ກູເກີລລຶບ ແອັບກ້ອງເຊລຟີທີ່ຝັງມັລແວຣອອກຈາກສະໂຕຣ

  Google ໄດ້ລຶບແອັບກ້ອງທີ່ມີລາຍງານຈາກບໍລິສັດຄວາມປອດໄພ Trend Micro ພົບວ່າມັລແວຣຝັງໃນແອັບກ້ອງເຊລຟີໜ້າໃສ ແລະຟິລເຕີແຕ່ງພາບຈຳນວນ 29 ແອັບ ໃນ Google Play Store ຊຶ່ງແອັບເຫຼົ່ານີ້ໄດ້ຮັບຄວາມນິຍົມຫຼາຍໃນແຖບອາຊີ.

  ທັງນີ້ແອັບດັ່ງກ່າວເປັນປະເພດຂອງແອັບກ້ອງ ຫຼື ແຕ່ງພາບໂດຍ 3 ແອັບທີ່ໄດ້ຮັບການດາວໂຫຼດຫຼາຍກວ່າ 1 ລ້ານຄັ້ງຄື: Pro camera Beauty –Cartoon Art Photo–Emoji Camera ແລະຍັງມີແອັບອື່ນໆທີ່ມີຍອດດາວໂຫຼດຫຼາຍກວ່າ 100.000 ຄັ້ງເຊັ່ນ: Artistic effect Filter Se lfiie Camera Pro-Horizon Beauty Camera ແອັບດັ່ງກ່າວຈະສະແດງໂຄສະນາເຕັມໜ້າຈໍເມື່ອຜູ້ໃຊ້ປົດລ໊ອກໜ້າຈໍສະມາດໂຟນຂອງຕົນໂດຍໜຶ່ງໃນໂຄສະນັ້ນເມື່ອກົດແລ້ວຈະດາວໂຫຼດຕົວຫຼິ້ນວິດີໂອລາມົກອອນລາຍທີ່ຈະບໍ່ທຳງານແຕ່ຢ່າງໃດແມ່ນວ່າຜູ້ໃຊ້ຈະຈ່າຍຄ່າບໍລິການໃຫ້ກໍຕາມຍິ່ງກວ່ານັ້ນແອັບດັ່ງກ່າວຈະເຂົ້າເຖິງຂໍ້ມູນສ່ວນຕົວຂອງຜູ້ໃຊ້ໂດຍວິທີໜຶ່ງທີ່ໃຊ້ຄືການໃຫ້ຜູ້ໃຊ້ຊະນະລາງວັນຢ່າງໃດຢ່າງໜຶ່ງຊຶ່ງຈຳເປັນຕ້ອງໃສ່ຂໍ້ມູນສ່ວນບຸກຄົນຂອງຜູ້ໃຊ້ລົງ ໄປນອກຈາກນີ້ບາງແອັບຍັງເກັບພາບທີ່ອັບໂຫຼດໄປຍັງເຊເວີຂອງນັກພັດທະນາເພື່ອໃຊ້ໃນການຕົບແຕ່ງພາບແຕ່ແທນທີ່ຜູ້ໃຊ້ຈະໄດ້ພາບທີ່ຕົບແຕ່ງສຳເລັດແລ້ວກັບໄປກັບປາກົດຂໍ້ຄວາມອັບເດດ 9 ພາສາຂຶ້ນມາແທນຍິ່ງໄປກວ່ານັ້ນ ບາງແອັບໄດ້ເຊື່ອງໄອຄອນແອັບຊຶ່ງເຮັດໃຫ້ລຶບອອກໄປໄດ້ຍາກຍິ່ງຂຶ້ນເຖິງແມ່ນວ່າ Google ຈະໄດ້ ລຶບແອັບດັ່ງກ່າວອອກຈາກ Goog le Play Store ແລ້ວແຕ່ກໍບໍ່ແມ່ນວ່າຈະບໍ່ມີແອັບອື່ນນອກເໜືອຈາກນີ້ທີ່ມີການຝັງມັລແວຣເອົາໄວ້.

ດັ່ງນັ້ນການປ້ອງກັນບໍ່ໃຫ້ເກີດຄວາມເສຍຫາຍແກ່ຜູ້ໃຊ້ໃນການດາວໂຫຼດແອັບຕ່າງໆຕໍ່ໄປຂໍແນະນຳໃຫ້ຜູ້ໃຊ້ກວດເບິ່ງຄອມເມນຕ່າງໆຜູ້ໃຊ້ລາຍອື່ນເສຍກ່ອນທີ່ຈະດຳເນີນການດາວໂຫຼດຕໍ່ໄປ.

ຂ່າງ: ນສພ ເສດຖະກິດ-ສັງຄົມ

แชร์