ຫົວໜ້າຄະນະຈັດຕັ້ງສູນກາງພັກໂອ້ລົມພະນັກງານຫຼັກແຫຼ່ງເມືອງໜອງບົກ

   ວັນທີ 5 ມັງກອນ 2021 ທ່ານ ຈັນສີ ໂພສີຄຳ ກຳມະການກົມການ ເມືອງສູນກາງພັກ, ເລຂາທິການສູນກາງພັກ, ຫົວໜ້າຄະນະຈັດຕັ້ງສູນກາງພັກພ້ອມຄະນະນຳຈາກຂັ້ນສູນກາງ, ການນຳຂອງແຂວງຄຳມ່ວນ ໄດ້ລົງພົບປະໂອ້ລົມຕໍ່ພະນັກງານຫຼັກແຫຼ່ງຢູ່ເມືອງໜອງບົກຊຶ່ງມີບັນດາພະນັກງານການນຳຂອງເມືອງ,ບັນດາຫ້ອງ ການ, ຂະແໜງການອ້ອມຂ້າງຕະຫຼອດເຖິງອຳນາດການປົກຄອງບ້ານໃນເທສະບານເມືອງເຂົ້າຮ່ວມ.

   ທ່ານ ສົມໃຈ ພານີຈັນ ເຈົ້າເມືອງໜອງບົກ ໄດ້ລາຍງານສະພາບຈຸດພິເສດ ແລະການພັດທະນາເສດຖະກິດ-ສັງຄົມ ຂອງເມືອງ,ຊຶ່ງຄະນະພັກອຳນາດການປົກຄອງແຕ່ລະຂັ້ນແມ່ນໄດ້ສຸມເຫື່ອແຮງ ແລະສະຕິປັນຍາເຂົ້າໃນຂະບວນການຕ່າງໆເປັນຕົ້ນ: ຂົງເຂດວຽກງານປ້ອງກັນຊາດ-ປ້ອງກັນຄວາມສະຫງົບໂດຍລວມແມ່ນມີສະຖຽນລະພາບທາງດ້ານການເມືອງ,ສັງຄົມມີຄວາມສະຫງົບ,ເປັນລະບຽບຮຽບຮ້ອຍໂດຍພື້ນຖານ, ເອົາໃຈໃສ່ເສີມຂະຫຍາຍບັນດາທ່າແຮງຂອງເມືອງເພື່ອປະກອບສ່ວນເຮັດໃຫ້ເສດຖະກິດມີການຂະຫຍາຍຕົວ.

  ໃນ 1 ປີຜ່ານມາ ມີຫຼາຍຂົງເຂດວຽກງານທີ່ມີລັກສະນະພົ້ນເດັ່ນໂດຍສະເພາະການຜະລິດຂອງປະຊາຊົນມີການຂະຫຍາຍຕົວດີຂຶ້ນ, ການຈັດເກັບລາຍຮັບປະຕິບັດໄດ້ເກີນຄາດໝາຍ ຫຼືເທົ່າກັບ 134% ຂອງແຜນການປີ, ການລຶບລ້າງຄວາມທຸກຍາກອງປະຊາຊົນທຽບໃສ່ດຳລັດ 348/ລບ ແມ່ນຍັງເຫຼືອບ້ານທຸກຍາກ 1 ບ້ານ ແລະຄອບຄົວທຸກຍາກຍັງເຫຼືອ 35 ຄອບຄົວ.

  ໂອກາດດຽວກັນທ່ານຫົວໜ້າຄະນະຈັດຕັ້ງສູນກາງພັກກໍ່ໄດ້ມີຄຳເຫັນໂອ້ລົມຕໍ່ພະນັກງານຫຼັັກແຫຼ່ງຂອງເມືອງໃຫ້ເອົາໃຈໃສ່ຕໍ່ວຽກງານປ້ອງກັນຄວາມສະຫງົບພາຍ ໃນແກ້ໄຂປາກົດການຫຍໍ້ທໍ້ໃນສັງຄົມເປັນຕົ້ນບັນຫາຢາເສບຕິດ, ຂີ້ລັກງັດເເງະ ແລະອື່ນໆ, ເອົາໃຈໃສ່ປົກ ປັກຮັກສາຊັບພະຍາກອນທຳມະຊາດ, ເຂດນໍ້າແດນດິນ ແລະຊັບສິນຂອງປະ ຊາຊົນ, ເຮັດໃຫ້ປະຊາຊົນມີສະຕິຮັກຊາດປະກອບສ່ວນເຂົ້າໃນຂະບວນການຮັກສາຄວາມສະຫງົບ, ຄວາມເປັນລະບຽບຮຽບຮ້ອຍ, ສືບຕໍ່ເອົາໃຈໃສ່ພັດທະ ນາທາງດ້ານເສດຖະກິດເປັນໃຈກາງ, ພັດທະນາສັງຄົມ ແລະພັດທະນາຍົກລະດັບຊີວິດການເປັນຢູ່ຂອງປະຊາຊົນໃຫ້ດີຂຶ້ນໃນແຕ່ລະດ້ານ,ສ້າງໃຫ້ເມືອງໜອງບົກກາຍເປັນແຫຼງຜະລິດສິນຄ້າ,ມີໂຮງງານຜະລິດຂະໜາດໃຫຍ່ເພື່ອຕອບສະໜອງວຽກເຮັດງານທຳຂອງປະຊາຊົນພ້ອມກັນນັ້ນກໍ່ເອົາໃຈໃສ່ຕໍ່ວຽກງານກໍ່ສ້າງພັກ-ພະນັກງານສຶກສາອົບຮົມໃຫ້ພະນັກງານ-ສະມາຊິກພັກໃຫ້ມີຄວາມຈົ່ງຮັກພັກດີ, ມີຄວາມເດັດດ່ຽວໜຽວແໜ້ນເພື່ອເປັນຫຼັກແຫຼ່ງໃນການນຳພາຕໍ່ທຸກຂົງເຂດວຽກງານ ແລະພະ ນັກງານ-ສະມາຊິກພັກແຕ່ລະສະຫາຍຕ້ອງໄດ້ຮຽນຮູ້ທາດແທ້, ມູນເຊື້ອ ແລະກຳໄດ້ອຸດົມການ ແລະວັດຖຸປະສົງຂອງພັກໃນການນຳພາປະເທດຊາດກ້າວໄປສູ່ຈຸດໝາຍ ສັງຄົມນິຍົມເທື່ອລະກ້າວ, ໂອກາດນີ້ທ່ານຫົວໜ້າຄະນະຈັດຕັ້ງສູນກາງພັກພ້ອມດ້ວຍຄະນະນຳຂັ້ນສູນກາງ, ຂັ້ນແຂວງ ແລະເມືອງກໍ່ໄດ້ໄປຢ້ຽມຊົມຫົວໜ່ວຍການຜະ ລິດເຄື່ອງປັ້ນດິນເຜົາທີ່ເປັນມູນເຊື້ອ ແລະມີຊື່ສຽງຂອງເມືອງໜອງບົກ.\

แชร์