ຫົວເຫວີຍMate40Pro ມີຄະແນນປະສິດທິພາບສູງເໝືອນເດີມ

  ກັບມາອີກສຳລັບການລາຍງານປະສິດທິພາບຂອງມືຖືທີ່ລາຍງານໂດຍ An TuTu ໂປຣແກຣມທົດສອບປະສິດທິພາບເຖິງແມ່ນວ່າຈະຍັງບໍ່ໄດ້ກັບໄປຢູ່ໃນ Google Play Store ແຕ່ກໍຍັງສາມາດລອງດາວໂຫຼດມາທົດສອບໄດ້ຢູ່ ໂດຍໃນເດືອນພະຈິກນີ້ກໍມີລຸ້ນທີ່ໜ້າສົນໃຈຢູ່ພໍສົມຄວນ
ສຳລັບລຸ້ນບົນ Huawei Mate 40 Pro ແລະMate 40 Pro+ ຍັງຄົງໄດ້ຄະແນນນຳສູງສຸດລະດັບ 698.654 ຄະແນນ ແລະ 684.069 ຄະແນນຕາມມາດ້ວຍ Xiaomi 10 Ultra ທີ່ທຳຄະແນນຢູ່ທີ່ 671.045 ຄະແນນໂດຍລຸ້ນນີ້ຈະໄດ້ RAM 16GB/ROM 512GB ຖືວ່າຫຼາຍກວ່າ Huawei ແຕ່ຄາດວ່າຂຸມພະລັງຍັງແຮງຫຼາຍສ່ວນກຸ່ມ Mid Range ລຸ້ນທີ່ຄະແນນນຳສູງຄື Redmi 10X 5G ທີ່ໃຊ້ຂຸມພະລັງ MediaTek Dimensity 820 RAM 8GB/ROM 256GB ທີ່ຄະແນນ 404.089 ຄະແນນຮອງຕໍ່ມາເປັນ Huawei Nova 7 Pro ທີ່ໃຊ້ຂຸມພະລັງ Kirinn 985 ພ້ອມກັບ RAM 8GB/ROM 128GB ຄະແນນກໍຍັງຢູ່ທີ່ 4 ແສນຄະແນນ ຢູ່ດີ ແລະມືຖືທີ່ໄດ້ຂຸມພະລັງຂອງ Qualcomm ດັ່ງ Redmi K30 5G ກໍຢູ່ເກືອບທ້າຍໆຂອງຕາຕະລາງເລີຍ.
  ສຸດທ້າຍຄະແນນປະສິດທິພາບເຫຼົ່ານີ້ ເປັນພຽງແຄ່ປັດໄຈໜຶ່ງທີ່ຕັດສີນເລື່ອງຂອງມືຖືວ່າດີປານໃດແຕ່ສຸດທ້າຍກໍຂຶ້ນຢູ່ກັບທ່ານເອງວ່າຈະເລືອກຊື້ລຸ້ນໃດມາໃຊ້.

----

ໜັງສືພິມ ເສດຖະກິດ-ສັງຄົມ

แชร์