ວີເຄຮ່ວມຈັບມືລີນາເປັນຕົວແທນຈຳໜ່າຍລົດ

   ທ້າຍອາທິດຜ່ານມາ ບໍລິສັດ ວີເຄ ການຄ້າຂາອອກ-ຂາເຂົ້າ ຈຳກັດຜູ້ດຽວ ແລະບໍລິສັດ ລີນາຈະເລີນ ການຄ້າຈຳກັດຜູ້ ດຽວຖືເປັນສອງບໍລິສັດລະດັບແຖວໜ້າລາວທີ່ສັງຄົມໃຫ້ການຍອມຮັບຈັດພິທີເຊັນສັນຍາເປັນຕົວແທນຈຳໜ່າຍລົດ GAC MOTOR  ແລະ VOLKSWagen ເຂົ້າຮ່ວມທ່ານ ນາງ ວຽງຄຳ ທອງນາລີ ປະທານບໍລິສັດ ວີເຄກຣຸບ, ທ່ານ ນາງ ກໍລະກັນ ທຳມະວົງ ປະທານບໍລິສັດລີນາຈະເລີນການຄ້າຈຳກັດຜູ້ດຽວພ້ອມພະນັກງານທັງສອງເຂົ້າຮ່ວມ.

   ທ່ານ ນາງ ກໍລະກັນ ທຳມະວົງ ກວ່າວ່າ: ບໍລິສັດ ລີນາ ຈະເລີນ ການຄ້າກໍ່ແມ່ນບໍລິສັດທີ່ເຮັດເລື່ອງການຈຳໜ່າຍລົດມາເປັນເວລາດົນ ແລະຖືໄດ້ວ່າເປັນທີ່ຍອມຮັບຂອງສັງຄົມ ແລະເປັນທີ່ຮູ້ຈັກທົ່ວປະເທດສະນັ້ນເພື່ອເປັນການຕອບສະໜອງ ແລະ ຄືນກຳໄລກໍ່ຄືການບໍລິການໃຫ້ມີມາດຖານທັນສະໄໝຂຶ້ນທາງບໍລິສັດຮ່ວມມືບໍລິສັດ ວີເຄ ການຄ້າຂາອອກ-ຂາເຂົ້າ ຈຳກັດຜູ້ດຽວ ເພື່ອເປັນການຂະຫຍາຍຕະຫຼາດ ແລະການບໍລິການລູກຄ້າໃຫ້ກ້ວາງຂວາງທາງບໍລິສັດເຮົາຈຶ່ງໄດ້ມີການຂະຫຍາຍຕົວແທນ ຈຳໜ່າຍເພື່ອໃຫ້ລູກຄ້າສະດວກໃນການເລືອກຊື້ ແລະບໍລິການຫຼັງການຂາຍ.

   ໂອກາດດັ່ງກ່າວທ່ານ ນາງ ວຽງຄຳ ທອງນາລີ ປະທານ ບໍລິສັດ ວີເຄ ກຣຸບ ກ່າວວ່າ: ບໍລິສັດ ວີເຄກຣຸບ ຫຼື VKAUTO ຫຼືອີກຊື່ແມ່ນບໍລິສັດ ວີເຄການຄ້າຂາອອກ-ຂາເຂົ້າຈຳກັດຜູ້ດຽວ, ແມ່ນໄດ້ເລີ່ມສ້າງຕັ້ງແຕ່ທ້າຍປີ 2009 ປະຈຸບັນເປັນຕົວແທນນຳເຂົ້າ ແລະຈຳໜ່າຍລົດບັນທຸກຍີ່ຫໍ້ JAC,ລົດບັນທຸກໜັກຍີ່ຫໍ້ SINOTRUK, ລົດກົນຈັກໜັກຍີ່ຫໍ້ LIUGONG ແລະລົດຫຼູຍີ່ຫໍ້ GAC ແລະVOLKSWAGEN.

   ບໍລິສັດ ວີເຄ ເຮົາໄດ້ນຳເຂົ້າລົດຍີ່ຫໍ້ JAC ແຕ່ປີ 2010, ລົດໜັກຍີ່ຫໍ້ SINO TRUK ແຕ່ປີ 2012 ແລະລົດກົນຈັກໜັກຍີ່ຫໍ້LIUGONG ໃນປີ 2013 ເປັນ ຕົ້ນມາ.

ປະຈຸບັນເຫັນວ່າເສດຖະກິດໃນປະເທດລາວເຮົາແມ່ນໄດ້ມີການຂະຫຍາຍຕົວທີ່ດີປະຊາກອນມີລາຍຮັບທີ່ເພີ່ມຂຶ້ນ ແລະຖະໜົນຫົນທາງໄດ້ຮັບການສ້ອມແປງ ແລະສ້າງ ຂຶ້ນໃໝ່ຊຶ່ງຈະອຳນວຍຄວາມສະດວກໃນການໄປມາຫາສູ່ກັນຫຼາຍຂຶ້ນທາງບໍລິສັດເຮົາຈຶ່ງໄດ້ນຳເອົາລົດຫຼູ 2ຍີ່ຫໍ້ດັ່ງກ່າວເຂົ້າມາເພື່ອເປັນທາງເລືອກໃຫ້ກັບລູກຄ້າຕື່ມອີກ.

 ລົດຫຼູຍີ່ຫໍ້ GAC ແມ່ນເປັນລົດທີ່ຜະລິດຢູ່ກວາງໂຈປະເທດຈີນຊຶ່ງເປັນລົດໃນຄ້າຍຂອງໂຕໂຍຕາທີ່ມາຮ່ວມທຶນຜະລິດຢູ່ຈີນຊຶ່ງກະປຸກເກຍ, ຈັກ ແລະອາໄຫຼ່ສ່ວນຫຼາຍແມ່ນໃຊ້ຮ່ວມກັນກັບອາໄຫຼ່ຂອງລົດຍີ່ຫໍ້TOYOTA ໄດ້ເລີຍ, ລູກຄ້າສາມາດໝັ້ນໃຈໃນຄຸນນະພາບ ເພາະລົດຍີ່ຫໍ້ GAC ແມ່ນໄດ້ຮັບລາງ ວັນຢັ້ງຢືນຄຸນນະພາບແລະລົດທີ່ມີຍອດຂາຍດີເຖິງ 8 ປີ ຕິດຕໍ່ກັນ.

   ລົດຍີ່ຫໍ້ VOLKSWAGEN ແມ່ນເປັນລົດອີກຍີ່ຫໍ້ໜຶ່ງທີ່ທຸກຄົນຮູ້ຈັກກັນດີໃນນາມລົດຫຼູຈາກປະເທດເຢຍລະມັນເລື່ອງຄຸນນະພາບແມ່ນເປັນທີ່ຍອມຮັບ ແລະຮູ້ຈັກກັນດີ ແລະລົດດັ່ງກ່າວກໍ່ແມ່ນເປັນລົດຈາກຄ້າຍໂວກສະວາເກນຈາກປະເທດເຢຍລະມັນມາຮ່ວມລົງທຶນຜະລິດດຢູ່ປະເທດຈີນເຊັ່ນດຽວກັນ,ສະນັ້ນທ່ານໃດຕ້ອງການສົນ ໃຈຕົວແທນຈຳໜ່າຍຕັ້ງຢູ່ບ້ານນາເລົ່າ, ເມືອງສີ ໂຄດຕະບອງ, ນະຄອນຫຼວງວຽງຈັນ.ໄກ້ກັບໂຮງໝໍປົວຕາທົງປົ່ງ.

แชร์