ງານເຟີນີເຈີ ວຽງຈັນ ໂອກາດກະຕຸ້ນຍອດຂາຍດຽວນິ້ມີພຽງ 30 ເປີເຊັນສາມາດສົ່ງອອກສິນຄ້າຜະດິດໄດ້

    ð ວັນທີ 27 ກຸມພາຜ່ານມາ ສະມາ ຄົມເຟີນິເຈີລາວໄດ້ຖະແຫຼງຂ່າວກ່ຽວກັບງານວາງສະແດງສິນຄ້າເຟີນິເຈີວຽງ ຈັນຄັ້ງທີ 4 ປະຈຳປີ 2019 ໂດຍເຂົ້າ ຮ່ວມຂອງທ່ານ ໄຊສົມເພັດ ນໍຣະສິງ ຫົວ ໜ້າກົມສົ່ງເສີມການຄ້າກະຊວງອຸດສາ ຫະກຳ ແລະການຄ້າ, ທ່ານ ນາງ ຈັນທະ ຈອນ ວົງໄຊ ຮອງປະທານສະພາການ ແລະອຸດສາຫະກຳແຫ່ງຊາດ, ທ່ານ ກອງ ມາລາ ພົມມາໄລ ຮອງປະທານສະມາຄົມເຟີນິເຈີ ພ້ອມດ້ວຍບັນດາຫົວໜ່ວຍ ທຸລະກິດ ແລະສື່ມວນຊົນເຂົ້າຮ່ວມ.

ທ່ານ ກອງມາລາ ພົມມາໄລ ກ່າວວ່າ: ເພື່ອປະຕິບັດຕາມທິດທາງນະໂຍບາຍໃນການສົ່ງເສີມການຜະລິດ

   ເຄື່ອງເຟີນິເຈີໄມ້ລາວທັງເປັນການໂຄສະ ນາເຜີຍແຜ່ໃຫ້ສັງຄົມຮັບຮູ້ຜະລິດຕະພັນ ເຟີນິເຈີໄມ້ລາວຫຼາຍຂຶ້ນໃຫ້ຜູ້ຜະລິດສາ ມາດເຂົ້າຫາຕະຫຼາດ ແລະຈຳໜ່າຍສິນຄ້າ ໄດ້ທັງພາຍໃນ ແລະຕ່າງປະເທດກ້າວສູ່ ການສ້າງຕາໜ່າງການວາງສະແດງຂາຍ ສິນຄ້າເຟີນິເຈີກັບພາກພື້ນ ແລະສາກົນ ໃນອະນາຄົດ, ສະມາຄົມເຟີນິເຈີລາວຈຶ່ງ ຈະໄດ້ຈັດງານວາງສະແດງເຟີນິເຈີວຽງ ຈັນຄັ້ງທີ 4 ປະຈຳປີ 2019 ຂຶ້ນໃນລະ ຫວ່າງວັນທີ 23-31 ມີນາ 2019ທີ່ສູນ ການຄ້າລາວ-ໄອເຕັກ.

    ຈຸດປະສົງເພື່ອຜັນຂະຫຍາຍຕາມ ເນື້ອໃນຂອງແຈ້ງການເລກທີ 15/ນຍ ໃຫ້ປາກົດຜົນເປັນຈິງ, ເພື່ອເປັນການຕ້ອນ ຮັບປີທ່ອງທ່ຽວລາວ-ຈີນ 2019, ການ ອະນຸລັກຮັກສາປ່າໄມ້, ນຳໃຊ້ໃຫ້ເກີດຜະ ໂຫຍດສູງສຸດ ແລະມີໄມ້ໄວ້ໃຊ້ຢ່າງຢືນ ຍົງໂດຍການປຸງແຕ່ງໃຫ້ເປັນຜະລິດຕະ ພັນສຳເລັດຮູບຈາກໄມ້, ຫວາຍ ແລະໄມ້ປ່ອງໃຫ້ມີຫຼາກຫຼາຍຜະລິດຕະພັນຕາມທີ່ສັງຄົມປະຈຸບັນຕ້ອງການ ແລະເປັນທີ່ນິ ຍົມກັນຢູ່, ສ້າງວຽກເຮັດງານທຳໃຫ້ກັບປະຊາຊົນບັນດາເຜົ່າ, ຕ້ານໄພວ່າງງານແລະຊ່ວຍໃຫ້ຫຼຸດພົ້ນຈາກຄວາມທຸກຍາກ, ເພື່ອສົ່ງເສີມ ແລະສ້າງຄວາມເຂັ້ມແຂງ ໃຫ້ກັບສີໄມ້ລາຍມືຂອງຄົນລາວເຮົາ ແລະ ຫົວໜ່ວຍທຸລະກິດເຟີນິເຈີໄມ້ລາວໃຫ້ຂະ ຫຍາຍຕົວສາມາດເຂົ້າສູ່ຕະຫຼາດພາກພື້ນ ແລະສາກົນໄດ້ໃນອະນາຄົດ.

ງານວາງສະແດງສິນຄ້າເຟີນິເຈີວຽງ ຈັນ ມີທັງໝົດ 191 ຫ້ອງໃນນີ້ມີ 20 ຫ້ອງ ສຳລັບຫົວໜ່ວຍທຸລະກິດໂອດັອບປະຈຸບັນຍອດຈັບຈອງຫ້ອງຂາຍໄດ້ແລ້ວ 80% ໂດຍຫົວໜ່ວຍທຸລະກິດທີ່ຈະເຂົ້າຮ່ວມທັງໝົດມີ 60 ຫົວໜ່ວຍ, ມາຈາກຕ່າງແຂວງ 10 ຫົວໜ່ວຍຊຶ່ງຄາດການຈໍລະຈອນຊື້-ຂາຍສິນຄ້າພາຍໃນງານປະມານ 10 ຕື້ກີບ.

ໃນໂອກາດດຽວກັນທ່ານ ກອງມາ ລາ ພົມມາໄລ ຍັງໄດ້ມີຄຳເຫັນກ່ຽວກັບ ການຈັດງຕັ້ງປະຕິບັດຄຳສັ່ງ 15/ນຍ ຜ່ານມາເຫັນວ່າມີຜົນດີຫຼາຍດ້ານເຮັດ ໃຫ້ປ່າໄມ້ມີການປົກຫຸ້ມເພີ່ມຂຶ້ນ, ໄດ້ມີ ການປູກໄມ້ທົດແທນເພີ່ມຂຶ້ນການສົ່ງ ອອກໄມ້ທ່ອນຢຸດຕິລົງ ແຕ່ກໍ່ຂໍສະເໜີພາກ ສ່ວນລັດໃຫ້ເບິ່ງຕື່ມເລື່ອງການກຳນົດຂະໜາດຂອງຜະລິດຕະພັນທີ່ຜະລິດຈາກໄມ້ສົ່ງອອກປະຈຸບັນເຫັນວ່າ ມີຂະໜາດນ້ອຍ ເກີນກວ່າຄວາມຕ້ອງການຂອງລູກຄ້າສັ່ງ ຊື້ອັນໄດ້ສົ່ງຜົນກະທົບໂດຍລວມໃຫ້ແກ່ ພາກທຸລະກິດກໍຄືລາຍຮັບເຂົ້າສູ່ປະເທດໂດຍ ສິນຄ້າທີ່ຜະລິດຈາກໄມ້ໄດ້ໃນປະຈຸ ບັນມີພຽງ 30% ທີ່ສາມາດສົ່ງອອກໄດ້ ສ່ວນຈຳໜ່າຍພາຍໃນເຫັນວ່າເປັນຕະຫຼາດທີ່ນ້ອຍກຳລັງຊື້ບໍ່ຫຼາຍ ຊຶ່ງສິ່ງດັ່ງກ່າວເຮັດຫົວໜ່ວຍທຸລະກິດມີຄວາມຫຍຸ້ງຍາກແລະປະເຊີນບັນຫາທ້າທາຍຫຼາຍປະ ການ.

ນສພ ເສດຖະກິດ-ສັງຄົມ

แชร์