ວິທີປູກໝາກນາວ ໃຫ້ໄດ້ຜົນຜະລິດສູງ

 ໝາກນາວເປັນໝາກໄມ້ຊະນິດໜຶ່ງທີ່ມີວິຕາມິນຊີສູງ ແລະນິຍົມບໍລິໂພກຫຼາຍໃຫ້ຄຸນປະໂຫຍດໄດ້ທັງນ້ຳ ແລະເປືອກເພາະໝາກນາວມີກົດອິນຊີຫຼາຍຊະນິດເຊັ່ນ: ກົດຊີຕິກ, ກົດມາລິດ ແລະວິຕາມິນຊີ, ຍັງຊ່ວຍເສີມສ້າງໃຫ້ຮ່າງກາຍແຂງແຮງ, ຕ້ານທານກັບພະຍາດໄດ້ດີ, ໝາກນາວຍັງມີຄຸນປະໂຫຍດທາງການຢາເປັນຕົ້ນຊ່ວຍຮັກສາໂລກເລືອດອອກຕາມແຂ້ວ, ອາການທ້ອງອືດ, ຂັບລົມ, ແກ້ວິນວຽນ, ນອກຈາກນີ້ຍັງມີຄຸນປະໂຫຍດດ້ານຄວາມງາມນຳອີກ .

  ໝາກນາວເປັນພືດທີ່ສາມາດປູກໄດ້ໃນດິນເກືອບທຸກຊະນິດບໍ່ວ່າຈະເປັນດິນໜຽວ, ດິນຊາຍ, ແຕ່ຖ້າຕ້ອງການຈະປູກໝາກນາວໃຫ້ ໃຫຍ່ໄວ, ມີໝາກດົກ ແລະຄຸນນະພາບດີກໍ່ຄວນຈະປູກໃນບ່ອນທີ່ເປັນດິນຜຸຜຸ່ຍ, ມີການລະບາຍນ້ຳໄດ້ດີ, ມີທາດຈຸລິນຊີປະສົມຢູ່ຫຼາຍ ແລະຄວນເລືອກບ່ອນທີ່ຢູ່ໃກ້ແຫຼ່ງນ້ຳ. ເພາະສະນັ້ນການກຽມເນື້ອທີ່ປູກຖ້າຫາກເນື້ອທີ່ຕໍ່າໃຫ້ເຮັດຄັນດິນໂດຍໃຫ້ກວ້າງປະມານ 6-8 ແມັດສ່ວນຄວາມສູງແມ່ນໃຫ້ສັງເກດຈາກປະລິມານນ້ຳທີ່ເຄີຍຖ້ວມໂດຍໃຫ້ຢູ່ສູງກວ່າແນວລະດັບນ້ຳຖ້ວມ 50 ຊັງຕີແມັດ, ແທງຮ່ອງ ຫຼື ສອຍຮ່ອງປະຕູນ້ຳເພື່ອລະບາຍນ້ຳອອກ, ຂະໜາດຮ່ອງກວ້າງ 1,5 ແມັດ , ເລິກ 1 ແມັດ , ເນື້ອທີ່ຮ່ອງ ກວ້າງ 0,5-0,7 ແມັດ, ໃຊ້ໄລຍະ ປູກ  5x5 ແມັດ. ຖ້າຫາກເນື້ອທີ່ປູກ ເປັນດອນຄວນໄຖ ພູນເພື່ອກຳຈັດ ຫຍ້າ ແລະເຮັດໃຫ້ດິນແຕກອອກ ຈາກກັນ, ໃຊ້ໄລຍະໃນການປູກ  4x4 ຫາ 6x6 ແມັດ, ທຸກຢ່າງ ແມ່ນຂຶ້ນຢູ່ກັບຄວາມອຸດົມສົມບູນ ຂອງດິນ.

  ສ່ວນວິທີການປູກຄວນປູກໃນລະດູຝົນຈະເປັນການດີເພາະລະ ດູຝົນຈະເຮັດໃຫ້ດິນອ່ອນ, ການຂຸດຂຸມງ່າຍ, ຄວນຂຸດຂຸມປູກໃຫ້ມີຂະໜາດກວ້າງ ແລະເລິກປະມານ 50 ຊັງຕີແມັດ, ປະສົມດິນ, ຝຸ່ນຄອກ ແລະປຸ໋ຍຣ໌ອດຟໍສເຟດເຂົ້າດ້ວຍ ກັນໃນຂຸມໃຫ້ສູງປະມານ 2 ໃນ 3 ຂອງຂຸມ, ຍົກຖົງກ້າເບ້ຍໄມ້ວາງ ໃນຂຸມໂດຍໃຫ້ລະດັບຂອງດິນໃນ ຖົງສູງກວ່າລະດັບດິນປາກຂຸມ ເລັກນ້ອຍໃຊ້ມີດທີ່ຄົມແລ່ງຖົງຈາກ ກົ້ນຖົງຂຶ້ນມາຮອດປາກຖົງທັງ ສອງດ້ານ (ຊ້າຍ ແລະຂວາ), ດຶງ ຖົງຢາງອອກໂດຍລະວັງຢ່າໃຫ້ຖົງ ແຕກແລ້ວຖົມດິນທີ່ເຫຼືອລົງໃນຂຸມ, ຂົ່ມດິນບໍລິເວນຕົ້ນໃຫ້ແໜ້ນ, ປັກ ໄມ້ຫຼັກ ແລະມັດເຊືອກໄວ້ເພື່ອ ປ້ອງກັນລົມພັດແຮງ, ຫາຫຍ້າ ຫຼື ເຟືອງແຫ້ງມາປົກບໍລິເວນຕົ້ນຫົດ ນ້ຳໃຫ້ຊຸ່ມ, ເຮັດຮົ່ມເພື່ອຊ່ວຍກັນ ແສງແດດ .

  ສໍາລັບການດູແລຮັກສາຄວນໃຫ້ນ້ຳຢ່າງສະໝໍ່າສະເໝີໂດຍສະ ເພາະໃນໄລຍະທີ່ປູກໃໝ່ໆ, ຫົດນ້ຳມື້ລະເທື່ອເປັນຢ່າງນ້ອຍ (ກໍລະນີ ຝົນບໍ່ຕົກ ( ຫຼັງຈາກປູກໄດ້ປະມານ 15 ມື້, ໝາກນາວສາມາດຕັ້ງຕົ້ນ ໄດ້ແລ້ວຫົດນ້ຳເດືອນລະ 2-3 ເທື່ອ ແລະຄວນຫາວັດຖຸມາປົກດິນບໍ ລິເວນຕົ້ນເພື່ອຊ່ວຍຮັກສາຄວາມ ຊຸ່ມຊື່ນ, ຄວນເລີ່ມງົດການໃຫ້ນ້ຳ ຕັ້ງແຕ່ໄລຍະເດືອນມີນາເປັນຕົ້ນ ໄປຈົນເຖິງໄລຍະອອກດອກເພື່ອໃຫ້ໝາກນາວສະສົມອາຫານໃຫ້ສູງເຖິງລະດັບທີ່ສາມາດສ້າງຕາ ດອກໄດ້, ປົກກະຕິໝາກນາວຈະ ອອກດອກເດືອນເມສາຫາເດືອນ ພຶດສະພາ, ຫຼັງຈາກໝາກນາວ ອອກດອກ ແລະກຳລັງເປັນໝາກ ອ່ອນເປັນໄລຍະທີ່ໝາກນາວຕ້ອງ ການນ້ຳຫຼາຍເພື່ອໃຊ້ໃນການຈະ ເລີນເຕີບໂຕຂອງໝາກ .

  ການໃສ່ປຸ໋ຍຫຼັງຈາກໝາກນາວອາຍຸໄດ້ 3-4 ເດືອນຄວນໃສ່ປຸ໋ຍເຄມີ, ຝຸ່ນຄອກ ຫຼື ຝຸ່ນບົ່ມປະມານຕົ້ນ ລະ0,5 ກິໂລກກຣາມ, ກໍລະນີໃສ່ ປຸ໋ຍເຄມີຄວນໃສ່ຫຼັງຈາກພູນດິນ ກຳຈັດຫຍ້າແລ້ວໂຮຍໃສ່ບໍລິເວນ ອ້ອມຮອບພຸ່ມແລ້ວກໍ່ຫົດນ້ຳຕາມ ເພື່ອໃຫ້ປຸ໋ຍລະລາຍ, ເມື່ອໝາກ ນາວອາຍຸໄດ້ 1 ປີໃຫ້ໃສ່ປຸ໋ຍໝາກ ປະມານຕົ້ນລະ 300 ກຣາມ ແລະ ພໍໝາກນາວອາຍຸໄດ້ 2 ປີກໍ່ເພີ່ມ ປະລິມານປຸ໋ຍໂດຍໃສ່ປີລະ 2 ເທື່ອໆ ລະປະມານ 1 ກິໂລກຣາມ.  ທັງໝົດນີ້ແມ່ນຂຶ້ນຢູ່ກັບຄວາມ ອຸດົມສົມບູນຂອງຕົ້ນ ແລະເມື່ອ ໝາກນາວອາຍຸເຂົ້າປີທີ 3 ກໍ່ຈະເລີ່ມໃຫ້ໝາກ, ໃນໄລຍະກ່ອນອອກ ດອກປະມານ 1-2 ເດືອນ ໃຫ້ໃສ່ ປຸ໋ຍເພື່ອເລ່ງການຈະເລີນເຕີບໂຕ ໃນໄລຍະທີ່ຍັງບໍ່ອອກດອກໃນໄລ ຍະເລ່ງການອອກດອກປະມານ 0,5-1 ກິໂລກຣາມຕໍ່ຕົ້ນ, ປະລິ ມານທີ່ໃຊ້ຂຶ້ນຢູ່ກັບອາຍຸຂອງຕົ້ນ ພືດໂດຍໃສ່ໃນປະລິມານເຄິ່ງໜຶ່ງຂອງອາຍຸຕົ້ນ.

ໂດຍ: ນໍ້າເໝີ

แชร์