JDB ທະນາຄານເອກະຊົນລາວ ມອບເງິນ 800 ລ້ານກີບ ຊຸກຍູ້ກອງປະຊຸມໃຫຍ່ຄັ້ງທີ XI ຂອງພັກ

  ທະນາຄານຮ່ວມພັດທະນາ ຫຼື JDB ໄດ້ມອບເງິນປະກອບສ່ວນຊຸກຍູ້ກອງປະຊຸມໃຫຍ່ຜູ້ແທນທົ່ວປະເທດ ຄັ້ງທີ XI ຂອງພັກປະຊາຊົນປະຕິວັດລາວທີ່ຈະເປີດຂຶ້ນໃນລະຫວ່າງວັນທີ 13-15 ມັງກອນ 2021.

 ພິທີມອບ-ຮັບເງິນດັ່ງກ່າວໄດ້ຈັດຂຶ້ນ ໃນວັນທີ 7 ມັງກອນນີ້ທີ່ຫໍປະຊຸມແຫ່ງຊາດຕາງໜ້າໃຫ້ພັກ ແລະລັດຖະບານກ່າວຮັບໂດຍທ່ານ ສົມດີ ດວງດີ ຮອງນາຍົກລັດຖະ ມົນຕີລັດຖະມົນຕີກະຊວງການເງິນ,ກ່າວມອບໂດຍທ່ານ ເອກະພັນ ພະພິທັກ ປະທານສະພາບໍລິຫານທະນາຄານຮ່ວມພັດທະນາ ຫຼືJDB ໄດ້ມອບເງິນຈໍານວນ 800 ລ້ານກີບ ເພື່ອກະກຽມກອງປະຊຸມໃຫຍ່ຄັ້ງທີ XI ຂອງພັກປະຊາຊົນ ປະຕິວັດລາວ.

  ທ່ານ ສົມດີ ດວງດີ ໄດ້ສະແດງຄວາມຂອບໃຈ ແລະຊົມເຊີຍມາຍັງທ່ານປະທານທະນາຄານຮ່ວມພັດທະນາທີ່ໄດ້ມີສ່ວນຮ່ວມມີຄວາມຕື່ນຕົວສູງປະກອບສ່ວນຊຸກຍູ້ກອງປະຊຸມໃຫຍ່ ຂອງພັກຕະຫຼອດມາຍາມໃດກໍ່ໄດ້ເຮັດພາລະກິດເພື່ອປະເທດຊາດ  ແລະສັງຄົມໄດ້ຊຸກຍູ້ກອງປະຊຸມໃຫຍ່ຜູ້ແທນທົ່ວປະເທດ ຄັ້ງທີ່ XI ຂອງພັກປະຊາຊົນປະຕິວັດລາວໃນຄັ້ງນີ້, ຈາກນັ້ນທ່ານ ເອກະພັນ ພະພິທັກ ກໍ່ໄດ້ສະແດງຂອບໃຈ ແລະສະແດງຄວາມຍິນດີທີ່ໄດ້ສ້າງຜົນງານປະກອບສ່ວນຊຸກຍູ້ກອງປະຊຸມໃຫຍ່ຜູ້ແທນທົ່ວປະເທດ ຄັ້ງທີ XI ຂອງພັກປະຊາຊົນປະຕິວັດລາວໃຫ້ປາກົດຜົນເປັນຈິງ.

--------------

ຂ່າວ: ຄໍາຕົ້ນ ວໍລະຈັກ

ຮູບພາບ: ໜັງສືພິມເສດຖະກິດ-ສັງຄົ

แชร์