ມອບ-ຮັບ ອາຄານຮຽນໂຮງຮຽນອະນຸບານບ້ານດອນເງິນ

  ພິທີມອບ-ຮັບ ໂຮງຮຽນອະນຸບານ ບ້ານດອນເງີນ ເມືອງໄຊຍະບູລີ, ແຂວງໄຊຍະບູລີ ເມື່ອວັນທີ 22 ກຸມພາ ຜ່ານມາ ທີ່ເດີ່ນໂຮງຮຽນດັ່ງກ່າວໂດຍການເປັນກຽດເຂົ້າຮ່ວມຂອງທ່ານ ນາງ ບຸນພັກ ອິນທະປັນຍາ ຮອງເຈົ້າແຂວງໄຊຍະບູລີ, ຜູ້ຊີ້ນຳວຽກງານຂົງເຂດວັດທະນາທຳສັງຄົມ, ທ່ານ ຕາເກສິ ຮີກິຮາລາເອກອັກຄະລາຊະທູດຍີ່ປຸ່ນປະຈຳລາວ, ພ້ອມດ້ວຍທິມງານ, ມີບັນດາຄະນະປະຈຳພັກເມືອງ, ກຳມະການພັກເມືອງ, ຫົວໜ້າຫ້ອງການ, ກົມກອງ, ອໍານາດການປົກຄອງບ້ານ, ຕະຫຼອດຮອດຄູ-ອາຈານ ແລະນ້ອງນັກຮຽນເຂົ້າຮ່ວມຢ່າງພ້ອມພຽງ.

  ໃນພິທີໄດ້ຮັບຟັງລາຍງານການກໍ່ສ້າງອາຄານຮຽນໂຮງຮຽນອະນຸບານບ້ານດອນເງິນ ເມືອງໄຊຍະບູລີ ຊຶ່ງນຳໃຊ້ທຶນທັງໝົດ 67.267 ໂດລາ ໂດຍໄດ້ຮັບທຶນການຊ່ວຍເຫຼືອດ້ານງົບປະມານຈາກລັດຖະບານ  ແລະປະຊາຊົນຍີ່ປຸ່ນເພື່ອການພັດທະນາພື້ນຖານໂຄງລ່າງວຽກງານການສຶກສາຢູ່ເມືອງດັ່ງກ່າວໃຫ້ມີຄວາມສະດວກສະບາຍຂຶ້ນເທື່ອລະກ້າວ. ສຳລັບໂຄງການກໍ່ສ້າງໂຮງຮຽນດັ່ງກ່າວແມ່ນໄດ້ເລີ່ມ ລົງມືກໍ່ສ້າງແຕ່ວັນທີ 30 ມິຖຸນາຫາ 7 ສິງຫາ 2018 ອາຄານໂຮງ ຮຽນອະນຸບານບ້ານດອນເງິນຫຼັງນີ້ເປັນອາຄານຊັ້ນດຽວ, ມີໂຄງສ້າງເບຕົງເສີມເຫຼັກ, ຝາກໍ່ດ້ວຍດິນຈີ່ພ້ອມໂບກ, ໂຄງຫຼັງຄາເຫຼັກ, ມຸງດ້ວຍກະເບື້ອງ, ປະ ກອບມີ 4 ຫ້ອງຮຽນແຕ່ລະຫ້ອງມີຂະໜາດ 32X9 ແມັດ ພ້ອມອຸປະກອນເຄື່ອງ ໃຊ້ທີ່ຈຳເປັນເຊັ່ນ: ກະດານດຳ, ໂຕະ, ຕັ່ງຂອງຄູ 1 ຊຸດ, ມີໂຕະ ແລະຕັ່ງນັ່ງຂອງນັກຮຽນ, ຫ້ອງນໍ້າ 3 ຫ້ອງ ແລະຕິດຕັ້ງໄຟຟ້າ ແສງສະຫວ່າງ-ພັດລົມຄົບຊຸດຊຶ່ງ ແມ່ນບໍລິສັດນວນລະແສງກໍ່ສ້າງຈຳກັດຜູ້ດຽວຈາກແຂວງໄຊຍະບູລີ ເປັນຜູ້ຮັບເໜົາກໍ່ສ້າງມາຮອດປະຈຸບັນແມ່ນໄດ້ກໍ່ສ້າງອາຄານຮຽນໂຮງຮຽນອະນຸບານບ້ານດອນເມືອງໄຊຍະບູລີ ແຂວງໄຊຍະບູລີ ແມ່ນ ສຳເລັດ.

  ທ່ານ ນາງບຸນພັກ ອິນທະປັນຍາ ຮອງເຈົ້າແຂວງໄຊຍະບູລີ, ຜູ້ຊີ້ນຳວຽກງານຂົງເຂດວັດທະນາທຳສັງຄົມກໍ່ໄດ້ກ່າວສະແດງຄວາມຂອບອົກຂອບໃຈ, ຄວາມຮູ້ບຸນຄຸນຕໍ່ລັດຖະບານ ແລະປະຊາຊົນຍີ່ປຸ່ນທີ່ເຫັນຄວາມສຳຄັນໃນການພັດທະນາວຽກງານການສຶກສາໂດຍສະເພາະກໍ່ຄືແຂວງໄຊຍະບູລີ ແລະໃຫ້ຄຳໝັ້ນສັນຍາວ່າຈະນຳໃຊ້ອາຄານຮຽນດັ່ງກ່າວເພື່ອຮັບໃຊ້ໃຫ້ແກ່ການຮຽນ-ການສອນໃຫ້ເກີດປະໂຫຍດສູງສຸດໃຫ້ສົມກັບຄວາມມຸ້ງມາດປະຖະໜາຂອງລັດຖະບານ ແລະປະຊາຊົນຍີ່ປຸ່ນ ທີ່ໃຫ້ການຊ່ວຍເຫຼືອຄັ້ງນີ້ຫວັງຢ່າງຍິ່ງວ່າຈະໄດ້ຮັບການຊ່ວຍເຫຼືອຕື່ມອີກພິທີຍັງໄດ້ມອບໃບກຽດຕິຄຸນຈາກທ່ານເຈົ້າແຂວງ ແລະຂອງຂວັນຈາກເຈົ້າເມືອງ, ຈາກຜູ້ອຳນວຍການໂຮງຮຽນມອບໃຫ້ທ່ານ ຕາເກສິ ຮີກິຮາລາ ເອກອັກຄະລາຊະທູດຍີ່ປຸ່ນປະຈຳລາວ.

ໂດຍ: ນາລີີ

แชร์