ຜູ້ປະສົບໄພແຂວງອັດຕະປື ສືບຕໍ່ຮັບເຄື່ອງຊ່ວຍເຫຼືອ

  ເພື່ອເປັນການສືບຕໍ່ຊ່ວຍເຫຼືອອຸທົບກະໄພ ແລະຫຼັງຟື້ນຟູໄພພິບັດນ້ຳຖ້ວມຢູ່ແຂວງອັດຕະປືຍ້ອນສັນເຂື່ອນໄຟຟ້າເຊປຽນ-ເຊ ນ້ຳນ້ອຍແຕກ, ເພື່ອປະຕິ ບັດຕາມແຈ້ງການຂອງຫ້ອງວ່າການສຳນັກງານນາຍົກລັດຖະມົນຕີສະບັບ 276 ຫສນຍ, ລົງວັນທີ 18.2.2019 ແລະອີງຕາມການຊີ້ນຳຂອງກະຊວງແຮ ງງານ ແລະ ສະຫວັດດີການສັງຄົມ (ຮສສ) ໃນການມອບ-ຮັບພາຫະນະ ແລະ ອຸປະກອນໃຫ້ເມືອງສະໜາມໄຊ, ແຂວງອັດຕະປື.

  ໃນວັນທີ 22 ກຸມພາ 2019 ນີ້, ທີ່ຫ້ອງການເມືອງສະໜາມໄຊ, ແຂວງອັດຕະປື, ໄດ້ມີພິທີມອບ-ຮັບ ພາຫະນະລົດໃຫຍ່ຈຳນວນ 2 ຄັນ, ລົດຈັກ 8 ຄັນ, ອຸປະກອນໂທລະໂຄ່ງ 5 ຊຸດ ແລະໂປເຈກເຕີຈຳນວນ 5 ຊຸດ, ລວມມູນຄ່າທັງໝົດ 1 ຕື້ກວ່າກີບ. ໃນພິທີກ່າວມອບໂດຍທ່ານ ວິໄລພົງ ສີສົມຫວັງ ວ່າການຫົວໜ້າກົມສັງຄົມສົງເຄາະ ແລະກ່າວຮັບ ໂດຍທ່ານ ບຸນໂຮມ ພົມມະສານ ເຈົ້າເມືອງສະໜາມ ໄຊ, ພ້ອມຄະນະ ແລະພາກສວ່ນ ກຽ່ວຂ້ອງເມືອງສະໜາມໄຊ ເຂົ້າ ຮ່ວມເປັນສັກຂີພິຍານໃນການ ມອບ-ຮັບ.

ຂ່າວ: ນສພ ເສດຖະກິດ-ສັງຄົມ

• 27/02/2019