ເພີ່ມສະປີດຄອມພິວເຕີເກົ່າໃຫ້ກັບມາແຮງຂຶ້ນ

  ຄອມພິວເຕີ ຫຼື Notebook ເປັນອີກອຸປະກອນທີ່ຫຼາຍຄົນມັກຈະເລືອກໃຊ້ດ້ວຍຄວາມຈຳເປັນໃນຫຼາຍເລື່ອງ ແລະຍັງມີປະໂຫຍດສູງແນ່ນອນວ່າສຳລັບຜູ້ທີ່ບໍ່ມີງົບປະມານປ່ຽນຄອມພິວເຕີເລື້ອຍໆຄົງຕ້ອງຄິດຢູ່ແລ້ວວ່າຈະເຮັດແນວໃດໃຫ້ເຄື່ອງກັບມາໄວຂຶ້ນອີກ.

  ທີມ Sanook! Hitech ມີຄຳແນະນຳໃນການຈັດການຄອມພິວເຕີ ແລະການອັປເກຣດຄອມພິວເຕີໃໝ່ຂອງທ່ານດັ່ງນີ້: ໃຊ້ disk Cleanup: ຄອມພິວເຕີເປັນອີກໜຶ່ງໃນອຸປະກອນທີ່ຕ້ອງເກັບຄ່າຕ່າງໆລວມທັງ Cache Memory ການລົບສ່ວນນີ້ທ່ານສາມາດເຂົ້າໄປເລືອກທີ່ Computer> ເລືອກທີ່ Drive C> ເລືອກໄປທີ່ Proper ties>Disk Cleanup, ໝັ່ນລົບຂໍ້ມູນຈາກ Recycle Bin: Recycle Bin ເປັນອີກເຄື່ອງມືໜຶ່ງທີ່ຊ່ວຍເກັບຂໍ້ ມູນຫາກລົບຂໍ້ມູນຜິດແຕ່ບາງຄັ້ງກໍຈະກິນພື້ນທີ່ຫຼາຍໄປ ແລະອາດຈະເຮັດໃຫ້ເຄື່ອງໜ່ວງໄດ້ກໍຄວນຈະລົບອອກພຽງຄລິກຂວາແລ້ວເລືອກ Empty Rec  ycle Bin,  ລົບໂປຣແກຣມບາງຕົວທີ່ບໍ່ໄດ້ໃຊ້: ໂປຣແກຣມຂອງເຄື່ອງຄອມພິວເຕີຂອງທ່ານມີຢ່າງຫຼວງຫຼາຍແຕ່ບາງຕົວຖ້າບໍ່ໄດ້ໃຊ້ກໍຄວນລົບອອກເພາະບາງໂປຣແກຣມອາດຈະມີການທຳງານເອງເມື່ອມີການເປີດຄອມພິວເຕີໃໝ່ ແລະ ເຮັດໃຫ້ເຄື່ອງໜ່ວງໄດ້ເພີ່ມ RAM ໃນຕົວຄອມພິວເຕີ: ສຳລັບຄົນທີ່ແກ້ໄຂບັນຫາພາຍໃນເຄື່ອງແລ້ວແຕ່ຍັງບໍ່ທັນໃຈນອກຈາກການປ່ຽນ CPU ຖ້າເປັນ Desktop ຈະປ່ຽນງ່າຍແຕ່ຖ້ເປັນ Notebook ຈະຕ້ອງເພີ່ມ RAM ຖ້າເປັນໄປໄດ້ຄວນຫາ RAM ໃຫ້ຕົງກັບສະເປັກເຄື່ອງເດີມວິທີການເບິ່ງງ່າຍໆໃຫ້ຮ້ານ ຫຼື ທ່ານເອງແກະແຜງ RAM ອອກມາເບິ່ງສະເປັກເພື່ອຄົ້ນຫາ RAM ປະເພດທີ່ໃກ້ຄຽງກັນແຕ່ຖ້າບໍ່ໄດ້ແລ້ວກໍເລືອກອັນທີ່ໄວຂຶ້ນໄປອີກ 1 Step, ປ່ຽນມາໃຊ້ SSD ແທນ Hard Disk: ການອັບເກຣດຕົວເຄື່ອງຊິ້ນທີ 2 ຄືການປ່ຽນຈາກ Hard Disk ເປັນ SSD ທີ່ຈະມີອັດຕາການຂຽນແລະອ່ານໄວຂື້ນກວ່າເກົ່າຫຼາຍ ແລະເຮັດໃຫ້ເຄື່ອງທົນທາງຂຶ້ນດ້ວຍເພາະ SSD ບໍ່ມີຫົວອ່ານກໍເພີ່ມຄວາມເຂັ້ມແຂງໄປໄດ້ອີກດ້ວຍແຕ່ຈະແພງ ຫຼື ຈະຖືກຂຶ້ນຢູ່ກັບຄວາມຈຳແບບ SSD.

  ເຖິງແມ່ນວ່າບາງວິທີຈະເໝືອນກັບການຈັດການກັບມືຖືທີ່ໃຊ້ໄປແດ່ກໍຕາມແຕ່ສຳລັບຄອມພິວເຕີຖ້າເຮັດເປັນປະຈຳໃນບາງເລື່ອງກໍຈະເຮັດໃຫ້ເຄື່ອງໄວຂຶ້ນໄດ້ແຕ່ສ່ວນໜຶ່ງຕ້ອງອັບເກຣດໃຫ້ສະເປັກນັ້ນບໍ່ໄດ້ຢູ່ໃນຂັ້ນຕໍ່າຂອງລະບົບປະຕິບັດການເພື່ອການໃຊ້ງານທີ່ສະດວກ ແລະວ່ອງໄວດີ.

ຂ່າວ: ນສພ ເສດຖະກິດ-ສັງຄົມ

แชร์