ສ້າງຄວາມເຂັ້ມແຂງວຽກຊັບສິນທາງປັນຍາຢູ່ແຂວງໄຊຍະບູລີ

  ກົມຊັບສິນທາງປັນຍາ, ກະຊວງວິທະຍາສາດ ແລະເຕັກໂນໂລຊີຮ່ວມກັບພະແນກວິທະຍາສາດ ແລະເຕັກໂນໂລຊີແຂວງໄຊ ຍະບູລີ ຈັດກອງປະຊຸມເຜີຍແຜ່ວຽກ ງານຊັບສິນທາງປັນຍາ ແລະສ້າງຄວາມເຂັ້ມແຂງໃຫ້ແກ່ຂະແໜງ ການທ້ອງຖິ່ນ ແລະຜູ້ປະກອບການ ໃນວັນທີ 25 ກຸມພາ 2019, ທີ່ ແຂວງໄຊຍະບູລີ ໂດຍໃຫ້ກຽດເປັນ ປະທານຮ່ວມຂອງທ່ານ ຫຸມພັນ ອິນທະຣາດ ຮອງລັດຖະມົນຕີກະ ຊວງວິທະຍາສາດ ແລະເຕັກໂນ ໂລຊີ ແລະທ່ານ ເພັງນິລັນ ຄຳພັນ ເພັງ ຮອງເຈົ້າແຂວງໆໄຊຍະບູລີ.

  ຈຸດປະສົງຂອງກອງປະຊຸມດັ່ງ ກ່າວແມ່ນເພື່ອສ້າງຄວາມຮັບຮູ້ ແລະເຂົ້າໃຈເລິກເຊິ່ງຂຶ້ນຕື່ມອີກ ຂອງວຽກງານຊັບສິນທາງປັນຍາ ໃຫ້ແກ່ພະແນກການຂັ້ນທ້ອງຖິ່ນ, ຜູ້ປະກອບການ, ນັກທຸລະກິດ, ກຸ່ມ ຜູ້ຜະລິດ, ຊາວກະສິກອນໃຫ້ເຫັນ ໄດ້ຄວາມສໍາຄັນຂອງວຽກງານ ຊັບສິນທາງປັນຍາ ແລະນໍາໃຊ້ ວຽກງານດັ່ງກ່າວເຂົ້າສູ່ຂະບວນ ການຜະລິດເປັນສິນຄ້າໃຫ້ມີເຄື່ອງ ໝາຍການຄ້າ ແລະເຄື່ອງໝາຍ ລວມໝູ່ ເພື່ອປົກປ້ອງສິດຊັບສິນ ທາງປັນຍາຂອງຕົນພາຍໃຕ້ກົດ ໝາຍຊັບສິນທາງປັນຍາ. ທັງເປັນ ການຊຸກຍູ້ສົ່ງເສີມໃຫ້ແກ່ຜູ້ຜະລິດ ແລະຜູ້ປະກອບການ ພາຍໃນແຂວງ ສົ່ງເສີມສ້າງເສດຖະກິດພູມປັນຍາ, ປະດິດຄິດແຕ່ງ, ຊຸກຍູ້ສົ່ງເສີມຜະ ລິດສິນຄ້າທີ່ເປັນທ່າແຮງຂອງ ແຂວງ ໃຫ້ກາຍເປັນສິນຄ້າສິນຄ້າ ສົ່ງອອກ ແລະເພື່ອຮອງຮັບວຽກງານການຮັບປະກັນການຄໍ້າສະ ບຽງອາຫານແຫ່ງຊາດ.

  ຜູ້ເຂົ້າຮ່ວມກອງປະຊຸມຄັ້ງນີ້ໄດ້ຮັບຟັງການນຳສະເໜີເອກະສານຕ່າງໆເຊັ່ນ: ພາລະບົດບາດ, ສິດ ແລະໜ້າທີ່ຂອງກົມຊັບສິນ ທາງປັນຍາ, ການພັດທະນາວຽກ ງານຊັບສິນທາງປັນຍາ, ຄວາມຮູ້ ພື້ນຖານທາງດ້ານຊັບສິນທາງ ປັນຍາ, ການຮັບຮອງລະບຽບການນຳໃຊ້ເຄື່ອງໝາຍລວມໝູ່, ການສ້າງເຄື່ອງໝາຍການຄ້າ ແລະ ລະບຽບການນຳໃຊ້. ເຂົ້າຮ່ວມ ກອງປະຊຸມດັ່ງກ່າວມີ ທ່ານ ນາງ ຂັນລາສີ ແກ້ວບຸນພັນ, ຫົວໜ້າ ກົມຊັບສິນທາງປັນຍາ, ທ່ານ ສົມສະໜຸກ ໄຊຄຳມູນ ຫົວໜ້າ ພະແນກວິທະຍາສາດ ແລະເຕັກ ໂນໂລຊີແຂວງໄຊຍະບູລີ, ມີບັນ ດາຜູ້ຕາງໜ້າພະແນກການ, ຜູ້ປະ ກອບການ, ກຸ່ມການຜະລິດ ແລະ ພະນັກງານກ່ຽວຂ້ອງເຂົ້າຮ່ວມ.

ຂ່າວ: ບຸນທັນ ນັນທະວົງ

• 27/02/2019