ໂນ​້ເກ​ຍກຳລັງ​ຈະ​ເປີດ​ໂຕ Nokia Purebook ແລ​ບທອບລຸ້ນ​ໃໝ່​ໄວໆ​ນີ້

ຕອນ​ນີ້ Nokia ນອກຈາກ​ຈະ​ເປັນ​ແບຣນສະມາດ​ໂຟນ​ແລ້ວ ​ແລະ​ຍັງ​ມີ​ສະມາດ​ທີ​ວີ​ຂອງ Nokia ວາງ​ຈຳໜ່າຍ​ຢູ່​ດ້ວຍຈຶ່ງ​ບໍ່​ໜ້າ​ແປກ​ໃຈ​ທີ່​ມີ​ລາຍ​ງານ​ວ່າທາງ Nokia ກຳລັງ​ຈະ​ເປີດ​ໂຕ​ແລບທອບ​ລຸ້ນ​ໃໝ່​ໃນ​ໄວໆ​ນີ້​ທີ່​ປະ​ເທດ​ອິນ​ເດຍ.

    ຂໍ້​ມູນ​ກ່ຽວ​ກັບ​ແລ​ບທອບລຸ້ນ​ໃໝ່​ຂອງ Nokia ຍັງ​ບໍ່​ມີ​ຫຼາຍ​ແຕ່​ຮ້ານ​ຄ້າ​ຍ່ອຍ​ລາຍ​ໃຫຍ່ Flipkart ປ່ອຍ​ຮູບ​ພາບ​ທີ​ເຊີ​ອອກ​ມາ​ຢືນຢັນ​ແລ້ວລະບຸ​ຊື່​ແລບທອບວ່າ PureBook ສອດຄ່ອງ​ກັບ​ແບຣນກ້ອງ PureView ຂອງ Nokia ​ແລະມີ​ຂໍ້ຄວາມ​ໂຄສະນາ​ວ່າຈະ​ມີນໍ້າໜັກ​ເບົາ​ເປັນ​ພິ​ເສດ ​ແລະ​ມີ​ປະສິດທິພາບສູງ​ດ້ວຍ.

  ທັງ​ນີ້ Nokia ​ເຄີຍ​ຜະລິດ​ແລບທອບອອກ​ມາ​ແລ້ວ​ໃນ​ປີ 2009 ​ເອີ້ນ​ວ່າ Nokia Booklet 3G ​ແລະ​ເຄີຍ​ມີ​ແທບເລັດ​ແບບ 2-in-1 ທີ່​ມາ​ພ້ອມ​ແຜງ​ຄີບ​ອດ​ໃຫ້​ປະສົບ​ການ​ຄ້າຍຄື Surface ​ເອີ້ນ​ວ່າ Nokia Lumia 2520 ​ແຕ່​ໜ້າ​ເສຍດາຍ​ທີ່ Flipkart ຍັງ​ບໍ່​ເປີດ​ເຜີຍ​ກຳນົດ​ການ​ເປີດ​ໂຕ​ຢ່າງ​ເປັນ​ທາງ​ການ.​

แชร์