫຍ່ມີອາຊີບ ເຮັດນາ, ເຮັດໄຮ່ ແລະລ້ຽງສັດ, ເຂົາເຈົ້າ ມີມູນເຊື້ອຮັກຊາດ, ດຸໝັ່ນອາດຫານ, ມີຄວາມສາມັກຄີ ພ້ອມພຽງຮຽງໜ້າ ກັນປົກປັກຮັກສາ ແລະສ້າງສາພັດທະ ນາບ້ານຊ່ອງຂອງຕົນ ນັບມື້ດີຂຶ້ນເປັນ ກ້າວໆ, ເຮັດໃຫ້ທົ່ວເມືອງສືບຕໍ່ມີສະຖຽນ ລະພາບທາງດ້ານການເມືອງ, ສັງຄົມມີ ຄວາມສະຫງົບ ແລະເປັນລະບຽບຮຽບ ຮ້ອຍໂດຍພື້ນຖານ, ເສດຖະກິດຂະຫຍາຍ ຕົວຕໍ່ເນື່ອງ, ລາຍຮັບສະເລ່ຍໃສ່ຫົວຄົນ ໄດ້ 850 ໂດລາຕໍ່ຄົນຕໍ່ປີ, ປະຈຸບັນຍັງມີ ຄອບຄົວທຸກຍາກກວມເອົາ 64%.

  ສໍາລັບຂໍ້ຄົງຄ້າງຂອງເມືອງແມ່ນຍັງ ເປັນເມືອງທຸກຍາກ, ເສັ້ນທາງຍັງມີຄວາມຫຍຸ້ງຍາກທຸລະກັນດານ, ລະບົບພື້ນຖານ ໂຄງລ່າງ ເປັນຕົ້ນ ໄຟຟ້າ, ນໍ້າສະອາດ, ລະບົບໂທລະຄົມມະນາ ຄົມການສື່ສານ ແລະອື່ນໆ ຍັງບໍ່ທັນທົ່ວເຖິງ, ຄຸນນະພາບ ການຮຽນ-ການສອນ ຍັງບໍ່ທັນສູງ, ການລຶບລ້າງຄວາມທຸກຍາກຍັງບໍ່ທັນມີຄວາມຍືນຍົງ, ການຜະລິດເປັນສິນຄ້າຍັງມີ ໜ້ອຍ, ຄວາມຮັບຮູ້ຕໍ່ນະໂຍບາຍ ແລະ ເຕັກນິກວິທະຍາສາດຕ່າງໆ ຍັງບໍ່ທັນສູງ ເທົ່າທີ່ຄວນ.

ໃນໂອກາດດຽວກັນ, ທ່ານ ສອນໄຊ ສີພັນດອນ ກໍ່ໄດ້ໃຫ້ກຽດໂອ້ລົມ ຕໍ່ການ ນຳຫຼັກແຫຼ່ງ ແລະພະນັກງານ-ລັດຖະ ກອນ ຂອງເມືອງໄຊຈຳພອນ ໂດຍໄດ້ເປີດ ກວ້າງໃຫ້ຜູ້ເຂົ້າຮ່ວມໄດ້ປະກອບຄຳ ຄິດເຫັນ ແລະສະເໜີບັນຫາຕ່າງໆທີ່ເຂົາ ເຈົ້າມີຄວາມສົນໃຈ. ຫຼັງຈາກນັ້ນ, ທ່ານ ຮອງນາຍົກລັດຖະມົນຕີ ກໍ່ໄດ້ສະເໜີ ໃຫ້ບັນດາທ່ານ ທີ່ຕາງໜ້າໃຫ້ຂະແໜງ ການຂັ້ນສູນກາງ ເປັນຕົ້ນຮອງລັດຖະມົນ ຕີກະຊວງກະສິກຳ ແລະປ່າໄມ້ ແລະຮອງ ລັດຖະມົນຕີກະຊວງການເງິນຂຶ້ນມີຄຳ ເຫັນ ເພື່ອໃຫ້ຄວາມກະຈ່າງແຈ້ງຕໍ່ບັນ ຫາຕ່າງໆທີ່ຜູ້ເຂົ້າຮ່ວມໄດ້ຕັ້ງຂຶ້ນ ໂດຍ ສະເພາະຕໍ່ບັນຫາທີ່ຕິດພັນ ແລະກ່ຽວ ຂ້ອງກັບຂະແໜງການຂອງຕົນ.

  ເພື່ອເປັນການປຸກລະດົມກຳລັງໃຈ ແລະເປັນບ່ອນອີງໃຫ້ແກ່ການຈັດຕັ້ງປະ ຕິບັດວຽກງານຮອບດ້ານຂອງເມືອງໄຊ ຈຳພອນ ມີຜົນສຳເລັດໃຫຍ່ ແລະຍິ່ງ ໃຫຍ່ກວ່າເກົ່າ, ທ່ານຮອງນາຍົກລັດຖະ ມົນຕີ ກໍ່ໄດ້ມີຄຳເຫັນເນັ້ນໜັກໃຫ້ພາກ ສ່ວນທີ່ກ່ຽວຂ້ອງເອົາໃຈໃສ່ຕໍ່ບາງບັນ ຫາ ເປັນຕົ້ນສືບຕໍ່ເອົາໃຈໃສ່ເຮັດວຽກ ປ້ອງກັນຊາດ, ປ້ອງກັນຄວາມສະຫງົບ ຢ່າງແຂງແຮງ, ຮັບປະກັນໃຫ້ທົ່ວເມືອງ ສືບຕໍ່ມີຄວາມສະຫງົບ ແລະປອດໄພ; ສຸມໃສ່ສຶກສາອົບຮົມວຽກງານການ ເມືອງແນວຄິດໃຫ້ແກ່ພະນັກງານ-ລັດ ຖະກອນ ແລະປະຊາຊົນບັນດາເຜົ່າພາຍ ໃນເມືອງ ໃຫ້ເລິກເຊິ່ງເຖິງຖອງ ແລະສາ ມາດຈັດຕັ້ງປະຕິບັດ ບັນດານະໂຍບາຍ ແລະກົດໝາຍ-ລະບຽບການທີ່ພັກ-ລັດຖະບານວາງອອກມີຜົນສຳເລັດເປັນ ກ້າວໆ; ເອົາໃຈໃສ່ຍົກສູງຄຸນນະພາບການ ສຶກສາ, ການບໍລິການດ້ານສາທາລະນະ ສຸກ ໃຫ້ມີຄຸນນະພາບສູງ ແລະທັນສະໄໝ ຂຶ້ນກວ່າເກົ່າ; ສືບຕໍ່ພັດທະນາຊົນນະບົດ, ແກ້ໄຂຄວາມທຸກຍາກຂອງປະຊາຊົນ ໂດຍຕິດພັນກັບຂະບວນການແຂ່ງຂັນ ຮັກຊາດ ແລະພັດທະນາໃຫ້ເປັນຂະ ບວນການກວ້າງຂວາງ, ຊີວິດການເປັນ ຢູ່ຂອງປະຊາຊົນ ນັບມື້ໄດ້ຮັບການປັບ ປຸງດີຂຶ້ນ ແລະມີຜົນສຳເລັດຕາມຄາດ ໝາຍທີ່ວາງໄວ້; ເອົາໃຈໃສ່ຈັດຕັ້ງຜັນຂະ ຫຍາຍ ກໍ່ຄືປະຕິບັດນະໂຍບາຍ ແລະນິຕິ ກຳທີ່ສຳຄັນ ເປັນຕົ້ນມະຕິຂອງສູນກາງ ພັກ ສະບັບເລກທີ 056, 057, ຄໍາສັ່ງ ຂອງນາຍົກລັດຖະມົນຕີ ສະບັບເລກທີ 12, 15, 37 ແລະອື່ນໆ ໃຫ້ເປັນອັນລະ ອຽດ, ເຂັ້ມງວດ ແລະ ເກີດດອກອອກ ຜົນຕາມເນື້ອໃນຈິດໃຈ ແລະຄາດໝາຍ ທີ່ວາງໄວ້. ໃນຕອນທ້າຍ, ທ່ານຮອງ ນາຍົກລັດຖະມົນຕີ ຍັງໄດ້ມອບເຄື່ອງນຸ່ງ ຫົ່ມ ເພື່ອນຳໄປແຈກຢາຍໃຫ້ປະຊາຊົນ ພ້ອມດ້ວຍເງິນສົດຈຳນວນ 30 ລ້ານກີບ ໃຫ້ເມືອງໄຊຈຳພອນ.

  ໃນມື້ດຽວກັນ, ທ່ານຮອງນາຍົກລັດ ຖະມົນຕີ ພ້ອມດ້ວຍຄະນະ ຍັງໄດ້ໄປຢ້ຽມ ຢາມເຮືອນ ແລະບ້ານເກີດຂອງທ່ານ ສີສົມພອນ ລໍວັນໄຊ ອະດີດການນຳຮຸ່ນ ທຳອິດຂອງພັກ ແລະລັດຖະບານເຮົາ ທີ່ບ້ານໂພນງາມ, ເມືອງໄຊຈຳພອນ. ນອກຈາກນັ້ນ, ກໍ່ຍັງໄດ້ເດີນທາງໄປ ຢ້ຽມຢາມ ໂຄງການຂຸດຄົ້ນບໍ່ຄຳຄຳເກີດ ແສນອຸດົມ ພ້ອມທັງຢ້ຽມຊົມໂຮງງານ ຂັດແຍກແຮ່ຄຳຂອງໂຄງການດັ່ງກ່າວ ຕື່ມອີກ.

ນສພ ເສດຖະກິດ-ສັງຄົມ

แชร์