ກະຊວງສາທາ ສະຫຼຸບວຽກງານປະຈຳປີ

  ກອງປະຊຸມສະຫຼຸບການຈັດຕັ້ງປະຕິບັດວຽກງານສາທາລະນະສຸກປະຈໍາປີ 2018 ແລະວາງທິດທາງແຜນການປີ 2019 ໄດ້ຈັດຂຶ້ນວັນທີ 26-28 ກຸມພາ 2019 ທີ່ຫໍປະຊຸມແຫ່ງຊາດພາຍໃຕ້ການເປັນປະທານຂອງທ່ານ ບຸນກອງ ສີຫາວົງ ລັດຖະມົນຕີກະຊວງສາທາລະນະສຸກ ມີບັນດາທ່ານເຈົ້າແຂວງ,ຫົວໜ້າ ກົມ, ອໍານວຍການໂຮງໝໍ ແລະຫົວໜ້າພະແນກກ່ຽວຂ້ອງເຂົ້າຮ່ວມ.

 ທ່ານ ບຸນກອງ ສີຫາວົງ ກ່າວວ່າ: ເພື່ອຜັນຂະຫຍາຍມະຕິກອງປະຊຸມໃຫຍ່ຄັ້ງທີ X ຂອງພັກທີ່ຖືເອົາວຽກງານກັນພະຍາດ ແລະສົ່ງເສີມສຸຂະພາບເປັນວຽກ ງານສໍາຄັນ ແລະ ຖືເອົາການບໍລິການປິ່ນປົວທີ່ມີຄຸນນະພາບທົ່ວເຖິງ ແລະ ເປັນທໍາເປັນວຽກງານຕົ້ນຕໍກໍຄືສູ້ຊົນປະຕິບັດ 10 ຕົວຊີ້ວັດໃຫ້ສາມາດບັນລຸໄດ້ຕາມຄາດໝາຍທີ່ວາງໄວ້ ແລະຮັບປະກັນໃຫ້ປະຊາຊົນບັນດາເຜົ່າ ໄດ້ເຂົ້າເຖິງການບໍລິການທີ່ມີຄຸນນະພາບໄດ້ຢ່າງທົ່ວເຖິງ ແລະຍຸຕິທໍາໃນປີ 2018 ຜ່ານມາຂະແໜງສາທາລະນະສຸກໄດ້ຜົນຂະຫຍາຍ ແລະຈັດຕັ້ງປະຕິບັດແຜນພັດທະນາສາທາລະນະສຸກໄດ້ 8 ແຜນງານໃນນັ້ນມີ 42 ແຜນງານຍ່ອຍ ແລະ 97 ໂຄງ ການຕາມກອບຍຸດທະສາດປະຕິຮູບສາທາລະນະສຸກໄລຍະ II ທີ່ສຸມໃສ່ປະຕິຮູບວຽກງານສາທາລະນະສຸກໃນ 5 ດ້ານຄື: ດ້ານຊັບພະຍາກອນມະນຸດ, ບໍລິການຄຸ້ມຄອງ, ການເງິນສາທາລະນະສຸກ, ການບໍລິການສາທາລະນະສຸກ ແລະ ດ້ານຂໍ້ມູນຂ່າວສານສາທາລະນະສຸກພ້ອມທັງປະຕິບັດຫຼາຍມາດຕະການນະໂຍບາຍເຮັດໃຫ້ການຈັດຕັ້ງປະຕິບັດ 10 ຕົວຊີ້ວັດທີ່ສະພາແຫ່ງຊາດໄດ້ຮັບຮອງໃຫ້ກະຊວງສາທາລະນະສຸກຈັດຕັ້ງປະຕິບັດມີຫຼາຍຕົວຊີ້ວັດກໍ່ມີຄວາມຄືບໜ້າເປັນທີ່ໜ້າພໍໃຈແຕ່ກໍຍັງມີຫຼາຍຕົວຊີ້ວັດມີແນວໂນ້ມທີ່ຍັງບໍ່ສາມາດບັນລຸແຜນການ.

  ໂອກາດດັ່ງກ່າວທ່ານ ຝຸ່ນຄໍາ ລັດຕະນະວົງ ຮອງຫົວໜ້າກົມແຜນການ ແລະ ການຮ່ວມມືໄດ້ລາຍງານບົດສະຫຼຸບປະຈໍາປີ 2018 ແລະທິດທາງແຜນການ ສໍາລັບປີ 2019 ໃຫ້ຮູ້ວ່າ: ສໍາລັບອັດ ຕາສ່ວນຕົວຊີ້ວັດທີ່ສາມາດບັນລຸໃນແຜນປະຈຳປີ 2018 ໄດ້ແມ່ນມີ 5 ອັດຕາສ່ວນຄື: ອັດຕາສ່ວນຂອງເດັກລຸ່ມ 5 ປີລວງສູງບໍ່ໄດ້ມາດຕະຖານ, ອັດຕາສ່ວນການຕາຍຂອງເດັກລຸ່ມ 5 ປີ, ອັດຕາສ່ວນຕາຍຂອງແມ່, ອັດຕາສ່ວນການຊົມໃຊ້ວິດຖ່າຍ ແລະອັດຕາສ່ວນການປົກຄຸມການປະກັນສຸຂະພາບສຳລັບອັດຕາສ່ວນຕົວຊີ້ວັດທີ່ຍັງບໍ່ທັນບັນລຸຕາມແຜນກາປະກອບມີ: ອັດຕາສ່ວນເດັກນ້ອຍລຸ່ມ 5 ປີທີ່ມີນໍ້າໜັກຕໍ່ກວ່າມາດ ຕະຖານ,ອັດຕາການຕາຍຂອງເດັກລຸ່ມ 1 ປີ ຕົວຊີ້ວັດການເກີດລູກມີແພດຊ່ວຍ,ອັດຕາສ່ວນການສັກຢາກັນພະຍາດ ແລະອັດຕາສ່ວນການຊົມໃຊ້ນໍ້າສະອາ ດສຳລັບວຽກງານທິດທາງ 2019 ຈະປັບປຸງຍົກລະດັບສະຖານທີ່ບໍລິການຕ່າງໆໃຫ້ໄດ້ມາດຕະຖານສາມາດນຳໃຊ້ອຸປະກອນເຕັກໂນໂລຊີທັນສະໄໝ, ສຸມໃສ່ປັບປຸງບົ່ງມະ ຕິ ແລະແກ້ໄຂສາເຫດການຕາຍໂດຍສະເພາະແມ່ ແລະເດັກເພື່ອຍົກລະດັບ ຄຸນນະພາບຈັດຕັ້ງປະເມີນນະໂຍບາຍ 5 ດີ 1 ພໍໃຈ, ສືບຕໍ່ປຸກລະດົມທົ່ວປວງຊົນໃຫ້ເຂົ້າຮ່ວມເປັນເຈົ້າການຮັກສາສຸຂະພາບຂອງຕົນ ແລະໂຄສະນາສຶກສາອົບຮົມອື່ນໆ.

ຂ່າວ: ແພງຕາ

แชร์