ຊີເອັນພີ ຮ່ວມສ້າງຕູ້ໃສ່ພະຄໍ້າຄູນຫໍພະແກ້ວ

 ທ້າຍອາທິດຜ່ານມາທີ່ພິພິທະພັນຫໍພະແກ້ວມໍລະກົດນະຄອນຫຼວງວຽງຈັນບໍລິສັດ ຊີເອັນພີ ສຳຫຼວດ-ຂຸດຄົ້ນບໍ່ແຮ່ຂາເຂົ້າ-ຂາອອກຮ່ວມສ້າງຕູ້ໃສ່ພະຄໍ້າຄູນບ້ານເມືອງຢູ່ຫໍພະແກ້ວໂດຍເປັນກຽດເຂົ້າຮ່ວມຂອງປະທານສົງສູນກາງອົງການພຸດທະສາສະໜາຂອງພະຫຼັກແກ້ວມະຫາວໍຣະຍານາທິບໍດີ (ມະຫາເວດ ມະເສໄນ) ຮອງປະທານສູນກາງອົງການພຸດທະສາສະໜາສັມພັນແຫ່ງ ສປປ ລາວ ພ້ອມດ້ວຍພະອາຈານ ປທ. ພູຄຳ ແກ້ວປະທຸມ ຮອງຫົວໜ້າຫ້ອງການບໍລິຫານງານສູນກາງ ອພສ ມອບໂດຍທ່ານ ນາງ ເພັນນະພາ ວົງສະໝໍນະພູມ ຜູ້ອຳນວຍການບໍລິສັດຊີເອັນພີໂດຍເປັນກຽດເຂົ້າຮ່ວມມີທ່ານ ສີນລະວົງ ຄຸດໄພທູນ ເຈົ້າຄອງນະຄອນຫຼວງວຽງຈັນ.

 ໃນໂອກາດດັ່ງກ່າວທ່ານ ນາງ ເພັນນະພາ ວົງສະໝໍລະພູມ ໃຫ້ສຳພາດວ່າ: ຕ່າງໜ້າທາງບໍລິສັດຊີເອັນພີສຳຫຼວດ ແລະຂຸດຄົ້ນບໍ່ແຮ່ຖືມີຄວາມຮູ້ສຶກດີໃຈພູມໃຈທີ່ຮ່ວມສ້າງສົມທົບທຶນສ້າງອາຄານສຳນັກງານປະທານສົງສູນກາງອົງການພຸດທະສາສະໜາ.

 ບໍລິສັດ ຊີເອັນພີ ສຳຫຼວດ-ຂຸດຄົ້ນບໍ່ແຮ່ຂາເຂົ້າ-ຂາອອກ ຈຳກັດສ້າງຕັ້ງໃນປີ 2004 ຈຶ່ງໄດ້ດຳເນີນການຊອກຂຸດຄົ້ນບໍ່ເຫຼັກຢູ່ເມືອງຫຼາ ແຂວງອຸດົມໄຊ, ບໍ່ທອງ ແລະບໍ່ຊືນສັງກະສີ, ຊຶ່ງເປັນທຸລະກິດໜຶ່ງທີ່ກ້າວມາຈາກການດຳເນີນຂຸດຄົ້ນບໍ່ແຮ່ ແລະ ໄດ້ເຊັນສັນຍາກັບລັດຖະບານເພື່ອຊອກຄົ້ນສຳຫຼວດບໍ່ແຮ່ເຫຼັກ, ຊືນ ແລະ ສັງກະສີ, ພ້ອມທັງໄດ້ລົງສ້າງຕັ້ງໂຮງງານຂຸດຄົ້ນແຮ່ໃນປີ 2011 ແລະມາໃນປີ 2013-2014 ໄດ້ເລີ່ມຂຸດຄົ້ນແຮ່ເຫຼັກສົ່ງອອກຈຳນວນ 5 ແສນໂຕນ, ໂດຍແຮ່ທັງໝົດແມ່ນໄດ້ຜ່ານການປຸງແຕ່ງສຳເລັດເພື່ອສົ່ງອອກໄປສາທາລະນະລັດປະຊາຊົນຈີນ.

  ບໍລິສັດຖືວ່າຢູ່ລະດັບແຖວໜ້າຂອງລາວທີ່ມີປະສົບການ 20 ກວ່າປີ ແລະຮັບຄວາມເຊື່ອໝັ້ນລູກຄ້າຊຶ່ງປີນີ້ທາງບໍລິສັດໄດ້ຮັບໂກຕ້າຈາກລັດຖະບານໃຫ້ສົ່ງແຮ່ອອກສູ່ຕະ ຫຼາດຈີນຈຳນວນ2 ແສນໂຕນ ແລະສະເພາະເດືອນກໍລະກົດຜ່ານມາສົ່ງໄປແລ້ວ 5 ໝື່ນໂຕນ.

แชร์